[م/احمد سامى]

حل مشكله الشاشة البيضاء فى الاب توب hp pavillion بجميع اصدارته

اولا هذا العيب قابلنى اكثر من 5 مرات فى نفس اصدار الاب توب

جايز يكون عيب معروف وسهل لكن انا لقيته اتكرر معايا كتير فقولت اكتبه هنا

يمكن يكون فى حد قابله مكتشفش العيب

وانا دلوقتى جايبلكو شكل العيب بالصور وطريقه حله بالصور

اولا هو الاب اول ما يفتح بيجيب شاشه بيضه مفهاش اى حاجه

وعلكفره ممكن يجيب صورة على شاشه خارجه وتفتكر ان العيب فى الشاشه

بتاعت الاب توب وتيجى تغير الشاشه تلاقى لسه العيب موجود

وده شكل الاب هو فيه العيب

وده بيبقى شكل العيب

والحل انك تفك الاب توب لحد ما توصل لبورده لاب توب كالاتى

وعلفكرة نوع الاب توب ده الفلاتات فيه كتيره فيجب التعامل معها بحرص شديد لانها

ضعيفه جدااااا

وبعد الوصول لبرده الاب توب

هتيجى عند بردج الفيجا المكتوب عليه نيفديا الى هو الماستر شيب

وهتسخن على من الخلف بحراره عاليه شويه بس من الخالف يعنى على البورده

من الخلف بس فى مكانه بس بحظر حتى لا تفقد قطع من البورده

هسخن حوالى دقيقه ونص
وخلاص وصل الاجزاء المهمه فى الاب توب واعمل test وهتلاقى الب اشتغل ان شاء

الله وكله تمام

نسالكم صالح الدعاء

احمد سامى
&&&&&&&&&&&&&&&&&&&&&

[slimon]

تسلم الايادي يا مهندس

صحيح العيب متوارث و شائع في اجهزة hp و Acer

و علينا الاحتراس فقط من تلف المكونات المجاورة

و ذلك بتثبيت الكرت حتى لا تتحرك الشيب و تبعد المسارات عن مكانها

و استعمال اكبر عيار في الهوت اير لاخراج الهواء بالتوازي على الكرت

[POWERMAN3D]

مجهود رائع تستحق التقييم عليه .. جعله الله فى ميزان حسناتك ...

سيتم التثبيت لفترة ....

[م/احمد سامى]

اقتباس المشاركة الأصلية كتبت بواسطة POWERMAN3D مجهود رائع تستحق التقييم عليه .. جعله الله فى ميزان حسناتك ... سيتم التثبيت لفترة ....

شكرا يا غالى على المرور الرائع وده لا شئ امام ما تعلمته وما استفد به من هذا المنتدى الرائع

[Essam.ka]

طيب يا اخى انا عندى تقريبا نفس اللابتوب دة مش متاكد


هو اسمة hp pavilion dv 6000

وفى مشكلة فى الشاشة بيجيب نقط حمراء والمشكلة هى :


السلام عليكم


لدى لابتوب
hp pavilion dv6000

فى البداية كنت منزل كل التعريفات المهم موضوعنا (تعريف nvidia للجرافيكس) كنت منزلة وكل الالعاب كانت شغالة لكن فى يوم فوجئت اول ما شغلت الجهاز ان اللابتوب بيجيب شاشة زرقاء ويعد لحد 100 ويعيد التشغيل ويستمر فدخلت

safemode

وحذفت التعريف اشتغل الجهاز دون مشاكل لكن للاسف توجد نقاط حمراء على الشاشة بكثرة حتى عند بداية التشغيل فى الاول خالص فى يوم شغلت الابتوب ملقتش النقط نزلت التعريف الجرافيكس لقيتة اشتغل لكن بعد شوى رجعت تانى وكان لازم اشيل التعريف لكى يشتغل الجهاز ارجوووووووووووا الحل من سيادتكم


ملحوظه :
الجهاز كان شغال تمام قبل ما امسح الشاشه بالقماشه المبلله بسيط وهو مطفي بعديها بيوم حصل كده اعمل ده الجرافيك بقي قليل لدرجه انه ميشغلش اي لعبه من اللي كان يشغلهم اعمل ايه?

[Essam.ka]

ملحوظة القماشة المبللة كانت مع اللابتوب وهو بالكرتونة

[م/احمد سامى]

اقتباس المشاركة الأصلية كتبت بواسطة Essam.ka ملحوظة القماشة المبللة كانت مع اللابتوب وهو بالكرتونة

طيب ممكن لو سمحت معلومات اضافيه
يعنى حضرتك شغال على نظام ايه وهل التعريف جاى مع الجهاز ولا منزله من النت
ورقم ونوع الفيجا لو امكن

[kool_mi]

حد يجيب لينا طريقة التسخين بالفيديو علاشان نستفيد اكثر