السلام عليكم الساده الكرام
جهاز ستزن NGR 222 القديم قاطع صوت وصوره نهائى على AV وRF
الخطوات التى عملتها هى
جربت الجهاز على تليفزيون أخر فتأكدت أن العطل بالريسيفر
قمت بقياس الترانزسترات سلام قمت بتغير الآيسى خلف الاديو وبرضه نفس المشكله
أعطيت للجهازملف قنوات وبرضه نفس المشكله
قمت بتلامس طرف الفديو على المقاومات وعلى خروج الأيسى خلف مخرج الأديو ومفيش أى إشارة صوت أوصوره نهائى ولكن لم المس على البرسسر لأنى خايف عليه ولاأعرف أطراف الصوت والصورة عليه فين أرجو الإفاده ولكم جزيل الشكر
آسف على الإطاله

بص يا اخى نظف الجهاز كويس بالثنر تنظيف كويس وبعدين بكابل الاشباح جرب اى رجول من البروسيسور وتخفش طلامة مش حتلمس اى رجلين مع بعض لو فى خروج بسيط من البروسيسور معنى كدة ان البرسيسور سليم ولو مفيش اى خروج من اى رجل فى البرسيسور يبقة العطل بروسيسور سخن عليه لو بردو مطلعش اى صوت او صورة على كابل الاشباح يبقة البرسيسور تالف ولو طالع صوت وصورة امشى بكابل الاشباح على اى ترنزيستور او مكسف عليه صورة كويسة وصوت واعمل كوبرى طبعا بعد متنزل سوفت وتغسل البورة بالثنر

السلام عليكم
أحبابى تم التلميس بكابل الأشباح على أطراف البرسسر من ناحية الأديو والفديو ولا يوجد اشباح ولا نغمشه ولا أى حاجه خالص غير اهتزاز بسيط جدا لايرى الا بالتدقيق الدقيق جدا أو لا ير ى
ارجو المتابعه ـ ملحوظه س ـ هل يمكن قياس الترانزستورات الفلات وهم راكبين أم لابد من فكهم وقياسهم خارج الجهاز ؟

اخى العزيز لازم صورة حتى لو ابيض واسود بسيطة وعلى رجل الترنزستور دخول عليه صورة والخروج عليه صورة وقياس الترنزستور الفلات زى اى ترنزستور عادى نفس القياس وداخل الدئرة عادى بس اصلا لو مفيش خروج من البروسيسور صورة خفيفة يبقة العيب بروسيسور

العفريت كاسيت
//////////////

السلام عليكم اولا .. واعتزر عن التاخير اخى الحبيب ..

غالبا هو غياب الجهد من دائرة البور 12 فولت ..!! او ربما انقطاع هذا الجهد المغذى لمسار الصوت والصورة ..