اولا انا خبرتي في الصيانة قليلة جدا فذهبت
لفنيين صيانة موبايلات و تلفيزيونات ومفيش حد
ساعدنى كله بيقولي مليش فى الموضوع ده .
..فأتمني مساعدتى او حتى تدلونى مين ممكن يعمله صيانة.
المشكلة
ان وصلة اليو اس بي اللي بتوصل الجهاز بالكمبيوتر
بها اربعة سلوك 2 داتا و واحد ارضى وواحد كهرباء
لونه احمر 5 فولت تمام .....
(المشكلة ببساطة ان السلك الاحمر (5v) لمس السلك الارضى
وعمل شرز وحرق فى السلك الاحمر ...) بعد الموضوع ده
صلحت الوصلة القديمة وجربت توصيله بالجهاز الكمبيوتر مش راض يتعرف عليه و تظهر الرسالة دى


جبت وصلة جديدة ونفس المشكلة
جربت على اكتر من جهاز ومبتتعرفش (جربت التعريفات ونفس المشكلة)
فاعتقد انه حصل شورت بس مش عارف احدد مكانه ازاى واقيس ازاي والعيب فين مش عارف
الجهاز بينور عادى لما بوصلة .
د ى مجموعة صور للتوضيح

*

*

*

*

وشكرا

معذرة الكلام غير واضح فيه أين العيب كما أن تكرار الصور لا يضيف
لديك جهاز ما و لديك حاسب
عادة الحاسب به أكثر من مخرج يو اس بى يمكنك اختبار أشياء أخرى على المخارج فتحدد أيها سليم و أيها تالف الآن
بالنسبة للجهاز المصور "الفا" المسأله ليست فقط طرفين تغذية فكما ذكرت بها طرفين داتا وهما متصلين داخليا بمتكاملات واضحة بالصور
قد تكون أحداها تلفت
تأكد بالآفو أنه لا يوجد قصر على خط 5 فولت و حدد بدقة أيها الموجب و أيها السالب و يمكنك باستخدام شاحن موبايل و أغلبهم 5 فولت يمكنك تغذية الجهاز خارجيا ب5 فولت و تقيسها على الطرفين تجدها 5 فولت و بهذا تكون بدون شورت أو قصر
الآن افصل الكهرباء و بالآفو على وضع أوم اختبر طرفى الداتا مع باقى الأطراف يجب ألا يكون هناك قصر أو شورت
الآن لاخوف من توصيل الجهاز على الحاسب
قم بتوصيله على مخرج سليم
إن لم يتعرف عليه فهذا معناه أن الجهاز "الفا" به عطل فى أحد المتكاملات الأخرى و ستضطر لشراء غيره

اولا شكرا جزيلا
ومعلش استحملنى لانى خبرتي قليلة جدا فى الصيانة

الصورة دى لتوضيح القياسات للفولت على البورده لو في خطأ فى القياسات ارجو حضرتك توجهني ولك جزيل الشكر:-
1 -على احد الاطراف بيعطى قياسات متباينة مرة 65. او50. او 19. فولت

2-بيدى 3 فولت

3-مفيش فولتيات على طرف من دول

4-حاجات بتقيس 3 فولت او 5 فولت

5-داخل3 فولت و 5 فولت

6-سنن فى الشيبة وحواليها بتقيس 3 فولت او 1.2 فولت

7- بتقيس 5 فولت
8- 5 فولت
9- 3 فولت
* فى اى مجموعة من الارقام دى في بافات مبجبش اى فولتيات .


تقريبا الداتا طرف واحد بعد ما قست الداخل للبورده من كابل ال يو اس بي
...حضرتك تقصد على وضع الصفارة مع الثلاث اطراف الاخرين .

بعتذر منك على بطىء فهمى ارجو حضرتك تكون صبور معايا وشكرا.

