[hero of egypt]

السلام عليكم ورحمه الله وبركاته
برجاء من الأعضاء الأفاضل المساعدة فى ماتور كالبيد متركب فيه اوتوماتيك+ بلونه بس بيفصل لمده 5 دقائقه ويشتغل 3 دقائق بس يفضل تانى على هذا الموضع وانا تعب ازى اضبط اوتوماتيك بتاع الماتور علشان المفروض ميفصلش أصلا

[هيما79]

الموتور راكب لكام دور؟؟
ضغط البالونه كام؟؟؟

[hero of egypt]

شكرا لسرعه ردك يا هيما
الماتور راكب لشقه واحده بس وهى فى الدور الثالث والبلونه لسه مركبها من حوالى 3 شهور وكنت ظبطها عند بتاع الكاوتش

[محمود المليجى]

فى مسمار كبير فى الماتور وفية مسمار غير المسمار الكبير فكة بس مع مراعات قفل المياة كلها فك المسمار لغاية ميفصل الماتور بعد كد افتح المياة وشوف وانشاء الله هيشتغل انا تخصصى كهرباء وتحت امرك

[tarek_2005]

لضبط الاوتوماتك يجب العلم ببعض الامور

اولاً يجب ان يكون لديك مانوميتر ( عداد ضغط ) بلغة الباعة

ثانياً الواحد بار يساوي تقريباً وزن عمود من الماء 10.5 متر

اي لكي ترفع المياه 10 متر يجب ان يكون الضغط واحد بار ويصل الماء دون ضغط عند هذا الارتفاع

ولنطبق علي حالتك
الدور الثالث اي ارتفاع 9 متر لان الدور 3 متر ارتفاع
طبعاً الارقام كلها تقريبية ولك التعديل فيها لما هو لديك

كي يصل الماء اليك يجب ان يكون لديك ضغط عند المتور 1 بار وسيصبح الضغط عندك في الدور الثالث تقريباً 0.1 بار ودا ضعيف قوي

اذا لو محتاج ماء بضغط عالي لديك يجب ان يكون ضغطه واحد بار علي الاقل عند الدور الثالث ونضيف عليه الواحد بار بتاع الارتفاع يبقي اقل ضغط مسموح به عند المتور يكون اثنين بار واعلي ضغط يكون 2.5 بار حتي لاتشعر بتذبذب في تدفق المياه عندك

كلام كله نظري ووجعت دماغك

الاتوماتك به عدد اثنين مسمار
واحد لضبط الضغط العالي ( ضغط فصل المتور ) والثاني لضبط الضغط الواطي ( ضغط بداية عمل المتور

لضبط الضغط العالي هو المسمار القصير
لضبط الضغط الواطي هو المسمار الكبير

كلما ربط اي من المسمارين ذاد ضغطه وكلما فككت اي من المسمارين قل ضغطه

قيس الضغوط قبل عمل اي شيئ بالاتوماتك

ثم عدل لضغط عمل المتور عند 2 بار وضغط فصل عند 2.5 بار

ملحوظة الربع لفة لصامولة اي من المسمارين له تاثير كبير فكن حريص اثناء التعديل وان يكون التعديل بتدرج بسيط

[هيما79]

اخي في الله hero of egypt
اسف علي التاخير في الرد عليك
لما تفتح غطاء الاوتوماتيك هتلاقي مسمارين بصموله تحت كل منهما سوسته اولا شغل المياه في الدور اللي يعجبك وابدا فك الصاموله ببطئ
وخلي الك من ضغط البالونه تمام
كل لفتين من المسمار الكبير يعادل لفه واحده من الصاموله للمسمار الصغير
وكما تفضل الاخ طارق بالشرح السابق
انا بس حبيت اسهل عليك الموضوع
جزاكم الله خيرا

[عوني73]

شرحك جميل استاذ طارق بارك الله فيك

[hero of egypt]

جزاكم الله خيراً