السلام عليكم ورحمة الله وبراكاته
ارجو من حضراتكم مساعدتى فى اصلاح طابعتى من مشكلة وقوف وانحشار الورق فى سخان الطابعه ريكو aficio mp 161 الورقه بتطلع من الديرام مطبوعه وعند الخروج من الطتبعه بتخرج نص الورقه وتقف وممكن بعد انحشار حوالى 5 الى 10 ورقات تعمل الطابعه طبيعى لفتره تم تنحشر ورقه اخرى وهكذا ارجو المساعده لو سمحتم

اكد علي الاظافر ان كانت راكبه مكانها كويس والسوست بتاعتها شغاله
ثاني حاجه اتاكد ان نوع الورق كويس مش فيه رطوبه
تالت حاجه والاهم في حساس خروج الورقه عباره عن سقاطه بلاستيك دي موصوله بعمود عزم حركه في اخره بيقطع حساس لازم يتنظف كويس بمنفاخ يدوي او بلاور علي خفيف علشان الليزر

الف شكر لحضرتك اشتغلت بعد التنضيف بس فى جزء من الورقه ع الشمال باهت فى الطباعه والتصوير ممكن تقلى ازاى انضف العدسه وممرايات والطابغه لو فى فديو بعد اذنك

هتفك باب الجنب وتفتح الباب الامامي
هتشيل يونيت الدرام
هتشوف الليزر الجزء الظاهر منها عباره عن مسطره زجاج شفافه امسحها كويس من بره وركب كل حاجه مكانها
بالنسبه للاسكانر هتفك الزجاج 3 مسامير في المسطره الداخليه و3 مسامير في المسطره الجانبيه ع الشمال وتطلع الزجاج وتشد مجره اللمبه الي بتمشي لما بتصور تمشيها في الاتجاه بتاعها عادي جدا وتنظف المرايات وهي في مكانها وترجع بعد كده كل حاجه لمكانها