السلام عليكم و رحمة الله و بركاته،
انا عندى موبايل نوكيا 5310 اكبريس اديته لواحد يصلحها و من غير ما يسألنى على اي حاجة فبل كا يركب الحاجات و يصلحه بعد ما خلص تصليح لقيته بيقولى ان تمن تصليح الموبايل كله حوالى 220 جنيه (على حد علمى ان الموبايل ده يتباع مستعمل بحوالى 200 جنيه لو كويس ما بالكم انا موبايلى مفتوح معنى كده انى باصلحه باكتر من تمنه بكتير)، المهم انا خدت الموبايل علشان قلتله هاخده اشوفه اتكلف كام بره، و فعلاً روحت بيه على اكتر من محل المهم كلهم مرضيوش يفتحوا الموبايل علشان واحد تانى اشتغل فيه قبل كده.
المهم انا طالب مساعدتكم ضرورى و بأمانة ارجوكم تشوفوا اسعار الحاجات دى صح و لا لأ علشان الراجل لازم ياخد حقه بالظبط لا زيادة و لا أقل و كمان انا حاسس انه بينصب عليا لان ابن عمى مصاحبه و قالى ان هو سمعه بيحكى لشريكه انه ضحك على واحد موبايله المفروض يتكلف 20 جنيه و خلاه يدفع 100، المهم الأسعار ديه اللى قالهالى:
ركب سماعتين الواحدة ب15 جنيه يبفى مجموعهم 30
ركب اي سي بلوتوث ب50 جنيه
ركب اي سي فلاش ب40 حنيه
ركب كوفر من غير الشاسيه ب30 جنيه
ركب وش سيليكون ب5 جنيه
فيه حاجات تانية هو ركبها قالى انه هيدور فى الورق بتاعه هما كانوا إيه بس دول اللى قالهوملى و مش هادفعله الفلوس غير لم اتأكد انه صادق (الحاجات اللى هو مركبها تقريباً كلها مش اصليه لان السماعات صوتها تعبان جداً)
ديه تقريباً اهم الحاجات اللى عاوز اعرف سعرها و اتأكد هو ضحك عليا و لا لأ
بجد انا محتاج المساعدة ضرورى و شكراً جزيلاً
واحد عايز يسرقنى فى اسعار تصليح الموبايل (برجاء المساعدة)
