الله يخربيت الرنين ..ياجماعة حد يفهمهولى

[ahmed115]

بصراحة ياجماعة انا اكتشفت انى غبى
صار لى اسبوع بحاول افهم ايه يعنى فايدة الرنين وايه يعنى لما تتساوى معاوقة المكثف مع ممانعة الملف وحاجات مطلعة عينى
ابتديت اقرا من الاول عن الفلتر لما يكون مقاومة ومكثف على التوالى وناخذ الخرج من على المكثف
وبعدين مرة تانية ناخد الخرج من على المقاومة فده فلتر للترددات العالية وده للمنخفضة وبعدين نغير ونحط ملف بدل المكثف فيحصل العكس طيب
ماهو اساسا الملف والمقاومة على التوالى وايضا المكثف والمقاومة على التوالى

فازاى مرة يمرر الاشارة العالية او المنخفضة ولو تغير وضع التبديل بين المقاومة والمكثف او الملف يمرر اشارة ترددها مخالف
ياريت لمحة بسيطة على الفلتر

المهم الشئ الذى اسال عليه ودخلت من اجله فى دائرة جرس الكنارى دى



زى ماحنا شايفين بيستخدم مذبذب هارتلى نفسى افهم طالما المكثف 22 نانو بيتحكم فى فتح وغلق الترانزستور فايه فايدة المكثف 100 نانو؟
هتقولى بيعمل رنين مع الملف ؟ طيب ليه عاوزين رنين ؟ وايه فايدته؟

ياريت شرح لمسار التيار منذ دخوله للقاعدة الى خروجه من المشع مع التركيز اوى على مساره بوضوح عند المجمع وازاى بيدخل للملف واى واحد بيدخل فيه الاول لما بيدخل من الوسط

وامتى المكثف 100 نانو بيشحن وامتى يفرغ وكذلك المكثف 22 نانو

وياريت لو فى حد فاضى يشرح لى مذبذب هارتلى ويبين بطريقة مملة جدا مسار التيار وشحن وتفريغ المكثف
لانى قريت كتير ومش فاهم الا ان المكثف لما يشحن يوقف تيار القاعدة ..طيب وبعدين؟
ويركز اوى على دخول وخروج التيار من الملف وايه هيحصل لو المكثف فى دائرة الرنين مش موجود او الملف مش موجود


وعلى فكرة انا قريت شروح كتيرة مفيش ولا واحد فيهم مبين مسار التيار ولا موضح ايه فايدة دائرة الرنين فى مذبذب هارتلى

بعدين انا قلت احاول اقلد واحط مكثف على دائرة القاعدة مجمع فى الصورة اسفل

فلماذا لم ينطفئ الليد؟ الم ينشحن المكثف؟

لكى يؤثر على تغذية القاعدة ويوقف عمل الترانزستور؟



طيب لو عاوزه يطفئ الليد لما يشحن المكثف اعمل ايه؟

وعشان خاطرى لاتقولى دائرة رنين لانى متعقد منها

[ماجد عباس محمد]

لا يمكن شرح الدوائر المتقدمة دون اتقان الأساسيات
هل تعرف العلاقة بين سعة المكثف والتردد و معاوقة المكثف و نفس العلاقة للملف؟

[ahmed115]

المشاركة الأصلية كتبت بواسطة ماجد عباس محمد

لا يمكن شرح الدوائر المتقدمة دون اتقان الأساسيات
هل تعرف العلاقة بين سعة المكثف والتردد و معاوقة المكثف و نفس العلاقة للملف؟

اهلا اخى ماجد
طبعا عارفهم انا خريج هندسة الكترونات بس مشكلتى انى فهمى تقيل شوية
لو فتحت ليا السكة والله هنطلق على طول

[ماجد عباس محمد]

إذن ناخد أول سؤال

افترض المقاومة 10 ك و عند تردد ما كانت معاوقة المكثف 10 ك أوم أيضا
إذن فى الشكل 1 سيكون الخرج نصف المنبع
والشكل 2 سيكون الخرج نصف المنبع
الآن نضاعف التردد ستقل مقاومة المكثف للنصف أى تصبح 5ك
إذن فى الشكل 1 سيكون الخرج 1/3 من المنبع أى 0.3333 بتطبيق قانون أوم
أما فى الشكل 2 سيكون الخرج 2/3 أى 0.6667 من المنبع
و عند تردد مالانهاية أو تردد عالى جدا ستكون معاوقة المكثف أقرب للصفر
وخرج شكل 1 سيكون صفر على المقاومة صفر
و يكون الشكل 2 الخرج = الدخل لأن المعاوقة للمكثف = صفر

[هاشم عبده]

والله يا اخي انا حصل معي مثل ما حصل معك و السبب هو مذبذب هارتلي

و توصلت الى نتيجه اني حرمت اتعلم شيء في دوائر الاتصالات و حذفتها من راسي

انا فهمت دائرة الرنين المكونة من ملف و مكثف و القوانين الخاصة بها لتحديد التردد
و فهمت عملية الحث المتبادل التي تحدث بين المكثف و الملف

