متى تصبح بيتا فى خبر كان؟

[ahmed115]

الى الاخوة الافاضل اصحاب الخبرات سؤال لاحظت فيه اختلاف كتير بينى وبين معظم الاخوة هنا سواء اصحاب الخبرة العملية او الاكادميين

1- هل على طول الدوام العلاقة التى تربط تيار القاعدة بتيار المجمع هى :

Ic = *Ib

واذا قلنا انها تتوقف عندما يدخل الترانزستور منطقة التشبع فما هى العلاقة التى تتحكم فى مقدار كل منهم؟

هل لاعلاقة لاحدهما بالاخر؟

[حيدر علاج حسن]

هي فعلا تعمل ضمن المنطقة الفعالة . و تتوقف عند منطقة الاشباع .
و هنا سيكون تيار المجمع يساوي حاصل قسمة جهد المصدر Vcc على مقاومة المجمع (مقاومة الحمل ) Rc .
اما تيار القاعدة فيبقى على نفس القانون .

[ahmed115]

المشاركة الأصلية كتبت بواسطة حيدر علاج حسن

هي فعلا تعمل ضمن المنطقة الفعالة . و تتوقف عند منطقة الاشباع .
و هنا سيكون تيار المجمع يساوي حاصل قسمة جهد المصدر Vcc على مقاومة المجمع (مقاومة الحمل ) Rc .
اما تيار القاعدة فيبقى على نفس القانون .

فينك ياعم حيدر ليه مارديت عليا فى الموضوع التانى؟
بالنسبة للموضوع ده انا كنت بتلخبط فى نقطة حصلت معايا لما لقيت تيار القاعدة اكبر من تيار المجمع يمكن 100 مرة

حتى دخلت فى نقاشات ساخنة يومها مع الاخوة
المهم
الشئ الى كنت ناسيه انى كنت بتعامل مع الترانزستور فى منطقة التشبع واحاول اغير فى مقاومة القاعدة وناسى انى لما اغير فى مقاومة القاعدة بيتغير قيمة تيار القاعدة وعليه بتتغير قيمة فرق الجهد بين المجمع والمشع Vce لانها مرتبطة ارتباط كلى بتيار القاعدة فكان الترانزستور يخرج من منطقة التشبع ويدخل تانى منطقة التشغيل ويرتبط تيار المجمع تانى ببيتا مع تيار القاعدة فتحصل لخبطة

يعنى الخلاصة زى مانت قلت لما الترانزستور يدخل منطقة التشبع الذى يحدد قيمة تيار المجمع هى دائرة المجمع فقط يعنى الحمل والبطارية واى مقاومة اخرى على المشع
ونفس الشئ تيار القاعدة الذى يحدد قيمته دائرته المكونة من البطارية ومقاومة القاعدة والجهد 0.6 بين القاعدة والمشع
فبتغير مقاومة القاعدة يتغير تيار القاعدة وهذا التيار لايؤثر على تيار المجمع بشرط ان لايكون ل Vce اى وجود
وعلى اساس ان الدائرتين على التوازى فكل فرع فيهم يسحب تيار على حسب قيمة المقاومة ولا علاقة له بالذى يحدث فى الفرع الاخر طالما مازلنا فى منطقة التشبع

وده رسم رسمته بوضح الفكرة وهو بيبين الدائرة فى حالة عمل الترانزستور فى وضع التشغيل بتكون المقاومة بين المجمع والمشع لها وجود
وفى حالة الدخول الى منطقة التشبع بتكون قيمتها تقريبا صفر



شكرا ياحيدر انك رديت
الظاهر اخوننا الخبراء زعلانين وبالمناسبة الاخوة اللى بيزعلوا من النقاش كنت بقرا اليوم موضوع للراجل العظيم وليد الفرا لقيته كاتب كلمة عجبتنى اوى بيقول فيها :

اياك يااخى ان تفوت كلمة لم تفهمها او تتخيلها كما يجب ولاتتردد فى السؤال عنها لانك تظلم نفسك اولا واخيرا

ياريت الجملة الرائعة دى تكون نموذج لفكر اخواننا وياريت تتحط كعنوان لمنتدى الالكترونات