|
:: مهندس ::
تاريخ التسجيل: Jan 2013
المشاركات: 6
|
|
نشاط [ samir_mohtram ]
قوة السمعة:
|
|
19-01-2013, 11:40 PM
المشاركة 1
|
|
أحتاج الي مهندس ميكاترونكس ليساعدنا في نتنفيذ مشروع أختراع أول ميدالية ألكترونية للمف
السلام عليكم ورحمة الله وبركاتة
الحمد لله رب العالمين والصلاة والسلام علي رسول الله محمد صلي الله علية وسلم
مع فكرة أختراع لأول ميدالية في التاريخ الكترونية
الحمد لله بفكر في أختراع ميدالية تكون بتتقفل وتدخل المفاتيح كلها جواها في علبة زي الموبايل
ومجرد ما تنطق أسم الي هتفتحة يطلعلك المفتاح بتاعة مثلا هتقول مفتاح العربية يطلع لك مفتاح العربية الكتروني من العلبة الي هي الميدالية الي زي شكل علبة علي شكل موبايل صغير
تقول مثلا مفتاح الجراج مفتاح المكتب مفتاح الدكان وهكذا
وهما خاصيتين
دي الأولانية أنك تنطق بالأسم الحاجة الي عاوز تفتحها
أما الخاصية التانية فهي عبارة عن أربع أرقام سرية تضغط عليهم
تطلع لك قايمة بالمفاتيح وممكن باللمس تاتش
اضغط مثلا علي صورة العربية او رقم 1 يرمز لمفتاح العربية فيطلعلك مفتاح العربية
2- وفي حل تاني للميدالية أنها تكون مش ألكترونية يكون فيها حوالي خمسين لزقة من الحديد او البلاستيك بتركب علي المفاتيح
المهم أنك من كل لزقة بلون مختلف تعرف دة مفتاح كذا
وسر المشروع دة جة منين
انا كان معايا مفاتيح كتير في مرة الحمد لله نازل صلاة الفجر
ببص لقيت المفتاح مبيفتحش قفل البوابة
قولت أوبا أطلع البيت تاني ولا أعمل أية
وقعدت أجرب في المفاتيح يعني لو حد معدي يقول دة حرامي دة ولا أية
وخبط علي البواب وطلع وفتح لي وخدت منو المفتاح و طلبت المفتاح تاني يوم علشان أعمل علية نسخة
ولغاية دلوقت مش عارف المفتاح راح فين او هو معايا ومبيفتحش لية وموجود في ميدالية المفاتيح
لاكن مش دي المشكلة
المشكلة أني أكتشفت حاجة من الأتنين أما انا بتلخبط علشان في مفاتيح كتير شبة بعض
وممكن تكون الدنيا ضلمة بليل وأنتا مروح ففكرة الميدالية الألكترونية بشكر ربنا جدا عليها الحمد لله
ممكن تضغط علي الميدالية تنور ويطلع لك المفتاح وتفضل الميدالية منورة وفيها زي كشاف لغاية ما تفتح الباب وتقفل وتطفي كشاف الميدالية
المهم أرجع وأكمل القصة
أعمل أية بقي خدت المفتاح من البواب زي ما قولت لكم ووديتة لمحل المفاتيح
وعملت علية فالمهم طلبت منو أن يكون المفتاح لية رأس صفرا او خضرا
زي مفاتيح العربية والموتوسكلات والفزب بتبقي مميزة رأسها بتبقي لونها أسمر
فالراجل قالي لا النوع دة مفيش منو ألوان
اتضايقت ولقيت الراجل فكر في فكرة وقالي انا ممكن أعلمهولك
يعمل فية علامة يعني فرحت جدا
المهم أنة كسر منة حتة وبقي المفتاح متعلم فية علامة يعني مميزة عن باقي النفاتيح علشان متلخبطش لأن المفاتيح شبة بعضها
فدة يبقي حتة منو مكسورة فأعرفة بسرعة وسهولة
مش بس كدة
انا والدي الله يرحمة وانا صغير كان بيجيب الشاي الي بفتلة
وبعد ما يشرب الشاي يعين الفتلة
وبيبقي مكتوب عليها أسم شركة الشاي مثلا
المهم ويربط الفتلة في المفتاح ويكتب علي الورقة الصغيرة مفتاح العجلة الصغيرة
مفتاح دولاب
مفتاح قفل العجلة
مفتاح الشنطة
الله يرحمة
لغاية دلوقت لما بقلب في الدرج بلاقي المفاتيح دي وبقعد أفتكر الذكريات
طبعا انا كنت بقول أية الكلام دة
دلوقت انا محتاس عندي يجي علبة مفاتيح مش عارف بتاع اية
من خلال الي مريت دة جت فكرة الميدالية المفاتيح الألكترونية
انا بحكي القصص دي علشان في ناس مبتصدقش أن الأفكار دي بتاعي الحمد لله
ودور عليها في النت كلو لو لقيتها قولي علشان عاوز أشتري منها واحدة
المهم
الأسباب الرئيسية وراء الميدالية الألكترونية للمفاتيح
1- سبب أول كتر المفاتيح ساعات الناس بتتلخبط
2- سبب تاني النسيان ومرضي الزهايمر أنا حاسس اني عمال أنسي بطريقة فظيعة
تبص تلاقي مفاتيح معاك من كترها منتاش عارف دي مفاتيح أية
3- وزي ما قولت لما بيبقي معاك مفاتيح كتير بتتلخبط وبتضيع وقت وبتبقي الدنيا ضلمة وفين وفين لما تلاقي او تطلع المفتاح
وبتبقي راجع البيت تعبان عاوز تفتح بسرعة وتدخل بيتك
4- الميدالية صغيرة الحجم في حجم الموبايل ولها عليقة تتعلق في البنطلون
5- وممكن تشغل خاصية الرقم السري للميدالية او أنها تعمل بصوتك أنتا بس
المهم محتاج أفكاركم ودعمكم وأي تطوير علي الفكرة انا برحب بية جدا
وأرحب بأي تعديلات
فكروا أخترعوا أحلموا
حتي لو أفكاركم كانت خياااااااااااال
وان شاء الله
في فكرة جميلة للدعاية والأعلان عن الميدالية الألكترونية في التلفزيون
وعمل جروب علي النت صفحة صاحب أكبر عدد مفاتيح وقولنا مفاتيح أية الي معاك
ومسابقة في الشارع معاك كام مفتاح
وكل الي بطلبة مهندس يساعدنا في تنفيذ الفكرة
وبدعوكم لمشاركتنا في جروب جمعية بنك الأفكار الجديدة علي الفيس بوك
لأن عننا أفكار زي دي كتير ومحتاجة حد من هندسة يساعدنا في تنفيذها
لأنها أفكار من ناس عادية
وكنت كاتب الموضوع في ملتقي المهندسين العرب
http://www.arab-eng.org/vb/t296034.html
جزاكم الله كل خير
والسلام عليكم ورحمة الله وبركاتة
|
