جزاك الله خيرا وعلما يامن اجبتنى فى طلبى

[عبد الرحمن200]

من المهندسين الافاضل انا عاوز اعمل فكرة فى مدخل بيتى فى باب السلم عندى شبيهة بباب الاسانسير يعنى مجر د ما اى حد يفتح الباب بيسمع دعاء مدة زمنية معينة وبينتهى..
المطلوب عاوز دايرة تشتغل على مفتاح الثلاجة اللى هركبه على الباب مجرد اما الباب يتفتح المفتاح بيوصل للدايرة الكهرباء ....المهم هنا بقى الباب هيقفل تانى يعنى هيتفتح لمدة ثوانى ويقفل بمعنى ان الكهربا هتكون معايا ثوانى فقط ؟ اللى انا عاوزه بقى دايرة مجرد لما تاخد كهربا تعمل حتى لو انقطعت عنها الكهرباء تستمر فى امداد جهاز المسجل 5دقائق لنهاية النشيد او الدعاء اللى انا هسجله على جهاز المسجل ...
او لو يوجد دايرة بمسجل وتؤدى نفس الغرض فلامانع مع العلم انى عاوز المسجل يكون قابل لاى دعاء انا عاوز اسجله بمعرفتى او اغيره
ملحوظة ان المسجل عاوزه يخرجلى 50وات وده لانى موزع سماعات من الدور الاول الى الدور الثالث فى كل انحاء السلم ليكون الدعاء مسموع من اول ماتدخل من الباب لحد ماتدخل باب شقتك

[عبقرينو1]

اخى
اكيد فيه دوائر بتباع بنفس المواصفات

زى بالظبط الدائره الى فى الاسانسير
وزى بالظبط الدائره الى فى العربيات عند تشغيل العربيه
يطلع صوت الدعاء ممكن تجيبها وتشغلها

وتغزيها بمحول كهرباء من 220فولت ل12 فولت

والله اعلى واعلم

[ملك العلوم]

ليه السماعات الكبيرة هذه أخى الكريم يعنى لو دخل انسان الفجر أو قبله بساعة
الكل يستيقظ ويضرب له تعظيم سلام
يمكن شراء دعاء المو توسيكلات وهو رخيص وانتهى الأمر
سلام

[عبد الرحمن200]

المشاركة الأصلية كتبت بواسطة ملك العلوم

ليه السماعات الكبيرة هذه أخى الكريم يعنى لو دخل انسان الفجر أو قبله بساعة
الكل يستيقظ ويضرب له تعظيم سلام
يمكن شراء دعاء المو توسيكلات وهو رخيص وانتهى الأمر
سلام

اخى الكريم انا عاوز حاجة افضل من جهاز الموتيسكلات والسيارات
يعنى صوت نقى جميل لمشارى او المنشاوى اوجبريل وده باختيارى انا اللى ساضعه على جهاز المسجل اللى هيغذى السماعات المتفرقة فى السلم من الدور الاول اللى الثالث تعقيبا على كلام حضرتك مش باب الشقة علشان الازعاج وبعدين زى ماقلت الصوت هيكون منخفض مسموع فى كل انحاء السلم

[عبد الرحمن200]

المشاركة الأصلية كتبت بواسطة عبقرينو1

اخى
اكيد فيه دوائر بتباع بنفس المواصفات

زى بالظبط الدائره الى فى الاسانسير
وزى بالظبط الدائره الى فى العربيات عند تشغيل العربيه
يطلع صوت الدعاء ممكن تجيبها وتشغلها

وتغزيها بمحول كهرباء من 220فولت ل12 فولت

والله اعلى واعلم

شكرا اخى عبقرينو انا بفضل الله توصلت للدايرة اللى هتقوم بالتوصيل وينقصنى فقط جهاز التسجيل
عاوز جهاز تسجيل اسجل عليه الصوت او الدعاء اللى يعجبنى وممكن اغيره كل مدة كمان عاوز بس مساحة التسجيل فيه 5دقايق فقط وشكرا اخى الكريم

[صائب محمد]

يوجد أجهزه رخيصه حساسه للحركه يمكن وضعها خلف الباب وأجهزة تسجيل تسجل ووضع مؤقت IC 555 للتحكم في مدة التشغيل عند فتح الباب .


أنا أفضل !! ، يوجد مسجلات حديثه لها مخرج صوت تستطيع توصيلها على مكبر الصوت للسماعات وبها ووصلة USB مدخل تسجل على الـ USB الصوت الذي تريده بالمدة التي تريدها وجعلها جاهزه بلاي مع ضبط عدم الإعاد والتكرار وتسجيل ماده واحده عند الحاجه ، بعد أن تقوم بفتح المسجل من الداخل وأخذ وصله من زر بلاي وتوصيلها مع البوابه , فعند كل نبضه من سويتش أو ريلاي مثلاً مرتبط بمؤقت ، يشتغل بلاي وتشغيل الصوت على الـ USB وعند إنتهاء التسجيل يتوقف الصوت .

