بسم الله الرحمن الرحيم
اولاً : انا معرفش هل انا وضعت الموضوع فى المكان الصح ولا لا

ثانياً : انا مش شغال ولا عندى وظيفة ومعاية مبلغ فكرت افتح بية محل كمبيوتر لان المجال دة بفهم فية ومش هحتاج اجيب حد يشغلى المجال دة - لكن قبل ما ابداً فى تنفيذ المشروع - استشرت ناس منهم اصحابى ومنهم ناس فاتحة المشروع دة ولان مش كل الناس عايزة لية الخير ففية منهم اللى قالى اصرف نظر عن الموضوع الناس مش معاها فلوس تشترى حاجات كمبيوتر او تصلحة فى المحلات واللى قال ان ربح المكان اللى هفتحة هيغطى التكاليف بالعافية علشان ظروف البلد فى نفس الوقت الناس دى فاتحة نفس المشروع اللى انا عايز افتحة - ودة خالنى اشك فى رأيهم - وناس تانية قالولى افتح واتكل على الله والارزاق بتاعة ربنا - وقالولى لو كل واحد فكر ان البلد داخلة على الاسوء محدش هيشتغل ولا هيفتح حاجة - وتضارب الاراء من ناس كتير اصبح عندى حالة من التشتيت بين مين اللى عايز لية خير ومين اللى عايز لية شر

حالياً انا بستشيركم فى فى الموضوع فى جانبين - جانب عملى وجانب دينى

الجانب العملى :
اولاً انا من مصر والمكان اللى هفتحة اللى متاح للايجار حالياً فى حدود 4 شوارع متتالية مفيش حد فاتح المجال دة وفى نفس الوقت مساحة كبيرة جنب المحل غير سكنية فيها سنترال ومجمع مدراس كيبر - لكن فى الاتجاة التانى من الطريق العمومى فية 6 محلات فى 8 شوارع فاتحين نفس المجال فهل عادى انى افتح فى مكان بالقرب منهم والارزاق على الله طبعاً ؟؟

هل فعلاً سوق اكسسوارات الكمبيوتر واقف ومفيش شغل الفترة الحالية وهل موضوع الصيانة الظاهرية (تغيير القطع الاساسية التالفة يعد اكتشاف عطل او تغيير القطع الالكترونية الظاهر بها تدمير ) لم يجدى نفعاً وهل الناس بقت بتبعد عن المحلات وبتروح المولات البعيدة

هل موضوع محل الكمبيوتر اصبح بيغطى تكاليفة بالعافية والربح بيبقى ضعيف عى حد قول واحد من

انا بس عايز اى ملاحظات هل لو فتحت فى المجال دة هنجح ولا فية خطر كبير (انا هفتح فى منطقة شعبية والمكان بجوار اكبر كافتريات فى المنطقة )

الجانب الدينى : اية اللى المفروض يحصل او اعملة بعد صلاة الاستخارة علشان اكمل فى طريق المشروع او لا ؟

السلام عليكم

سيكون مجدياً فى الحالات الآتيه :-

إذا كان يمكنك تقديم خدمة صيانة متكاملة تشمل الآتى :-

إصلاح اللاب توب (صيانة الماذر - شحن البايوس على المبرمجة - تغيير العناصر التالفة على الماذر - الشاحن ودوائره )

إصلاح الشاشات ( دوائر الباور - والكنترول - والإضاءة)

إصلاح أجهزة التابلت ( تغيير بطاريات - تغيير تاتش - .....)

بسبب انى اشتغلت سنين فى مجالات مختلفة فى فترة كبيرة اصبحت خبرتى متوسطة

بالنسبة لاصلاح اللابتوب او اجهزة الكمبيوتر عامة صيانة الماذر مجرد صيانة ظاهرية اذا كنت شايف العيب لكن فية عيوب كتير مش بعرف اعرف سببها - شحن البايوس مش صعب لو جمعت عنة معلومات من على النت وعرفت تمن المبرمجة - تغيير العناصر مفيش بالنسبة لية مشكلة لانى اصلا دبلوم الكترونيات لكن المشكلة فى عدم القدرة على تحديد اسباب الاعطال وغالباً بستعين بالانترنت فى حل مشاكل كتير - اصلاح الشاشات والتابلت طبيعى هبعد عنة لان المنطقة اغلبها ناس متخلفة وبيحصل مشاكل كتير فى تصليح الحاجات اللى زى كدة خاصة التابلت

بس على فكرة انا اقصد هل تجارة الاكسسوارات والقطع غير مجدية .. ؟؟ولو حد فاتح فى مكان شعبى بمصر يقول تجربتة - لان المنطقة اللى انا ساكن فيها موجود فيها ناس كتير فاتحة وشغالة ومجالاتهم ملهاش علاقة بالكمبيوتر ولا حتى بيفهمو فية !!