لو سمحتوا يااخوة حل لمشكلة محول الصوت

[ahmed115]

لو سمحتوا يااخوة رجاء حد يساعدنى فى الاجابة على الاسألة الاتية:
1- فى دوائر الصوت التى يستخدم فيها محول ربط للسماعة هل يمكن الاستغناء عن محول الربط ده بشئ اخر؟
حيث اننى بحثت عن محول الصوت ده فى السوق ولم اجده ومواصفاته هى :
الدخل ثلاث اطراف بمقاومة كلية 48 اوم موزعة على ملفين كل ملف 24 اوم ومقاومة ملف الاخراج واحد اوم فقط

2- هل يمكن لو عندى محول اخر بمقاومة اعلى مثلا او اقل انى اعدل فيه ليعطينى نفس قيمة المقاومة بان ازيل لفات او ازود لفات ؟

3- لو حبيت الف محول شبيه لهذا المحول ماهو نوع السلك الذى يفى بالغرض ويكون مناسب؟

4- هل ينفع احط مقاومات بدل الملفات ؟ وماقيمتها لكى تكون بديله للمحول

بالنسبة للمخطط فهذا مخطط لاحدى الدوائر التى استخدم فيها المحول
ومش عارف هيظهر الرسم ولا الرابط بس لانى لسه خبرتى ضعيفة فى رفع الصور



لو ماظهرت الصورة ياريت حد يعلمنى ازاى انزلها مع الكتابة
ياريت يااخوة حد يرد لانى والله محتاج المحول ده ضرورى
وجزاكم الله خير

[ahmed115]

لغيت دى لانى اتعلمت تنزيل الصورة
جزاكم الله خير

[سعيد قادر]

[astra]

الاخ أحمد لا يمكن الاستعاضة عن ممانعة ملف بمقاومة فالامر اشبه بالفرق بين ثلاجة وغسالة مثلا فكلا له وظيفته
اما من حيث هذا المحول فلن تجده بالاسواق ولكن هذا المحول تستطيع الحصول عليه بسهولة اذا اشتريت جرس الباب الذى يعطى صوت الكناريا فسوف تجده بداخله وهذا الجرس ثمنه مابين 5 الى 7 جنيهات

[ahmed115]

الاخ الفاضل astra
الف شكر على ردك فعلا لقيته فى جرس الباب عندى فى الشقة بعد ماكنت دايخ عليه فخلعته وركبته واشتغل الحمد لله والف شكر لك ولكل من اهتم ورد وشكرا للاخ سعيد على تنزيل الصورة
وبالمناسبة انا قريت فى مكان انه ممكن اعمل واحد جديد باستخدام سلك بس رفيع اوى 0.01 للابتدائى و 0.25 للثانوى ولفات الثانوى 50 والابتدائى 600 موزعة على ملفين زى ماهو واضح فى الصورة ويتلف على عمود فرايت

بس طبعا حكاية السلك الصعيف دى حاجة متعبة اوى فانا طنشت بينى وبينكم
وشكرا لكم جميعا
وهحاول انزل الصورة مباشر



بالمناسبة يااخوة لى سؤال معلش هتقل عليكم هل ممكن فى الدائرة الى فاتت دى احول صوت الصفير الى طالع منها المزعج ده لصوت الكنارى؟ كما فى الجرس فعلا ؟

[astra]

لو قارنت دائرتك بدائرة الجرس هذة لوجدتهما متشابهتان والاختلاف سيكون فى قيمة المكثفين والمقاومة

[osama matar]

هي التعديل
جرب مقاومة كيلو ومكثف 100 ميكرو

[ahmed115]

شكرا على الرد والاهتمام من الاخوة الافاضال
بس بقولك يااخى اسامة انا حطيت المقاومة والمكثف قعلا الصوت على واتغير وانا بينك وبينك قلت فرصة اسالك لانى عاوز افهم شوية فى الالكترونات لو سمحت يعنى هتقل عليك
1- ليه حضرتك حطيت المقاومة والمكثف بين المشع والقاعدة ؟ وله القيم دى بالذات؟
2- ليه لما انا حطيت المقاومة واحد كيلو لوحدها بدون المكثف ماشتغلتش الدايرة؟

3- خليها المرة دى لماذا لماذا لايتاثر الصوت بعكس قطبية المكثف ال 100 مايكروا الى حضرتك اقترحته؟

وبارك الله فيكم وذادكم من علمه

على فكرة انا كنت حاطط نوع الترانزستور غلط عشان كده حضرتك عكست قطبية البطارية وهو فعلا الترانزستور pnp فى الوضع الاصلى