لكن الذي لم افهمة ماذا تفعل هذه الدائرة مع الترانزستور في مذبذب هارتلي

الشي الاخر انا فهمت ان الحث المتبادل هو تغريغ المكثف في الملف فينتج في الملف قوه حث عكسية فيشحن المكثف من جديد و يفرغ و هكذا

لكن كيف يفرغ المكثف وهو موصول بالتغذية على طول يعني كيف يحدث الرنين بوجود التغذية

[ahmed115]

المشاركة الأصلية كتبت بواسطة ماجد عباس محمد

إذن ناخد أول سؤال

افترض المقاومة 10 ك و عند تردد ما كانت معاوقة المكثف 10 ك أوم أيضا
إذن فى الشكل 1 سيكون الخرج نصف المنبع
والشكل 2 سيكون الخرج نصف المنبع
الآن نضاعف التردد ستقل مقاومة المكثف للنصف أى تصبح 5ك
إذن فى الشكل 1 سيكون الخرج 1/3 من المنبع أى 0.3333 بتطبيق قانون أوم
أما فى الشكل 2 سيكون الخرج 2/3 أى 0.6667 من المنبع
و عند تردد مالانهاية أو تردد عالى جدا ستكون معاوقة المكثف أقرب للصفر
وخرج شكل 1 سيكون صفر على المقاومة صفر
و يكون الشكل 2 الخرج = الدخل لأن المعاوقة للمكثف = صفر

مية مية كلامك وزى الفل
لما المكثف على الخرج ومع تردد عالى مقاومته تقريبا صفر يعنى مفيش خرج
عشان كده بيسمى فلتر للترددات العالية

طيب لما المكثف مش على الخرج ماهو هيمرر كل الترددات سواء عالية او منخفضة وهتوصل للمقاومة اللى هى الخرج
ازاى فى الدائرة 2 بيعمل فلتر للترددات المنخفضة؟
هل بتكون مقاومته كبيرة عند الترددات المنخفضة وكانه دائرة مفتوحة فلا يصل تيار لمقاومة الخرج وعليه لايظهر جهد على مقاومة الخرج ؟
اذن سعة المكثف المفروض تختار بعناية هنا ..يعنى كلما كانت سعته اقل كان افضل فى عزل الترددات المنخفضة
دى مناقشة عشان ابين لحضرتك الذى افكر فيه عشان اوفر على حضرتك الوقت وتصحح على طول كلامى
جزاك الله خير

[ahmed115]

المشاركة الأصلية كتبت بواسطة هاشم عبده

والله يا اخي انا حصل معي مثل ما حصل معك و السبب هو مذبذب هارتلي

و توصلت الى نتيجه اني حرمت اتعلم شيء في دوائر الاتصالات و حذفتها من راسي

انا فهمت دائرة الرنين المكونة من ملف و مكثف و القوانين الخاصة بها لتحديد التردد
و فهمت عملية الحث المتبادل التي تحدث بين المكثف و الملف

لكن الذي لم افهمة ماذا تفعل هذه الدائرة مع الترانزستور في مذبذب هارتلي

الشي الاخر انا فهمت ان الحث المتبادل هو تغريغ المكثف في الملف فينتج في الملف قوه حث عكسية فيشحن المكثف من جديد و يفرغ و هكذا

لكن كيف يفرغ المكثف وهو موصول بالتغذية على طول يعني كيف يحدث الرنين بوجود التغذية

بص ياعم هاشم
مفيش حاجة اسمها اتعقدت ولو انت فهمك على ادك زى حالاتى اقرى مرة واتنين وعشرة وابحث واسال وناقش لغاية ماربنا يوقعك فى راجل ابن حلال زى اخونا ماجد تفهم منه وطالما انت معانا اوعدك انك هتطلع من هنا فاهم كويس جدا لانى مش هسيب شئ الا ماستفسر عنه من اخونا ماجد
يعنى اطمن ..المهندس ماجد بدا وخلينا معاه

[ولاء الدين]

المشاركة الأصلية كتبت بواسطة ahmed115

بص ياعم هاشم
مفيش حاجة اسمها اتعقدت ولو انت فهمك على ادك زى حالاتى اقرى مرة واتنين وعشرة وابحث واسال وناقش لغاية ماربنا يوقعك فى راجل ابن حلال زى اخونا ماجد تفهم منه وطالما انت معانا اوعدك انك هتطلع من هنا فاهم كويس جدا لانى مش هسيب شئ الا ماستفسر عنه من اخونا ماجد
يعنى اطمن ..المهندس ماجد بدا وخلينا معاه

سلام
يا أخ أحمد بلاش نعقدها فيه حجات بتسهل علينا الدواير وتريحنا من وجع الدماغ قرب بص وماتشتريش

http://www.qariya.com/vb/showthread.php?t=61415

ده هيريحك جرب واديني خبر وادعي لللأخ محمود حمدي وادعيلي البتاعة دي هتسهلها عليك مش بس اللي عرضو الأخ محمود هتشوف بعينك حركة التيار وتعمل عليه مقسات زي مأنت عايز ودي عينة يمكن مش وضحة يعني بس أكيد هترد علي بعدما تجرب