[samihanwar]

المروحه البوكس لا تعمل
هى ماركه سانيو
انا نضفتها بكولونيا وبعد كده جيت أشغلها لاقيت سرعتها بطيئه كده
وبعد كده لاقيتها مش راضيه تشتغل خالص

[tarek_2005]

لم تذكر جميع مظاهر العيب حتي نرد عليك
ولكن من الواضح انه بعد التنظيف فقد نظفت الشحوم والزيوت التي علي جلب المحرك وعليه يجب تزيت جلب المحرك والتجربة مرة اخري

[samihanwar]

شكرا جزيلا لك
انا بعد منظفتها بالكولونيا شغلتها على السرعه الأخيره
ولكن للأسف لاقيت سرعتها بطيئه جدا
وبعد كده شغلتها على سرعه 1
لاقيت صوت ضربه و نور من عند جزء عامل زى الأسطوانه طويل ومتوصل عليه 3 سلوك
وبعد كده جيت أشغلها سمعت صوت زى زنه كهربه وبعد كده لاقيتها مش عايزه تشتغل خالص يعنى
وشكرا جزيلا للرد

[محمد كوفرتينا]

اخى الكريم
من الاكيد ان الماتور اتحرق لان صوت الضرب والنور يعنى احتراق ملفات الماتور
ولازم من تغيير الماتور
والله الموفق

[samihanwar]

بس يا أخى العزيز كما ذكرت انا الضرب والنور من جزء اسطوانى بعيد عن الموتور
بس بردو ايه السبب اللتى ادت الى هذه المشكله
وفرضن ان الماتور اتحرق هتبقى تكلفتو كام وممكن يتلف من جديد ولا ماتور جديد
ولا اريح دماغى واجيب مروحه جديده
مع العلم ان المرحه دى سانيو يابانى اصلى
وشكرا جزيلا جدا للرد

[samihanwar]

سلامو عليكو
مفيش ولا رد

[tarek_2005]

قبل الجزم باحتراق الموتور اجب عن الاسئلة الاتية
1 - هل عند لف الريشة يدوي بدون توصيل الكهرباء الريشة تلف بسلاسة ؟
2 - هل عند توصيل الكهرباء مرة اخري النور بيفصل ولا لاء ؟
3 - هل عند محاولة تشغيل المروحة هناك صوت زنة ولا لاء ؟
4 - هل عند التشغيل لو قمت بلف الريشة يدوياً لفة او اثنياً تشعر برغبة الريشة في التحرك ؟

من اجابتك علي هذه الاسئلة سوف اشخص العطل جيداً وافيدك بالحل ان شاء الله عز وجل

[samihanwar]

لأ مفيش صوت زنه ولا صوت اى حاجه
أنا رحت النهارده للفنى وقالى ان الماتور اتحرق
وهتكلف 90 جنيه
40 جنيه لف الماتور
30 جنيه جلب
15 جنيه ريشه بلاستيك بدل الحديد
5 جنيه مكثف
ايه رأيك فى الكلام ده