وشكـراً .. .

[عبد الرحمن200]

المشاركة الأصلية كتبت بواسطة صائب محمد

يوجد أجهزه رخيصه حساسه للحركه يمكن وضعها خلف الباب وأجهزة تسجيل تسجل ووضع مؤقت IC 555 للتحكم في مدة التشغيل عند فتح الباب .


أنا أفضل !! ، يوجد مسجلات حديثه لها مخرج صوت تستطيع توصيلها على مكبر الصوت للسماعات وبها ووصلة USB مدخل تسجل على الـ USB الصوت الذي تريده بالمدة التي تريدها وجعلها جاهزه بلاي مع ضبط عدم الإعاد والتكرار وتسجيل ماده واحده عند الحاجه ، بعد أن تقوم بفتح المسجل من الداخل وأخذ وصله من زر بلاي وتوصيلها مع البوابه , فعند كل نبضه من سويتش أو ريلاي مثلاً مرتبط بمؤقت ، يشتغل بلاي وتشغيل الصوت على الـ USB وعند إنتهاء التسجيل يتوقف الصوت .

وشكـراً .. .

شكرا ليك مهندس صائب انا بفضل الله توصلت الى مؤقت من دقيقة الى 10دقائق حسب مايتم ضبطه
مادام ذكرت فكرة usb انا فكرت فى انى ادخلها على fm ايه رايك مش ابسط شوية بس لسه مجربتش معرفش بقى هل هتاخد وقت كل مرة فى التشغيل لحد ماتعمل سيرش الفلاشة مع fm ولاايه
الفلاشة هيكون فيها فقط الدعاء اللى انا عاوزه واقدر اغيره بسهولة باستمرار

[صائب محمد]

لماذا قلت usb ولم أقل cd لأنني جربت .

فأنا طلب مني في معرض سيارات كبير وسيارات فخمه بوضع صوت الأذان في سماعات المعرض بتواقيته مع بث رساله من المعرض تذكر أنه حان موعد الأذان وذكر اسم المعرض وبعد الإنتهاء من الأذان تدخل فترة صمت تقريباً 18 دقيقه حتى الإنتهاء من الصلاة ، ثم يعود الصوت كما كان.
أنا لم أجد مشكله في حجم الجهاز حيث يوجد خزانه مثل خزانة النيتورك أو راك ،المهم أخذت صندوق كمبيوتر فارغ جديد ووضعت فيه البورده تشمل مؤقتات وتحكم وساعة الأذان (من محل الساعاة) بعد تفكيكها طبعاً ووضع الوجه فقط في الواجهه للصندوق .

الـ usb الذي استخدمته هو الـ usb +sd الذي يركب في مكان ولاعة السياره ويرسل fm إلى راديو السيارة فتحته وثبته على البورد كان يوجد قطعه هي مرسل fm لغيتها وأخذت مخرج الصوت و زر بلايأوصلته إلى المؤقت الذي هو بدوره يشتغل عن طريق ساعة منبه الآذان .

كان المنبه يفصل الصوت من الأمليفير لمدة 22 دقيقة أول دقيقة للتذكير ( من usb المخزن وبه sd ميمري أقدر أن أسجل عليها لكن usb عن طريق وصله أوصلته إلى الكيس الصندوق) وثاني 3دقائق هي الآذان و18 دقيقة فترة الصلاة .

مرت أكثر من ثلاث سنوات وهو يعمل بدون مشاكل بحيث تم تغيير النداء أكثر من مرة ، كانت مشكلتي الوحيده في الساعه حيث تتأخر دقيقتان كل سنه تقريباً.

هذه تجربه واستعملته بإدخاله مع بدالات الهواتف بوضع موسيقى وتوجيهات وعند الدخول من البوابه يوجد جهاز عند المرور من أمامه يخرج صوت جرس رنه " تن تن " فصلت سماعته واستعملته مع الـ usb ونجح ...

أورجوا أن لا أكون أطلت كثيراً حاولت أن أختصر أردت الفائده .

كان المفروض أن أدخل بموضوع جديد أكثر تفصيلا والشرح مع الصور حيث لازالت بعض الصور موجوده فأنا قمت بتصوير بعض القطع وكتبت عليها ملاحظات كخريطه قلت تنفعني عند حدوث عطل .