[o_aglan]

السلام عليكم ورحمة الله وبركاته
اعضاء المنتدى الكرام انا كنت محتاج اشتري ماكينة تصوير لمكتبه صغيره
بعد البحث وجدت ان ريكو 350 او ريكو 450 مناسبة لإمكانياتي وحجم نشاطي والمشكلة اللي مقابلاني هي ان
انا مافهمش أي حاجة في المجال ده اللهم إلا شوية معلومات بسيطه من المواقع والمنتديات لو ممكن أي عضو يساعدني في شراء الماكينة ديه يبقى جزاه الله كل خير والمساعد اللي انا طالبه تتلخص في
1 - حد يقولي عنوان شركة او اكتر من الشركات الموثوق فيها
2- أزاي اعرف ان الماكينة دي حالتها تمام وهل ممكن ان اعرف الكلام ده لوحدي
3- هل ممكن أي عضو يكون موجود معايا اثناء الشراء ومفيش مشكله لو طلب مقابل مادي " بس يكون معقول "
4- عاوز اعرف متوسط تكلفة طباعة الورقة وبكام الحبر بتاعها وايه انواعه وأفضل نوع ورق مايعملش مشاكل عند الطباعه
5- انا هاوصل الماكينة على الكمبيوتر عاشن استخمها كطابعه والسؤال هل كفاءة الطباعة من الماكينة دي زي الطباعات الليزر العاديه ولا أقل ولا أكتر

[lada2010]

انا اعرف تقربيا ناس كتيرة شغالة فى الريكو وانا تحت امرك انت ساكن فين

[thebigmaster]

وعليكم السلام ورحمه الله وبركاته
موقعك ايه الاول يعني في انهي محافظه؟
لو حضرتك في الاسكندريه يكون احسن ولو كمان في اي مكان في وجه بحري ممكن يكون الموضوع سهل وممكن ادل حضرتك لو هتحتاج اي مساعده
رقم تليفوني 0120445597
انا في الاسكندريه والشركه اللي بشتغل تبعها مورده آلات في القاهره وطنطا والمنصوره يعني ل حضرتك في نطاق المنطقه دي هيكون من السهل متابعتك
الاله جميله جدا واقتصاديه عن باقي الطابعات واسرع طبعا لو في كميه طباعه كبيره
انا مستعد لاستقبال اتصال حضرتك لو عايز تستفسر اكتر

[o_aglan]

اقتباس المشاركة الأصلية كتبت بواسطة lada2010 انا اعرف تقربيا ناس كتيرة شغالة فى الريكو وانا تحت امرك انت ساكن فين

العضو الكريم
السلام عليكم ورحمة الله وبركاته
أولا شكرا لاهتمام حضرتك بطلبي
ثانيا لو حضرتك عاوز تساعدني فعلا يا ريت لو عند حضرتك أي معلومات بخصوص الأسئلة اللي انا كاتبها تجاوبني عليها
واخيرا شكرا لحضرتك

[موهى]

بصراحة وبدون مجاملة الماكينة 350 او 450 هى ماكينة عملية وكل حاجة بس فيها مشكلة ومشكلة خطيرة هذة الماكينة حساسة جدا لموضوع الحبر يعنى عشان تعيش معاك لازم تستخدم الحبر الأصلى بتاعها ودة هيكون مكلف وبصراحة انا بسميها ماكينة الأعطال حيث ان الكود المميز لها هو 322 ,326 وهو كود خاص بمجوعة الليزر يستحسن ان تشترى ,1035.,1045 فهى من الماكينات الممتازة

[thebigmaster]

اقتباس المشاركة الأصلية كتبت بواسطة موهى بصراحة وبدون مجاملة الماكينة 350 او 450 هى ماكينة عملية وكل حاجة بس فيها مشكلة ومشكلة خطيرة هذة الماكينة حساسة جدا لموضوع الحبر يعنى عشان تعيش معاك لازم تستخدم الحبر الأصلى بتاعها ودة هيكون مكلف وبصراحة انا بسميها ماكينة الأعطال حيث ان الكود المميز لها هو 322 ,326 وهو كود خاص بمجوعة الليزر يستحسن ان تشترى ,1035.,1045 فهى من الماكينات الممتازة

مع احترامي لوجهه نظر حضرتك ولكن اذا كان المهندس المختص بالصيانه على مستوى عالي هيقدر يتعامل معاها بالشكل الازم...وبعدين اكواد الليزو 322 و326 من اسهل الاكواد في المعالجه لما بيكون في مراحله الاوليه ...اما موضوع الحبر لو حسبتها كامتوسط انتاج لعبوه التونر هتلاقي ان التونر مش غالي لانو بيعمل عدد نسخ كتير شويه وكمان هيكون اريح للأله وعشان عمرها يطول
اما بالنسبه للآله 1035 فهي امتداد للاله 350 والفرق بسيط جدا ومش في صالح الاله 1035من ناحيه العمل في الاجواء الشعبيه وكمان لو التونر بيعمل مشكله في ال350 يبقى اكيد هيعمل مشكله في 1035 كمان لانها نفس العبوه تقريبا ...ولا ايه رأي حضرتك؟؟؟

[موهى]

