ارجو المساعدة في تقليل الفولت من 12 الى 9

[hemalotfy]

السلام عليكم جميعا

لدي راوتر كونكسانت
الادابتور بتاعه 9 فولت على 1 امبير

للأسف الادبتور ده اتحرق وجبت واحد صيني متعدد وزي الزفت مش كويس وكل شويه الراوتر يهنق ويرست المهم كان عندي ادبتور 12 فولت اورجينال مش هينفع اوصله مباشرة بالراوتر اكيد هيبوظ حاجة ففكرت في حاجة وعملتها

جيت قبل نهاية الادبتور وقطعت السلك وجبت بطارية قابلة للشحن 1.5 فولت بتعت كشاف ووصلتها عل التوالي (طرف الموجب اللي جاي من الادبتو في الموجب بتاع البطارية والطرف السالب اللي طالع من البطاريه متوصل بالسلك اللي رايح للراوتر ) جيت بقى قست قوت الفولت الخارجة من الادبتور ده لقيتها 10.5 فولت وشغلت عليها الراوتر دلوقتي بس مش مطمن خايف الراوتر يتشيع .

السؤال بقى :

عايز اعمل دائرة او اركب مقاومة اركبها مكان البطارية دي تنزل الفولت من 12 الى 9 اعمل ايه بقى ؟!

ولكم جزيل الشكر

[-hassan-]

السلام عليكم

بأمكانك أن تستعمل منظم الجهد 7809.

هذه صورته:

[hemalotfy]

المشاركة الأصلية كتبت بواسطة -hassan-

السلام عليكم

بأمكانك أن تستعمل منظم الجهد 7809.

هذه صورته:

جزاك الله خير على ردك بس ده لما اروح اشتريه اقول للراجل ايه؟
منظم جهد 7809 وهو هيفهم وهل لما اركبه هينزل ال3 فولت دول بس

[Ayadooo]

يا اخي المنظم المذكور مهمته انو يخرج على ال Vout 9 فولط طبعا على شرط يكون الدخل أعلى من هيك
وهو بخرج 9 فولط مستمر على الخرج
اسمه "منظم جهد 7809 "

وللتنويه فقط :
المنظم 7805
بخرج 5 فولط

[حيدر علاج حسن]

تطلب من صاحب المحل منظم جهد رقمه 7809 .
و يتم توصيله بهذه الطريقة .

[hemalotfy]

الف مليون شكر لكل من حاول مساعدتي وجزاكم الله خير

قمت اليوم بشراء واحد وقمت بتركيبه كما قمتم بشرحة والحمد لله زبط وبعد القياس كان الفولت الخارج 9

وشكرا جزيلا

[حيدر علاج حسن]

الف مبرووووووووووووووك .
تستاهل كل خير .

[hemalotfy]

المشاركة الأصلية كتبت بواسطة حيدر علاج حسن

الف مبرووووووووووووووك .
تستاهل كل خير .

انت اللي تستاهل كل خير

جزاك الله خير