[mm_medicano]

السلام عليكم ورحمة الله
انا عندى سخان كريازى غاز 10 لتر
كان شغال كويس مع الانبوبة
بعد كده ركبنا الغاز الطبيعى وجم بتوع الغاز ركبو الوصلات
لقينا كل منحاول نشغله اللمبة تنور والشرارة تطلع ويفضل يعمل كده شوية من غير مالنار تولع
اتصلنا بالشركة قالو الميا ضعيفة علما بانها والحمد لله قوية وتمام غير انه كان شغال على الانبوبة حلو
اتصلنا بالصيانة بتاعته جه واحد وقال اصلهم كانو مركبين حاجة غلط وقال انه صلحها واشتغل
لكن المشكلة منتهتش
لسة موجودة بس غريبة اوى ساعات يعمل كده وساعات يكون شغال كويس
انا مش فاهم العيب فى توصيلات الغاز ولا حصل فيه حاجة غلط من جوة
واكلم مين شركة الغاز اللى غالبا مش هيسالو ولا صيانة السخان وعلى فكرة ضمانه فاضل عليه ايام
احنا لا عارفين نتوضى ولا نغتسل وحسبى الله ونعم الوكيل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[tarek_2005]

كلم بتوع الغاز
لانه عند التحويل من الانبوبة للغاز الطبيعي يتم تعديل ( فونية ) اخراج الغاز للشعلة الصغيرة والشعلات الكبيرة ايضاً للتتناسب مع ضغط الغاز الطبيعي المنخفض بدلاً من ضغط الانبوبة المرتفع
والعيب عندك ان هذه الفونية ضيقة قلقلاً فلاتسمح بتسخين الحساس الحراري الخاص بفتح الغاز للشعلات الكبيرة ويجب توسيعها بما يتلائم وضغط الغاز

[mm_medicano]

اقتباس المشاركة الأصلية كتبت بواسطة tarek_2005 كلم بتوع الغاز لانه عند التحويل من الانبوبة للغاز الطبيعي يتم تعديل ( فونية ) اخراج الغاز للشعلة الصغيرة والشعلات الكبيرة ايضاً للتتناسب مع ضغط الغاز الطبيعي المنخفض بدلاً من ضغط الانبوبة المرتفع والعيب عندك ان هذه الفونية ضيقة قلقلاً فلاتسمح بتسخين الحساس الحراري الخاص بفتح الغاز للشعلات الكبيرة ويجب توسيعها بما يتلائم وضغط الغاز

اشكرك جدا على ردك جزاك الله كل خير
بس ممكن سؤال بتوع الغاز شركة سيئة جدا ومش بيسئلو فينا وغالبا مش هييجو
ممكن عامل عادى يصلحها؟
نجيب سباك مثلا او حد من ضمان كريازى ولا ضرورى يكون من الشركة بتاعة الغاز
وكمان تعديلها يعنى نجيب واحدة مختلفة لها مقاس او اسم معين ولا ده مجرد حاجة بيعملوها فى الفونية الموجودة اصلا
اعذرنى انا مش بفهم فى الحاجات دى خالص وبتوع الغاز والسخان غلبووووونى

[tarek_2005]

اقتباس المشاركة الأصلية كتبت بواسطة mm_medicano بتوع الغاز شركة سيئة جدا ممكن عامل عادى يصلحها؟ نجيب سباك مثلا او حد من ضمان كريازى ولا ضرورى يكون من الشركة بتاعة الغاز وكمان تعديلها يعنى نجيب واحدة مختلفة لها مقاس او اسم معين ولا ده مجرد حاجة بيعملوها فى الفونية الموجودة اصلا اعذرنى انا مش بفهم فى الحاجات دى خالص وبتوع الغاز والسخان غلبووووونى

لاشكر علي واجب

افضل من يقوم بهذا التعديل بتوع شركة الغاز لانهم في الغالب يرسلون لك مهندس او علي الاقل فني عالي التدريب وهذا زيادة في الامان لك ولاسرتك
حد من ضمان كريازي يتساوي مع شركة الغاز في نفس الميزة
اي احد غير هؤلاء سوف يصيب او يخيب
واذا خاب فلا امل من عودة السخان الي حالته الطبيعية
اما عن التعديل فليس هناك تغير بل ( الفونية ) عبارة عن قطعة من الالمونيوم الرقيق وبها ثقب صغير لمرور الغاز من خلاله والتعديل يكمن في زيادة قطر هذا الثقب بجزء قليل جداً ولدي شركة الغاز و الشركة المصنعة ابر خاصة ذات مقاسات محددة حتي لايذيد هذا الثقب عن الحد المسموح به


ارجوا من الله ان اكون وفقت في الرد وتوضيح مايلزمك
وانا مستعد للرد علي اي استفسار