[ماهر يونس]

معلش أنا بعمل مواضيع كتير علشان حابب الموضوع وناوى اتعلم أن شاء الله



إحنا قولنا قبل كده إننا بنقيس 6 مرات
1- الأحمر على القاعده والاسود مره على الرجل اليمين ومره على الرجل الشمال الأفو يدى قياس طب ليه

علشان الرجل اليمين هتبقى هى الباعث للإلكترونات ( حد يقولى صح ولا غلط )


2- نعكس بقى ونحط االاسود على القاعده او على الرجل اللى فى النص مش فارقه ما هما متصلين ببعض والأحمر مره على الرجل اليمين ومره على الرجل الشمال ما يديش قياس طب ليه ؟؟؟

هنقول الاول إحنا كده قيسنا بطريقتين مختلفتين 4 قياسات لييييييييه
علشان زى ما انا فاهم انا مش عارف الترانزيستور اللى قدامى ده npn ولا pnp

طيب زى ما انا فهمت برضه لو هو pnp يعنى القاعده بتاعته موجبه لأنه بيكون من بللورتين موجبتين أحدهما القاعده بينهم بللورد سالبه ودى القياس الاول غلشان كده انا بحط الطرف الموجب للأفو على القاعده الموجبه

اوكى القياس التانى لو هو بقى npn يعنى بيتكون من بللورتين سالبتين أحدهما القاعده بينهم بللوره سالبه علشان كده بنحط الطرف السالب للآفو الاسود يعنى على القاعده لانها سالبه برضه

طب السؤال هنا اللى انا مش فاهمه ايه اللى بيخلى الحاله الاولى اللى هى pnp تدى قياس والحاله التانيه اللى ما تديش حاجه ولو اديتنى يبقى شورت بمعنى الو الترازنيستور اللى قدامى ده pnp ايه اللى يمنع انه يدى قياس ؟

أوكى نيجى بقى للقياس الخامس والسادس وهو وضع الأسود على الرجل اليمين وبعدين على الشمال وبعدين نعكس

طب ليه انا بعمل كده هل ده قياس دايود عادى بإعتبار إن الترانزيستور 2 دايود

طب لو إدانى قراءه بالاضافه للقراءه فى القياس الاول يبقى سليم ولا لأ ولو مداش غير قراءه واحده بس فى القياس الاول بس سبقى سليم ولا بايظ


نيجى بقى لقياسات تانيه غير 6 اللى فاتو انا عرفتهم لو ثبت الأسود أو الأحمر على القاعده ولمست أى رجلين فى الترانزيستور وراح الآفو مصفر كده ومدى قراءة بسيطه بس بتنزل تانى كده يبقى سورت ولا ايه

هلخص اللى فات فى كلمتين

لو انا صح يبقى لو الترانزيستور اللى قدامك ده npn هتحصل على قراءتين واحده من وضع الاحمر على القاعده وتلميس كل رجل بالأسود والقياس التانى هتحصل عليه من تثبيت الاحمر على احد الرجول اليمين أو الشمال والتحرك بالطرف الآخر او العكس يعنى كانك بتقيس دايود هتحصل على قراءة واحده بس كده سليم تمام

طب لو الترانيستور اللى قدامك pnp هتحصل على قراءه واحده بس من القياس الخامس والسادس لأن فى القياس الاول مش هيديك حاجه

حد يقولى انا صح ولا غلط


طيب ده بالنسبه للترانزيستور الموسفت أبو قاعده ( اللى على الشمال فى الصوره ) طيب الترانزسيتور الفلات اللى على على اليمين من تحت ) نفس طريقة القياس ولا ايه



وهل الكلام ده صح ولا لأ ولو صح ينطبق على الموسفت ولا لأ ؟



هناك طريقة أخرى لمعرفه صلاحيه الترانزيستور الفلات وهو راكب
داخل الدائرة يتم قياسه بالمقارنه مع مثيله من نفس الرقم على الدائرة ويتم المقارنه على عدد 3 ترانزيستور يحملون
نفس الرقم على الاقل والمختلف فى القياس فهو تالف...

