برمجة 8-bit micro-controller

[redfox750]

السلام عليكم

كان عندى استفسار للاخوة الى بيحبوا الميكروكونترولر والايبى روم والحجات دى ربنا يحفظنا

انا عندى دائرة لفولتميتر واوميتر ديجيتال مع بعض ، اللوحة شغالة زى الفل بإستثناء انها بتقيس فولت لغاية 25 وتدى بعدها HHH فقط ، والامبير اخرها برضة 2 امبير وبعديها الرقم يثبت على 2.05 ومايزيدش عن كدة ، طبعا القيم دى محبطة انا عايز على الاقل اخليها تقيس 100 فولت و 10 امبير ، دى ديجيتال المفروض ، انا إتطقست كدة شوية وقلبت فيها لقيت فيها 8-bit micro-controller أعتقد انة هوة دة السبب او هوة متبرمج على الليميت دة فقط ، طبعا انا ماليش فى الميكروكونترولر وموش بحبها رغم انى عارف انها قسم موش قليل فى الالكترونيات بس القلب ومايريد بقى

المهم انا طلبى هوة هل حد فى مصر ممكن يبرمجلى الميكروكونترولر بالقيم دى واحاسبة ، او لو حد فيكم يعرف حد فى مصر ممكن يعملى العملية دى ولو يعرف تكلفتها فى حدود كام ، ولو مافيش فهل برضة ممكن الاقى بانل ديجيتال بقيم قريبة من القيم دى؟ تقيس 100 فولت و 10 امبير لإنى مالقيتش فى باب اللوق او النخيلى ، طبعا الكلام على التيار المستمر وأكون شاكر ليكم جدا

[ماجد عباس محمد]

البرمجة ليس لها علاقة بالموضوع فالدائرة لها حدود لا تتعداها فى القياس مبنية على خواص الـ IC المستخدمه
مثلا أى آفو رقمى عادة الـ IC المستخدمة تقيس حتى +/- 2 فولت فقط أما باقى القياسات فتتم عن طريق مجزء جهد مع مفتاح المدى لتقسيم الجهد الداخل بنسبة ثابتة مثلا 1/10 من الدخل فيصبح المدى 20 فولت ثم 1/100 يصبح المدى 200 فولت و هكذا

[hamzazayyad]

نعم اخي
ولكن لما لا تشتري digital multimeter جديد فسعره قليل وامكانياته كبيره ودو شكل وقوه عمللين وسيكون ارخص كتلفه عليك

[redfox750]

يعنى افهم من كلام حضرتك يامهندس ماجد انى ممكن اغير قيمة ال Voltage Devider ، او المقاومات بتاعة الدخل بتاعة الاميتر وبكدة هاقدر انى اقيس امبير وفولتية اعلى؟ ، وهل دة معناة انة البرمجة ليس لها دخل بالقيم اللى بتتعرض على البانل؟ يعنى اقصد انى اقدر باللعب فى المقاومات اقيس 100 فولت على البانل حتى لو كان الميكروكونترولر مبرمج على 20 فولت فقط؟


وبالنسبة لانى اشترى بانل جديدة ياريت ، لكنى موش عارف الاقيها فين كل اللى بلاقية افوميتر ، لكن بانل متر او بانل فولتميتر ديجيتال موش لاقيها فلو حد يعرف يدلنى على مكان ياريت

[ماجد عباس محمد]

المشاركة الأصلية كتبت بواسطة redfox750

يعنى افهم من كلام حضرتك يامهندس ماجد انى ممكن اغير قيمة ال Voltage Devider ، او المقاومات بتاعة الدخل بتاعة الاميتر وبكدة هاقدر انى اقيس امبير وفولتية اعلى؟ ، وهل دة معناة انة البرمجة ليس لها دخل بالقيم اللى بتتعرض على البانل؟ يعنى اقصد انى اقدر باللعب فى المقاومات اقيس 100 فولت على البانل حتى لو كان الميكروكونترولر مبرمج على 20 فولت فقط؟

بالتأكيد فالدائرة تعرض رقم بدون وحدات وهذا الرقم مناظر للقيمة على طرفى الدخول، فلو استخدمت مجزء جهد يمكنك قياس أى قيمة أخرى وهذا ما يحدت فى أجهزة الآفو القياسية التى تشتريها من السوق

وبالنسبة لانى اشترى بانل جديدة ياريت ، لكنى موش عارف الاقيها فين كل اللى بلاقية افوميتر ، لكن بانل متر او بانل فولتميتر ديجيتال موش لاقيها فلو حد يعرف يدلنى على مكان ياريت

هذه الوحدات موجودة للبيع ولكن ربما ليست فى السوق المحلى و يمكنك شراؤها من النت
http://fr.mouser.com/Test-Measuremen...ters/_/N-5gfl/