اقتباس المشاركة الأصلية كتبت بواسطة thebigmaster مع احترامي لوجهه نظر حضرتك ولكن اذا كان المهندس المختص بالصيانه على مستوى عالي هيقدر يتعامل معاها بالشكل الازم...وبعدين اكواد الليزو 322 و326 من اسهل الاكواد في المعالجه لما بيكون في مراحله الاوليه ...اما موضوع الحبر لو حسبتها كامتوسط انتاج لعبوه التونر هتلاقي ان التونر مش غالي لانو بيعمل عدد نسخ كتير شويه وكمان هيكون اريح للأله وعشان عمرها يطول اما بالنسبه للآله 1035 فهي امتداد للاله 350 والفرق بسيط جدا ومش في صالح الاله 1035من ناحيه العمل في الاجواء الشعبيه وكمان لو التونر بيعمل مشكله في ال350 يبقى اكيد هيعمل مشكله في 1035 كمان لانها نفس العبوه تقريبا ...ولا ايه رأي حضرتك؟؟؟

استاذنا العزيز اشكر اهتمام حضرتك وردك على الموضوع وكما ذكرت سيادتكم اذا كان المهندس المختص على مستوى عالى من المهارة بالفعل سيقدر ان يتعامل مع هذة المشكلة ومع احترامى لكل المهندسبن فانة قليل من يقدر يتعامل فى هذا العطل وكثير ابسط شىء يقولها غير ليزر واوفقك الراى ان الألة 1035 امتداد لها ولكن بحماية اكثر لموضوع الليزر وفى الواقع العملى تقريبا ان لكل ماكينة كود
مشهورة بية ف350 كودها 322 وهو وحدة الليزر
1035 كودها المشهورة بيها هو 542 وهو فى السخان
غير ذلك اذا كانت 1035 نفس 350 فلماذ يوجد فرق بين سعرهم وفرق ليس بالقليل
بمعنى ان 350 تباع ب1500 جنية و1035 تباع 2500 كاملة بالوصلة
والأختلاف فى الراى لايفسد فى الود قضية
وانا بالمنصورة وارحب باتصال سيادتك
ايجيبت تريدنج للأستيراد والتصدير 0106467495

[thebigmaster]

اقتباس المشاركة الأصلية كتبت بواسطة موهى استاذنا العزيز اشكر اهتمام حضرتك وردك على الموضوع وكما ذكرت سيادتكم اذا كان المهندس المختص على مستوى عالى من المهارة بالفعل سيقدر ان يتعامل مع هذة المشكلة ومع احترامى لكل المهندسبن فانة قليل من يقدر يتعامل فى هذا العطل وكثير ابسط شىء يقولها غير ليزر واوفقك الراى ان الألة 1035 امتداد لها ولكن بحماية اكثر لموضوع الليزر وفى الواقع العملى تقريبا ان لكل ماكينة كود مشهورة بية ف350 كودها 322 وهو وحدة الليزر 1035 كودها المشهورة بيها هو 542 وهو فى السخان غير ذلك اذا كانت 1035 نفس 350 فلماذ يوجد فرق بين سعرهم وفرق ليس بالقليل بمعنى ان 350 تباع ب1500 جنية و1035 تباع 2500 كاملة بالوصلة والأختلاف فى الراى لايفسد فى الود قضية وانا بالمنصورة وارحب باتصال سيادتك ايجيبت تريدنج للأستيراد والتصدير 0106467495

يا مرحب بأهل المنصوره الطيبين
على فكره انا عارف المنصوره كويس وزرتها كتير في زيارات شغل...ده انتو بجد معلمين مكن التصوير في الجمهوريه بحالها
سبب ان الاله 350 مشهوره بكود الليزر هو ان وحده الليزر مش محميه كفايه من تسرب التونر ...اما الكود الشهير للاله 1035 اللي هو 542 و 545 واحيانا 547 بسبب ان السخان الموجود في الاله دي فيه عدد 2 ثيرمستور و2 ثيرموفيوز وكل ثيرمستور من الاتنين فيه نظام لتحديد درجه الحراره في الوحده بيعتمد على مقاومه حراريه صغيره جدا وكتير ما بيتلف الثيرمستور بسبب ان المقاومه الحراريه بتتحرك من مكانها وبالتالي تحدث الاكواد المذكوره ..اما نقطه فرق السعر بين الاتنين فده بيرجع لسوق الاله نفسها...يعني ال350 (الطياره) سمعتها منيله في السق عشان كده سعرها نازل والاله ال1035 سمعتها كويسه في الفتره دي بس مع قله المهندسين المحترفين ولما الاله تنتشر في السوق هتسوء سمعتها زي اختها
الالات الديجيتال بتعتمد على شغل الاشاره في تشغيلها عشان كده بتحتاج ذكاء في التعامل معاها ومش زي الانالوج والفونكس اللي كانو بيعتمدو على الميكانيكا ...وبما ان الذكاء للاسف قليل الايام دي يبقى الالات الديجيتال هتعاني شويه لحد لما الناس تفهمها
بالمناسبه ... في موضوع باسم مناقشات حول اعطال ريكو 350 ياريت حضرتك تشارك معانا فيه وتساعدني في تحديد الاعطال اللي ممكن الاخوه الاعضاء يستفسرو عنها ...وجود حضرتك في الموضوع هينورو..وسلامي لحضرتك