أرجو الإهتمام يا إخوانى لأن الإحابه على الاسئلة الموجوده فى الموضوع ده هتحسم أمر الترانزيستور تمام بالنسبه للمبتدأين أمثالى

[ماهر يونس]

يا جماعه حد يقول حاجه

[محمد البدوي]

عزيزي ماهاريكو الموضوع باختصار
انت بصدد ترانزيستور امام حضرتك
ولم تعرف اي تفاصيل يعني لا npnولا اطراف
يعني لا base
ولا collector
ولا emitter

لكن يا حبي ده كله مش لازمنا احنا عاوزني نعرف الترانزيستور ده شغال ولا لا

هناتي بالافو ونثبت طرف ونحرك التاني علي الطرفين الباقيين
ونفعل هذا مع الثلاث اطراف

ولو حصلنا علي قياسين دون صوت صفارة يبقي سليم ...اوكي

اكثر من قياسين او سمعت صوت صفارة يبقي تالف

الا اذا كان الترانزيستور بدايود

يعني من ال6قياسات واحنا بنقيس وجدنا طرفين عملوا صفارة
يبقي هنا وقفة وناتي للطرفين في الترانزيستور ونعكس عليهم طرفي الافو
الاحمر مكان الاسود
والاسود مكان الاحمر

عملت صفارة يبقي ده شورط بين الرجلين

لم تحدث يبقي الترانزيستور ده به دايود حماية

مسالة اطراف الترانزيستور ونوعه بدون داتا شيت او بدايل تعرفها ازاي

ناتي بالافو ونري اثناء القياس ان دايما في رجل في الترانزيستور بتقيس مع الباقي

فالترانزيستور اطرافه base
collector
emitter

والbase هي التي تقيس مع ال emitter والcollector
والباقي لن يقيس

لذا ده السبب اللي بيخلينا نقول الترانزيستور اللي بيقيس مرتين هو سليم

لذا اعرف الطرف اللي بيقيس مع الطرفين الباقيين

توصلت اليه ...الحمد لله

انظر للون واير الافو اللي عليه ...لونه ايه (احمر -اسود)

احمر وده الموجب

اسود وده السالب

لكن معلش لحظة

بطارية الافو راكبه بالعكس جواه فده نوع البطارية

والطرف بتاع الافو هو اللي هيحدد لك ان كان طرف الترانزيستور اللي عليه سالب ولا موجب

لكن لان البطارية بالعكس فالطرف اللي عليه واير الافو هيكون واخد عكس الاشارة

يعني لو الطرف اللي بيقيس مع الاتنين كان فوقه الواير الاسود يبقي هو موجب

ولو احمر يبقي هو سالب

والترانزيستور نوعان
npn ......p-channel
pnp-n-channel

وبعد ان عرفت الي بيقيس مع الاتنين الباقيين اشارته ايه يبقي ان عرفت اشارة الbase سالب ولا موجب

ودايما الbase بتاخد اشارة مخالفة لاشارة الطرفين الباقيين

لذا لو كانت الbase ٍسالب فانت بصدد ترانزيستور pnp
ولو كانت موجبة يبقي انت بصدد ترانزيستور Npn

pاختصار لpositiveاي موجب
nاختصار لnegativeاي سالب



لكن ده لو كان سليم بطبيعة الحال
ولو تالف بتاخذ رقمه وتروح لمحل تشتريه او تبحث مواصفاته في كتاب البدائل

[م اسلام معروف]

