الســلام عليكم و رحمة الله و بركاته
الاخوة الكرام ,, لدى الآن مشكلة عاجلة
عندى جهاز اوريجينال بانتيوم 2 كنت هاخده من صديق ليا لاحتياجى ليه
الجهاز بطــىء جدا فى معالجة البيانات ,, مش بيقبل ويندوز نهائى
جربت عليه XP :
فضل حوالى ساعة و ربع فى copying files و كان وصل فيها وقتها لـ 50% ,, بعدها زهقت و قفلته .
جربت وين 98 :
الجهاز كان بيهنج بعد عمل الـ check و قبل فتح نافذة الـ setup
جربت نظام تشغيل صغير الحجم مبنى على الـ lunix :
السيستم كان بينزل فى وقت كبير جدا برضه , و بعد الريستارت بيهنج بعد الـ check و قبل البدأ !!
جربت الـ xp تانى :
لكن المرة دى نزلت نص ويندوز على جهاز تانى على اساس اكمله على الجهاز ده ,
لكن لقيت الجهاز بعد ما يحمل الشريط الابيض اللى بيبقى فى البداية خالص , بيعمل ريستارت قبل ما يفتح الويندوز علشان يكمل تسطيب !!
مواصفات الجهاز :
بروسيسور : 450MHz
رام : SD 256 + 64 + 64
هارد : 10 GB
تم تجريب الهارد و الرامات قبل كدا و هما شغالين بلا مشاكل , حتى شيلت الرامة اللى جاية مع الجهاز و مع اعادة التجريب نفس المشكلة .
الشكل الظاهرى للبوردة مافيهوش اى حاجة منتفخة او محروقة
سألت قريب ليا قالى ممكن يكون البيوس , نشحنه و نجرب
فـ ايه رأيكم يا اخوة ؟؟
ايه المشاكل اللى ممكن تكون مسببة للمشكلة دى ؟
يا ريت يا اخوة تساعدونى بأسرع وقت لإنى مضغوط و محتاج جهاز قديم على وجه السرعة
و ما صدقت لقيت الجهاز دا و قولت خلاص المشكلة هاتتحل
---------------
ملحوظة اخيرة :
لو حد هنا بيصلح بوردات P 2 & 3 فى دميــــاط يا ريت تدلونى عليه علشان انا عندى حوالى 3 بوردات كنت ناوى اصلحهم بنفسى لكن الوقت حاليا ضيق
او حد يعرف مكان اقدر الاقى فيه بوردة P 2 & 3 بـ سوكت بروسيسور كبير ( شريـط ).
فى انتظــــار ردكم
و شكــــــــــرا
مشكلة بطئ شديد فى جهاز اوريجينال و عدم قبول ويندوز
