السلام عليكم ورحمة الله
اخوان انا استخدمت الكلامب ميتر المخصص لقياس التيار الAC لقياس تيار DC واعطاني قرائة حسب ضني انها صحيحة
الفكرة جاءت من انني استخدم عاكس لتوليد تيار 220فولت AC من باتري سيارة 120A/h-DC ابو الـ12 فولت DC
المهم احتاجيت اعرف انة شكد اسحب من الباتري خليت الكلامب ميتر على الحار ( السلك القادم من القطب الموجب للبطارية) وقرأ 10 امبير فعرفت ان هذا الباتري ممكن ينطيني كهرباء لمدة عشر ساعات بعد خل الوطنية تطفة تجي عود بكيفهمم جماعة الكهرباء انة عندي عاكس
ما اطول عليكم السالفة
شدينة عاكس ثاني على منظومة انترنت متكونة من
1- مودم iDirect3100
2- امبليفاير 2Watt
3- بنكة عمودية (مروحة عمودية)
4- اكسسبوينت نوع (بوليت) بت عم النانوستيشن
5- راوتر مايكروتك 750G
قست بالكلامب يتر التيار الDC الجاي من الباتري على القطب الموجب طلع بالضبط 3.8امبير وقست التيار المار بخط القطب السالب طلع 4امبير بالضبط
علما ان الباتري ينطي 60امبير\ساعة DC
فحسبتهه يعني حتة لو تطفة الوطنية 15 ساعة فالمنظومة راح تبقة تشتغل
السؤال المطروح للمناقشة هو
هل ان هذه القراءات صحيحة ، علما انني جربت الموضوع الاول بخصوص العاكس الجان يسب 10امبير\ساعة من الباتري ولكيت بشكل عملي انه فعلا صحيح
والدليل الاقوى ان العاكس بي نظام شحن 9 امبير و 20 امبير
ومن خليتة على 9 جان فعلا يشحن 9امبير\ساعة من اقيسة بالكلامب ميتر
وانتظر اجاباتكم مشكورين مقدما
تم تعميم المشاركة على اكثر من منتدى لتعم الفائدة والله من وراء القصد
قياس التيار المستمر بواسطة كلامب ميتر