اقتباس المشاركة الأصلية كتبت بواسطة المغامر2003 عزيزي ماهاريكو الموضوع باختصار انت بصدد ترانزيستور امام حضرتك ولم تعرف اي تفاصيل يعني لا npnولا اطراف يعني لا base ولا collector ولا emitter لكن يا حبي ده كله مش لازمنا احنا عاوزني نعرف الترانزيستور ده شغال ولا لا هناتي بالافو ونثبت طرف ونحرك التاني علي الطرفين الباقيين ونفعل هذا مع الثلاث اطراف ولو حصلنا علي قياسين دون صوت صفارة يبقي سليم ...اوكي اكثر من قياسين او سمعت صوت صفارة يبقي تالف الا اذا كان الترانزيستور بدايود يعني من ال6قياسات واحنا بنقيس وجدنا طرفين عملوا صفارة يبقي هنا وقفة وناتي للطرفين في الترانزيستور ونعكس عليهم طرفي الافو الاحمر مكان الاسود والاسود مكان الاحمر عملت صفارة يبقي ده شورط بين الرجلين لم تحدث يبقي الترانزيستور ده به دايود حماية مسالة اطراف الترانزيستور ونوعه بدون داتا شيت او بدايل تعرفها ازاي ناتي بالافو ونري اثناء القياس ان دايما في رجل في الترانزيستور بتقيس مع الباقي فالترانزيستور اطرافه base collector emitter والbase هي التي تقيس مع ال emitter والcollector والباقي لن يقيس لذا ده السبب اللي بيخلينا نقول الترانزيستور اللي بيقيس مرتين هو سليم لذا اعرف الطرف اللي بيقيس مع الطرفين الباقيين توصلت اليه ...الحمد لله انظر للون واير الافو اللي عليه ...لونه ايه (احمر -اسود) احمر وده الموجب اسود وده السالب لكن معلش لحظة بطارية الافو راكبه بالعكس جواه فده نوع البطارية والطرف بتاع الافو هو اللي هيحدد لك ان كان طرف الترانزيستور اللي عليه سالب ولا موجب لكن لان البطارية بالعكس فالطرف اللي عليه واير الافو هيكون واخد عكس الاشارة يعني لو الطرف اللي بيقيس مع الاتنين كان فوقه الواير الاسود يبقي هو موجب ولو احمر يبقي هو سالب والترانزيستور نوعان npn ......p-channel pnp-n-channel وبعد ان عرفت الي بيقيس مع الاتنين الباقيين اشارته ايه يبقي ان عرفت اشارة الbase سالب ولا موجب ودايما الbase بتاخد اشارة مخالفة لاشارة الطرفين الباقيين لذا لو كانت الbase ٍسالب فانت بصدد ترانزيستور pnp ولو كانت موجبة يبقي انت بصدد ترانزيستور Npn pاختصار لpositiveاي موجب nاختصار لnegativeاي سالب لكن ده لو كان سليم بطبيعة الحال ولو تالف بتاخذ رقمه وتروح لمحل تشتريه او تبحث مواصفاته في كتاب البدائل

انت فعلا مبدع وممتع
تقبل تحياتي
وجزاك الله خيرا

[ماهر يونس]

متشكرين يا استاذ المغامر ويا استاذ إسلام
انا هقول اللى فهمته وسعادتك قولى صح ولا غلط معلش الواحد مخه تخين شويه

الترانزيستور 2 دايود يعنى 2 قاعده ييبقى لازم يدى قرايتين لأن الدايود بيقيس فى اتجاه واحد بس وهيدينى من 400 - 700 غير كده أو صفاره حتى لو مع قرائه يبقى بايظ
يعنى هنثبت طرف الأفو الاحمر مثلا على أى رجل وأتحرك على الرجلين التانيين وهكذا على الرجلين التانيين

وهل نيجى بعد كده بقى نثبت الاسود ونتحرك بالأحمر ولا ايه

ولو انا شغال بالديجيتال لازم أفرغ الشحن كل قياس بمفك مثلا المس 3 رجول مع بعض ؟؟

الجزء التانى لو طرفين اعطوا صفاره علشان أتأكد إذا كانوا شورت ولا لأ أعكس أطراف الآفو الصفاره استمرت يبقى شورت مافيش صفاره يبقى شغال

[ماهر يونس]

فى موضوع للباشمهندس محمد سعيد
http://www.qariya.com/vb/showthread.php?t=32462
أوضح فيه أن الموسفت السليم يدى قراءه واحده بس على الآفو الديجيتال من غير صفارات
انا مش عارف بس هما قرايتين ولا قرايه واحده كمان هو بيقول يمكن قياس الفولت على الموسفتات وهى على الدايره

[محمد البدوي]

عزيزي اسلام شكرا لكل علي الاطراء والتقييم

اما بالنسبة لاخي ماهاريكو
اقوله احيانا الموسفت بالذات يكون له قياس واحد لكن الترانزيستور العادي لا

لذا كلام البشمهندس محمد سعيد طبعا كلام صحيح لانه يتحدث عن المازربورد والتي معظمها موسفيتات

هذا طبعا غير الشاشات والتلفزيونات العادية التي تمتلا بالترانزيستورات العادية وتندر بها الموسفيتات

[ahmedfarghaly]

اخي الحبيب المغامر

مجهود كبير
بارك الله فيك