لماذا يستخدم دائرة المكثف والملف على التوازى فى دوائر التيونر
سؤال كمان لاخوننا المبتدئين
ليه فى دوائر التيونر اى اختيار المحطات فى الراديو بنستخدم دائرة المكثف والملف على التوازى للوصول لحالة الرنين؟
ولا نستخدم دائرة المكثف والملف على التوالى للوصول لنفس الحالة؟
اجابة السؤال لان السؤال صعب على مبتدئ
عند ربط المكثف مع الملف على التوازى بتزيد المحصلة الكلية للممانعة للاتنين عن مايكون الملف لوحده او المكثف لوحده
وبتكون الممانعة الكلية دى اكبر مايمكن عند تردد الرنين
بعكس توصيل الملف والمكثف على التوالى بتقل الممانعة الكلية عن قيمة ممانعة كل واحد لوحده
وبتوصل صفر عند تردد الرنين لان عند تردد الرنين بتتساوى الممانعتين
وحيث ان المحصلة للممانعتني على التوالى = Xl -Xc فعند الرنين هنلاقيها صفر
لكن عند التوازى بيكون القيمة محصلة الممانعتين كسرية وبيكون Xl -Xc فى القيمة السفلى للكسر
فعليه عندما تتساوى القيمتين يكون الناتج مقسوم على صفر يعنى = مالانهاية
المهم ندخل فى موضوعنا الذى ملخصه ان محصلة الممانعة على التوازى بتكون كبيرة جدا
وعلى التوالى بتكون صفر
طيب ليه بنستخدم التوازى فى دوائر الراديو ولانستخدم التوالى ؟
لان فى دائرة التيونر احنا محتاجين جهد الاشارة يكون عالى عشان يمر من الموحد الجيرمانيوم
وده اللى بيحصل فى دائرة الرنين توازى حيث عند تردد الرنين بتكون الممانعة اكبر مايمكن
يعنى الجهد اعلى شيئ وكان الدائرة مفتوحة
هذا الجهد هو الذى يؤثر على قاعدة الموحد فتمر الاشارة التى تحمل تردد الرنين
وتحجز باقى الاشارات عند الترددات الاخرى
اما لو كانت دائرة رنين توالى فعند الرنين بيكون الممانعة صفر والتيار اعلى مايمكن
والجهد تقريبا صفر
وكان هناك شورت على دائرة الرنين مما يترتب عليه ان جهد الاشارة الخارجة عند الرنين هيكون صفر وبهذا لن تستطيع المرور من الموحد بهذا الجهد
لان زى ماحنا عارفين موحد الجيرمانيوم لايمرر اشارة جهدها اقل من 0.3 فولت
التعديل الأخير تم بواسطة : ahmed115 بتاريخ 04-05-2010 الساعة 04:19 PM.
|
