[geekgirl]

السلام عليكم و رحمة الله،

أواجه مشكلة بسيطة و أتمنى أن أجد مساعدة من الخبراء.

مقدمة:

عندي راوتر Dlink بيشتغل بنظام تشغيل Linux اشتريته مستعمل، عشان أنا هاوية جداً نظام التشغيل ده و برمجياته و لي خبرة طويلة معاه من جانب مهني و آخر هاوي (بس مش متعمّقة أوي يعني)، و عايزه أتعارف شوية في برمجيات ال embedded systems (الأجهزة المدمجة) خصوصاً البرمجيات مفتوحة المصدر (زي لينكس).

بعد فتح الراوتر و التعرف عن كثب على البوردة PCB بتاعته فيه شيئين مهمين جداً بالنسبة لي من وجهة نظر البرمجة:
الأول: 14 pin بتاع ال JTAG لل debugging و flashing إلخ.. و ده سهل التعامل معاه و مش صعب أعمل Unbuffered Wiggler Cable (أقل من 15سم لتجنب ال noise) يوصل على ال Parrallel Port، و أنا بالفعل رسمت ال schematic لبناءه عشان لو احتجته إن شاء الله.
الثاني: 4 pin بتوع ال serial console و ده اللي مهم أكتر حاجة بالنسبة لي دلوقتي، عشان محتاجة أقدر أتواصل مع نظام البدء bootloader ، لكن التوصيل الإلكتروني بالنسبة لي هو المشكلة، لأني لسه مبتدأه في مجال الإلكترونيات.

التحدي:

الأربع بنّات بتوع ال serial اللي في البوردة بيشتغلوا على مستويات TTL 3.3V
إذاً مقدرش أوصل مباشرة على ال serial أو ال USB بجهاز الكمبيوتر بتاعي

بعد بحث طويل في هذا الموضوع، لقيت الخيارات المتاحة لي تتلخص كالآتي:


الخيار الأول (و الأسهل):

الحصول على كابل نوكيا من الأنواع الثلاثة التالية:

كابل نوع DKU-5


كابل نوع CA-42


كابل نوع DLR-3P


اشمعنا الكابلات دي؟ لاحظ ال USB Connector بتاع الإثنين الأولين أطول من العادي، و كذلك ال Serial/DB9 Connector في السلك التالت برضه أطول من العادي؟ عشان فيها level-converter من نوع (LV)TTL signals (0V/3.3V)
بالنسبة لل CA-42 و ال DKU-5 في داخل ال USB connector ، بيحول من USB 5Volt لـ RS232-3.3V
و بالنسبة لل DLR-3P، في داخل ال Serial/DB9 connector، بيحول من RS-232 signals (+/-12V) لـ RS232-3.3V

معظم كابلات ال USB ل TTL-RS232 3.3V/5V بتوع التليفونات دي غالباً بتستخدم ال Prolific PL2303 chipset زي دي:


لكن للأسف، عشان الكابلات دي قدمت شوية و تقريباً معلهاش طلب كتير في السوق، ماكانش سهل ألاقيها في محلات الموبايلات (القريبة) زي ما كنت أتمنى. لو حد يعرف مكان بيبيع أي واحد منهم (في القاهرة، و يا حبذا لو قريب للنزهة)، يا ريت يدلني.

طبعاً البدائل أو الكابلات الأحدث اللي متوفرة حالياً في السوق - زي ال DKU-2 أو ال CA-53 أو ال CA-70 مش هتنفع للغرض المطلوب، لأن مفيهاش RS232-TTL converter


الخيار الثاني:

توجد كابلات جاهزة لهذا الغرض مثل ال FTDI TTL-232R-3V3


أو ال breakout board بتاعه - FT232RL USB to Serial


و لكن، هل ممكن ألاقي حاجة زي كده في مصر؟


الخيار الثالث:

حاجة زي ال CompSys A232DBH3v Max232 adapter kit (نوع ال 3.3V مش ال 5V زي اللي في الصورة)


و لكن أرجع تاني للسؤال، هل ممكن ألاقي حاجة زي كده في مصر؟


الخيار الرابع و الأخير:

أعمل واحد بنفسي زي كده:


و فيه صفحة مبسّطة للخطوات - بالصور - لطريقة بناءه للمبتدئات اللي زي حالاتي:
http://oinkzwurgl.org/diskstation_rs232

سؤالي، هل ال MAX3232 متوفرة في مصر؟

كام تكلف + الخمسة 0.1μF capacitors + ال DB9 female؟

ألاقيهم فين؟


يا ريت أي حد يقدر يفيدني بأي إجابات أو أي أفكار تانية، يجزيكم الله خير.
و آسفة على الإطالة..

