السلام عليكم ورحمة الله وبركاتة
الحمد لله رب العالمين والصلاة والسلام علي رسول الله محمد صلي الله علية وسلم
مع مشروع وحلم تشغيل العجلة بموتور
سبحان الله كنت عمال أفكر اني أركب للعجلة موتو وعمال أفكر في موتور غسالة وموتور مروحة وموتور الشنيور
وبالبحث وجدت موضوع الأستاذ الفاضل أسلام حسين في اللينك التالي
http://www.qariya.com/vb/showthread.php?t=89775

المهم انا عاوز أقول شوية حاجات
1- في ناس غلابة كتير كتيييييييييييير ومعهاش فلوس تشتري موتوسكل تمام
2- دول أمريكا وأوربا وأجانب نفسهم بقوا بيمشوا العجلة بموتور
وفي أمثلة لأفكار ممتازة في اليوتيوب

A very fast accelerating electric bike... trust me .. - YouTube

A very fast accelerating electric bike... trust me .. - YouTube

المهم بعد قرائتي لموضوع الأستاذ أسلام
توصلت لكذا نقطة
ان أفضل حاجة هي موتور مستمر 12 او 24 فولت
حجمة صغير في حجم علبة العصير
وبطارية صغيرة ومات الشحن أقل وتكلفة أقل بكتير

المهم نفسي في نصيحة لوجة الله
ومتتصوروش النصيحة دي هتساعد ناس كتير أد أية وناس غلابة كتير
العجلة في كتير جدا ناس بيركبوها طلاب وناس كبار في السن وعمال وناس بتكافح
علشان يروحوا بيها الشغل
ويروحوا بيوتهم
والتبديل بيبقي عاوز مجهود وصعب علي بعض الناس
وبالذات المرضي والي عندهم مرض السكر او القلب

3- التاكسيات بقت غالية جدا جدا
وكمان في ظل وجود أزمة البنزين المتكررة
فبطلب من حضراتكم النصيحة
لتسيير العجلة بموتور
نفسي نوصل لفكرة أحلي من الصين

المهم
عاوز أعرف
1- هل ينفع العجلة تمشي ببطارية بس وتتشحن
وتحتاج بطارية قدراتها أد أية وتتشحن أزاي

هل في جهاز شحن بيتباع ولا أية الطريقة
2- قريت رأي أخر ان موتور تيار ثابت dc حجمة صغير برضو في حجم علبة العصير وفي منة 12 وفي 24 فولت وبيقولوا ان عزمة شديد وتحكم فية بسهولة
وتكفي معة بطارية موتوسكل
بمناسبة الأحجام كل ما كان صغير كل ما كان أفضل علشان ميبقاش في تقل علي العجلة

وناس تقول ان الموتور نص حصان يكفي جدا
3- وهل ممكن تركيب معهم الدينامو بحيث يكون الشحن ذاتي ولا تحتاج البطارية للشحن

المهم عاوز أوصل لأفضل رأي يمكن تنفيذة وبسهولة وأقل تكلفة

لو وصلنا لحاجة زي كدة سهلة التركيب علي الدرجات
ممكن ان شاء الله الفكرة تنجح جامد وتتحول لمشروع جهاز يركب علي العجل وتسير
ملحوظة
لا أطلب ان تسر العجلة بسرعة نهائيا نهائيا
فقط نفس سرعة التبديل
كل ما أطلبة هو توفير مجهود التبديل وسعة عجلة عادية
نفسي نتقدم علي الصين
الي يقدر ينصحنا ياريت لو يقولونا لو نصحنا بموتور معين يتكلف كام وهكذا

علي فكرة انا بشوف ناس في مصر مركبة موتور علي العجلة بس طبعا مبلحقش أكلمهم او أسئلهم عملتوة عند مين ولا أزاي ولا بكام ؟
وأخيرا أتقدم بدعوة حضراتكم لمشاركتنا في جمعية بنك الأفكار الجديدة في الفيس بوك
https://www.facebook.com/groups/bank...ar.eg/?fref=ts

جزاكم الله كل خير
والسلام عليكم ورحمة الله وبركاتة

لماذا لا تكتب فى جوجل electric bike لترى ما هو متاح فى السوق فتعرف حجم البطاريات المستخدمة و قدرة الموتور المستخدم معها و كيف تشحن فستجد كثير من الإجابات
معظم ما ذكرته قلت قبله "سمعت" و غالبا ما تكون المعلومة تحتاج لتدقيق علمى
أيضا الشواحن قتلت بحثا فى المنتدى و ستجد دوائر لا حصر لها لشحن أى نوع بطارية و بأى قدرة
رجاء اقرأ كثيرا بدلا من وضع شرح طويل لأشياء كلنا نعلمها ولكنها لا تخدم الموضوع مثل ارتفاع اسعار التاكسى و غيره
المشكلة بسيطة و سبق حلها و لن تكون اختراع لتوافرها بالسوق - دراجة تسير بموتور
اعرف ما وصل إليه من صنعوها لتعلم كيف يمكنك تطويرها إن اردت أو تقليدها إن شئت
طبعا بطارية موتوسيكل ليست تعبير علمى فالأصح ان تقول بطارية كذا فولت كذا أمبير

عندها اضرب الفولت × التيار تحصل على القدرة المخزونة فى البطارية و يمكن نتحويلها للحصان
العجلة تحتاج كذا حصان يبقى هذه البطارية تكفى لكذا دقيقة

السلام عليكم ورحمة الله وبركاتة
انا متشكر جدا علي الرد والمتابعة والأهتمام
انا لما كتبت الموضوع كنت بطلب النصيحة من أهل الخبرة
ويمكن غلطتي اني موضحتش انا بكالريوس تجارة
ولاكن بحب الأطلاع علي الأفكار الهندسية

فطبعا معنديش خلفية او خبرة عن قوة البطارية او موتور تيار مستمر او متردد
وعلشان كدة كتبت الموضوع علشان أخد بنصيحة أهل العلم لأني معنديش خبرة او خلفية او فهم او دراية كافية بالموضوع فقولت ممكن حد من هندسة ألكترونيات او كهربية يفدني أكتر

فأسئلوا أهل العلم ان كنتم لا تعلمون
وبكرر شكري لحضرتك بشمهندس
ماجد عباس
وهعمل بنصيحتك وأبحث عنها في جوجل
جزاكم الله خيرا
والسلام عليكم ورحمة الله وبركاتة