[موفق]

السلام عليكم ورحمة الله بركاته
الاخوة الكرام ما هى الاسباب التى تؤدى الى انقطاع النت ووصولة بطريقة عشوائية على التوالىوتتكرر هذه العملية اكثر من عشر مرة فى خلال الساعة الواحدة وهذه المشكلة لا استطيع ان اتخلص منها ياترى فى اى شىءممكن اعملة فى الراوتر او اى برنامج يجعل النت يعمل باستمرار وجزاكم الله خيرا

[mado_83]

اخي العزيز برجاء توصيف المشكلة اكثر من ذلك
هل انت الوحيد علي الروتر ام مشترك في شبكة؟
هل يعطيك كارت الشبكة علامة Unplug عند الانقطاع ام انك تجد النت لا يعمل دون اي تغييرات تحدث علي الجهاز؟
هل لمبة ال SYNC بالروتر تعمل بشكل منتظم ام تعطيك فلاش؟؟؟؟
عزرا علي الاطالة لكن عطل انقطاع النت له الكثييييير من الاسباب فبرجاء توصيف المشكلة بشكل ادق كي نستطيع افادتك بالحل ان شاء الله

[موفق]

اخى الكريم اشكرك على سرعة الرد
يوجد معى اربعة مشتركين على الراوتر وفى الفترة الاخيره لاحظت ان لمبة السنك تضىء وتطفىء وقمت بتغيير السلك من بوكس التليفون الى الروتر وما زالت المشكلة

[mado_83]

أخي العزيز
اعتقد ان مشكلتك تنحصر في خط التليفون ...لكي نتاكد نجرب الاتي
1- تاكد ان حرارة التليفون نقية لا يوجد عليها شوشرة وان سلك التليفون لا يوجد به قطع كثير .
2- ركب سلك الحرارة الاساسي علي الروتر مباشر دون اي سبيلتر وتاكد انه لا توجد اي عدة تليفون واصلة علية.
3- في حالة استمرار المشكلة اي ان لمبة السينك تعطي فلاش حاول ترسييت الروتر واعادة اعداده من جديد .
الحل الاخير اتصل بخدمة العملاء واطلب ان يقوموا باختبار الخط لتحديد المشكلة.

والله الموفق ومستني النتيجة.

[موفق]

اشكرك اخى الكريم
جزاك الله خيرا
انا بالفعل فصلت التليفون والتليفون بالفعل فية شوشرة علية لان من فترة اشتكيت فى السنترال اللى انا تابع له ان التليفون كان فية تداخل وشوشرة عالية وقالو ان فية تسريب ارضى نتيجة انقطاع جزئى فى الكابل تحت الارض ومش عارف اعمل اية
اروح لهم تانى وربنا يسهل
اشكرك مرة اخرى اخى العزيز انا تعبتك معاية وجزاك الله خيرا

[mado_83]

لا لا لاتعب ولا حاجة
بص السنترال مش هيفيدك حاول توصل للشخص بتاع صيانة الكابلات الارضية المسئول عن المنطقة بتاعتك وتطلب منه بشكل ودي يجيبلك الحرارة بتاعتك علي جوز نضيف.... واستخدم معاه مصطلح جوز ده عشان يقتنع انك فاهم هو بيعمل ايه وانها حاجة بسيطة وطبعا لازم تدفع قهوة وشاي وسحلب وكل انواع المشاريب عشان يرضي يعملك الكلام ده من غير عقد.....

[موفق]

اقتباس المشاركة الأصلية كتبت بواسطة mado_83 لا لا لاتعب ولا حاجة بص السنترال مش هيفيدك حاول توصل للشخص بتاع صيانة الكابلات الارضية المسئول عن المنطقة بتاعتك وتطلب منه بشكل ودي يجيبلك الحرارة بتاعتك علي جوز نضيف.... واستخدم معاه مصطلح جوز ده عشان يقتنع انك فاهم هو بيعمل ايه وانها حاجة بسيطة وطبعا لازم تدفع قهوة وشاي وسحلب وكل انواع المشاريب عشان يرضي يعملك الكلام ده من غير عقد.....

والله صدقت اخى الكريم
اشكرك كثيرا وجزاك الله خير على الافادة
فعلا عامل السنترال كان غايب عن ذهنى جزاك الله خيرا وبارك الله فيك

[فاروق سالم]

السلام عليكم ورحمة الله وبركاته
تشابه الشكوي
ما حدث معي كان بسبب ان
ترانس تغذية الراوتر12 فولت
والراوتر9 فولت
رغم شرائهم من الشركة
وتم اكتشاف ذلك بعد عناء
غيرت الترانس
اشتغل تمام