تحياتي

[ماجد عباس محمد]

أولا الكابلات دى ابحثى عنها فى مول السخاوى و خصوصا فى المحلات اللى فى الممر فى المبنى القديم. أو بعض المحالات على الشارع فى المبنى القديم أيضا.
ال MAX موجودة أيضا عند مؤسسة مأمون فى الكوربة لكن باسم آخر ولو طلبتى MAX232 معروفة و سيعطيكى الرقم البديل مباشرة وسبق تجربتها

[gaza_son]

اللي انا فهمته
الحصول على اشارة RS232 تتعامل مع فولت 0و3.3 فولت

الدائره اللي مرسومه في آخر الموضوع تفي بالغرض
وقطعها متوفره ورخيصه

[geekgirl]

اقتباس المشاركة الأصلية كتبت بواسطة ماجد عباس محمد أولا الكابلات دى ابحثى عنها فى مول السخاوى و خصوصا فى المحلات اللى فى الممر فى المبنى القديم. أو بعض المحالات على الشارع فى المبنى القديم أيضا. ال MAX موجودة أيضا عند مؤسسة مأمون فى الكوربة لكن باسم آخر ولو طلبتى MAX232 معروفة و سيعطيكى الرقم البديل مباشرة وسبق تجربتها

متشكرة ليك بشمهندس ماجد. جزاك الله كل خير عنا. جاري البحث إن شاء الله على الكبلات، و لو لم أجدها سأتجه لمؤسسة مأمون بإذن الله

gazason
متشكرة على الرد و جزاك الله خير

[geekgirl]

اقتباس المشاركة الأصلية كتبت بواسطة ماجد عباس محمد ال MAX موجودة أيضا عند مؤسسة مأمون فى الكوربة لكن باسم آخر ولو طلبتى MAX232 معروفة و سيعطيكى الرقم البديل مباشرة وسبق تجربتها

تصحيح بسيط:

MAX232 يعمل على 5V
http://www.maxim-ic.com/quick_view2.cfm/qv_pk/1798

MAX323 يعمل على 3.3V
http://www.maxim-ic.com/quick_view2.cfm/qv_pk/1068

المراد هو ال MAX323 و ليس MAX232

أتمنى يكون موجود عند مؤسسة المأمون إن شاء الله ، إذا لم أجد الكابلات المطلوبة

[geekgirl]

سلام عليكم،

شكراً لكل الردود و التفاعل

أنا لقيت كابل النوكيا DKU-5 هنا في الحجاز، بعد ما حد قاللي انه موجود و هيجيبلي إثنين من وسط البلد، فالحمد لله وفرت عليه المشوار

الكابل DKU-5 اللي جبته مكتوب عليه موديل KQ-U8A
بعد تثبيت السوفتوير المشغّل ليه (software drivers) اللي جه معاه
ده ال device ID بتاعه: USB ID: 0x6547:0x0232

و هو بيشتغل كمان في نظام التشغيل Linux مع ال ark3116 driver ، لأنه الشيب اللي جواه نوع ark3116 مش ال Prolific PL2303 chipset زي اللي موجود في كابل نوكيا CA-42

أنواع الكابلات من نوع DKU-5 و CA-42 (اللي بتعمل من USB إلى TTL-RS232-3.3V دي كلها تقريباً هنا: http://wiki.gnokii.org/index.php/Cables

فقط حبيت أخط المعلومات دي عشان لو حد عايز حاجة زي كده في السوق ميغلبش كتير.

سلام عليكم

[hosam_eldin]

Hi Geekgirl,

Thanks for the information ,

I'm interested in both Linux and electronics , i have considerable experience in both , please keep us informed with the progress
and let me know if you need any assistance

For all, Sorry for writing English,

I can't use Arabic letters now

[hitham_adel2004]

يا جماعه انا محتاج كابل nokia ca-42 ضرورى ولفات عليه فى العتبه ملقتش غير كابل الكوم الخاص بالموبيل 3100 القديم ألى بيتركب عليه برده الca-42 فهل ده ينفع أحوله usb
ولا يستحسن أجيب كابل ca-42 أفضل
انا مش من القاهره فيارايت مكان مضمون موجود فيه الكابل مع وصف أزاى اوصل للمحل واسم الكابل التجارى الى ممكن صاحب المحل يفهمنى بيه
معلش يا جماعه هتعبكم معايا وكل سنه وأنتم بألف صحه