معذرة شكل القياسات معقول لكن للأسف لا استطيع بدون أرقام المتكاملات و المكونات أن اعرف ما هى
اهم قطعتين هما 7 و 6 أرجو لا تكون احداها تسخن بشدة
7 هى المرسل / مستقبل للبيانات على التردد العالى
6 هى الميكرو كونتروللر المسؤول عن التفاهم مع الحاسب من جهة و على المرسل رقم 7 من جهة أخرى
لو أحدهما تالف لن يسهل استبداله
الداتا طرفين واحد ارسال وواحد استقبال
لا اقصد على وضع أوم لأن الصفارة يعطى فولت عالى يفتح الدايودات و غيرة فسيعطى قياسات و تسبب لك ارتباك
على وضع أوم سيقيت المقاومات و المكثفات فقط ولو فيه أى متكاملة فيها شورت سيظهر بوضوح
لا داعى للإعتذار المشكلة لو حددت العطل كيف ستبدل الجزء التالف

شكرا جزيلا .

حضرتك تقصد ايه بالمتكاملات ..وايه القياسات اللى حضرتك عاوزها وان شاء الله انفذها بتوجيهك.

الحمد لله مفيش حاجة فيهم بتسخن


تمام

ممكن اضبط الافو على 20 k واقيس بالنسبة للمقاومات والبافات.. بالنسبة للافو اضع الطرف الارضى على احد اطراف المقاومة والطرف الموجب على الطرف الاخر واقول لحضرتك القراءه

بالنسبة للاستبدال سهل ان شاء الله عندى الهيتر والكاوية وهدرب ايدى على بورده قديمة ...ربنا هيسترها ان شاء الله.

المربعات السواء ولها ارجل كثيرة
وهذه لابد من البحث عنها على النت لتنزيل الداتاشيت لها و منه نعرف ما هى أى ما دورها و ما القياسات المطلوبة
أيضا باقى القطع اللى لها 5 طرف و غيرها

لاحظ أننى قلت شكلها معقول ولم أقل نعم هى سليمة وقلت بدون الأرقام لا يمكن معرفه ما هى وهل هى صحيحة أم لا
معذرة بلاش كلمة البافات
البف وحدة قياس للمكثفات وقد يكون مكثف 3000 بف فيقال انه 3 نانو أو 20 مليون بف و قال انه 20 ميكرو
وهناك على الدائرة مقاومات و مكثفات و ملفات
لا
يجب تحديد الأرضى فين وهو السالب العام المرتبط مع سالب اليو اس بى و تضع عليه السالب و تقيس بالموجب
هل المكونات موجودة بالسوق يمكنك شراء بدل للتالف؟؟
هل تستطيع قراءة قيمها؟؟
هل لديك جهاز مطابق لتقارن القياسات؟؟

تمام حضرتك
البورده كده فيها 2 متكاملة
الكبيرة ودى البيانات اللى عليها
ralink
RT3070L
TP40Y17F9
1543PT

المتكاملة الصغيرة ودى البيانات اللى عليها
YP243433
1407
GB022




تمام


تمام


لما نحدد العيب فين ان شاء الله هسأل عند بتوع الالكترونيات
قرائة القيمة معى عدسة صغيرة ان شاء الله تساعدنى
للأسف معنديش جهاز مطابق.....

دى المسؤوله عن التفاهم مع الحاسب عبر يو اس بى ثم الإرسال عبر WiFi و التفاهم مع الأجهزة
راجع الفولتات دى
الأطراف 14 و 21 و 33 و 43 عليها 1.2 فولت
الأطراف 22 و 44 عليها 3.3 فولت
طرف 11 يجب ان لا يكون صفر
اطراف يو اس بى على المتكاملة هى
طرف 34 متصل بمقاومة 8.2 ك على الارض
طرف 35 عليه 3.3 فولت
طرفين 36 و 37 داتا
طرف 38 عليه 1.2 فولت
المفروض عليها هذه الفولتيات وبهذا تستطيع أن تتعامل مع الحاسب و إلا فإن لم تتعامل مع الحاسب غالبا ستكون تالفة
دى مكبر تردد عالى
الرقم 1 للمتكاملة لما تعدل البوردة و تكون الكتابة مقروءة، ستجد الركن الأعلى الأيسر عليه قوس أبيض و الباقى زاوية بيضاء
القوس يكون فوق شمال و العد يبدأ من اليسار لأسفل 1-2-3- الخ


هل الأجهزة تستطيع أن تتعامل مع الواى فاى و تدخل عبر الباسورد لكن لا تستقبل داتا؟؟ أم أيضا الأجهزة لا تتعرف أصلا على الشبكة؟؟