السلام عليكم ورحمة الله وبركاته
إخواني بارك الله فيكم
كما تعلمون أهمية الإلكترونيات في حياتنا، وخصوصًا بالنسبة للهواة الذين يطوقون إلى عمل دائراتهم الخاصة.
وطبعًا كما تعلمون أن SMD هي مكونات تتركب على سطح البوردة ليس لها أرجل ولا قص، وشكلها يكون مقبول أكثر بكثير من الشكل المعتاد وأفضل ما فيها سهولة استخدام الهوت في لحامها وفكها وأيضًا بالنسبة لي من أهم مميزاتها أنها توفر مساحة كبيرة جدًا من البوردة، مثلاً هنعمل بوردة هتطلع في الآخر 10سم × 10 سم، لو غيرنا المقاومات الربع وات والمكثفات الكيميائية والدايدوات وكل حاجة في الدايرة وبدلناهم بمكونات SMD ممكن يصبح حجم الدائرة 2سم × 2سم، يبقى أكيد هتوفر في الشكل والمساحة وطبعًا الوزن
الأسئلة المعتادة
أنا بشتغل بالمكونات من فترة، بقطعها من البورد القديمة اللي عندي
بس المشكلة حبيت ادور على مكثفات وليدات ملقتش
رحت عند النخيلي ورام وأنور الجمال محدش بيبعها
ممكن اعرف بتتباع فين
ودي صور علشان نشوق الإخوة علشان يشتغلوا بيها


اعذروني طولت عليكم وساعدونا لسة ورانا مشاريع كتير
السلام عليكم ورحمة الله وبركاته

انا من مصر وبرده محتاجها في مشروعي
ومش عارف الاقيها منين

السلام عليكم ورحمة الله
الظاهر يا مشمش ان في ناس كتير مش لاقياها، كتير جدًا من اللي انا اعرفهم مش عارفين يجبوها منين
وربنا يجازي إخواننا خير في المنتدى، لو كان حد يعرف هي بتتباع فين كان هيقول، وإن شاء الله هحاول اسأل تاني وأوعدك أول ما ألاقي المكان بتاعها في مصر هنشر العنوان علطول
السلام عليكم

وعليكم السلام ورحمة الله وبركاته
شكرا جزيلا علي ذوقك وردك الجميل وربنا يكرمك ان شاء الله