[rh_kamel]

السلام عليكم ورحمة الله وبركاته
أعضاء المنتدى الكرام تحية طيبة غالية اما بعد ،،،
أن مبتدىء فى مجال صيانة المذربورد وجاتلى بورده ASUS P4BGV-MX قاطعة داتا
1- على التستر تعطى كود 90 عند الفتح ثم تقطع بور لمدة 3 ثوانى وتشتغل تلقائياً من نفسها وتعطى كود Ad
2- من الفحص الظاهرى للبوردة لا يوجد أى آثار لتلف مكونات
3- تم قياس فولتات دائرة البروسيسور وكانت سليمة .
4- تم فحص دائرة الرام وجدت الفولت الخارج من بنك الرامات 3.29 فولت من البنات التى من الناحية القصيرة حيث أن الرامات DDram1
5- مكثفات دائرة الرام سليمة والموسفت سليم والمقومات الشبكية تمام لكن الدرايفر معرفش قياسة اذاى ولكنة بيخرج نفس الفولت من احد رجولة 3.29 فولت
6- غيرت كرستالة البور ولكن المشكلة ذى ماهيا كل اللى حصل انى بعد تغيير كرستالة البور اول مرة اشغل بالكرستالة الجديدة البوردة لم تقطع بور لمدة 3 ثوانى ولم تعيد تشغيل نفسها وانما عملت على طول وكان الكود Ad على التستر
7- شغلتها تانى رجعت ذى الأول ( خطوة رقم 1 )
8- فكرت اشحن بيوس واشوف الدنيا هاتقول ايه وهنا كان المطب اللى وقعت فيه حيث أن شريحة البيوس من نوع SST 49LF002A وبعد ما نزلت ملف البيوس من على النت قمت بقراءه الملف القديم وحفظة للطوارىء ومسحت الشريحة وكانت القراءه والحذف ناجحين اما البرمجة فلم تنجح ولا بالملف القديم ولا الجديد .
9- قلت يمكن الشريحة نفسها تالفة جبت شريحة بيوس تانية بنفس المواصفات من بوردة تقطيع ولكن برضة لم تنجح عملية شحن البيوس مع العلم المبرمجة اللى باستخدمها willim programmer 5.5 ولسة جديدة .
10- دخلت المنتدى وكتبت المشكلة ( لعل وعسى ربنا يكرمنى بواحد من الأعضاء يقف جنبى ويساعدنى ) والله هو المستعان .
وشكراً

[rh_kamel]

شحنت البيوس ولكن نفس المشكلة
على فكرة فى درايفر بجانب بنك الرامات من ناحية كارت الشاشة شاكك فيه لآنه بيخرج فولت كبير على الرام فهل هذا يمكن ان يكون السبب
وهو مفيش حد عايز يعبرنى ويرد عليا ليه

[POWERMAN3D]

اقتباس المشاركة الأصلية كتبت بواسطة rh_kamel 4- تم فحص دائرة الرام وجدت الفولت الخارج من بنك الرامات 3.29 فولت من البنات التى من الناحية القصيرة حيث أن الرامات DDram1 5- مكثفات دائرة الرام سليمة والموسفت سليم والمقومات الشبكية تمام لكن الدرايفر معرفش قياسة اذاى ولكنة بيخرج نفس الفولت من احد رجولة 3.29 فولت

اقتباس المشاركة الأصلية كتبت بواسطة rh_kamel شحنت البيوس ولكن نفس المشكلة على فكرة فى درايفر بجانب بنك الرامات من ناحية كارت الشاشة شاكك فيه لآنه بيخرج فولت كبير على الرام فهل هذا يمكن ان يكون السبب وهو مفيش حد عايز يعبرنى ويرد عليا ليه

اخى العزيز .. الفولت الطبيعى هو 2.5 ومعنى ان يصل إلى 3.29 فهذا دليل على وجود خلل وغالباً سببه الدرايفر .. قم بتغييره وتابع معنا .

(( والله الموفق ))