بالاضافة لمشكلة اللون البنفسجي اللي عملت موضوع علشانه....
حدث معي عيب جديد ....بعد ان اختفى عيب الخيال البنفسجي لوحده

اثناء مشاهدة التلفزيون اسمع تشريز لاقل من ثانية مع وميض بالشاشة .... تشريز كما لو كان صوت تفريغ مكثف ..بس بسمع الصوت ده صادر من الشاشة نفسها....وهذا الوميض يحدث مرة باللون الاخضر ..ومرة بالأحمر و مرة بالازرق ....اي على فترات متقطعة ,,,وكل مرة يحدث بلون مختلف

ويحدث هذا التشريز لاقل من ثانية ...وتعود الصورة كما كانت سليمة

حتى حدث اخر مرة ...ولم تعود الصورة كما كانت ...الوميض كان باللون الاحمر في تلك المرة ...وظلت الالوان مائلة للاحمر ولم تعد كما كانت .....

حاولت بكافة الطرق .... ولكن دون جدوى ...لا يوجد مشكلة في سوكت الشاشة ....وعدت على بعض اللحامات ومفيش فايدة برده .....

بعد ذلك دخلت على منيو الجهاز باستخدام الكود 8633.... وقمت يتقليل الـ Rb لظبط الالوان ...كان مظبوط على 80 طول عمره ,,,,,, وقمت بظبطه على 0 حتى عادت الالوان طبيعية !!!!!
مش عارف ايه المشكلة دي !!!!! اللي خلت اللون الاحمر يزيد في الجهاز بهذة الصورة حتى اضطررت اني اقلل اللون الاحمر من المنيو الى الزيرو لتعود الالوان كما كانت !!!!!!!!!!
مع العلم ان باقي الالوان شغالة .... يعني الجهاز مش قاطع اخضر ولا ازرق !!!!!!!!!

يا جماعة ....ارجو المساعدة باسرع وقت ممكن

بجد يا جماعة انا زعلان جدا من المنتدى ....

ليه مفيش حد بيساعد حد ؟!!! وفن الردود على المشاكل .......!!

يا جماعة ...الردود دي مش بس حتنفعني لوحدي ...دي حتنفع جميع الاعضاء اللي ممكن يقابلو نفس العطل في يوم من الايام...

انا لسة كنت بتصفح المنتدى من شوية ...وبتفرج على مشاكل الاعضاء ...

بنسبة 90% مفيش حل لاغلب المواضيع ..بعض الاعضاء بيرد مرة او مرتين ...وبعد كدة محدش بيكمل مع صاحب الموضوع لحد ما المشكلة تتحل !!!!

يا جماعة .. يا ريت تبقى مشاركتنا فعالة اكتر من كدة ...مش بس نشارك مرة من باب عمل الواجب وخلاص ....مفروض نكمل مع صاحب الموضوع للاخر لغاية لما يحل مشكلته..... كلامي صح ولا غلط يا جماعة

ارجو تفهم وجهة نظري ....وفي انتظار ردودكم الكريمة ان شاء الله

اخى العزيز اعتقد ان صوت التشريز هذا من انه احد الاطراف غير معزوله وقريبه من نقطه ارضى ولذلك تسمع صوت تشريز او يوجد تسريب بالضغط العالى تاكد من ذلك اخى ومعك للمتابعه

لا ... لا يوجد تسريب بالضغط العالي ......ومفيش اطاف غير معزولة .... انا اتأكدت من الموضوع ده

صوت التشريز عبارة عن تكة سريعة جدا في الشاشة .. مع لون احمر او اخضر او ازرق .....
واخر مرة عمل التكة دي ...اللون فضل زيادة احمر ومرجعشي زي مكان زي كل مرة ....وده اللي خلاني اخش جوة المنيو بتاعت السرفيس و اقلل اللون الاحمر الى الزيرو علشان الوان التلفزيون ترجع زي مكان ..... بس طبع مش معقول يبقى ظبط اللون الاحمر من جوة المنيو زيرو !!!

لأن لو عليت زيادة عن الزيرو الالوان بتبقى محمرة ...علما بأن ظبط اللون الأحمر قبل المشكلة دي كان على 80 .. وكانت الالوان كويسة ....
وده خلاني اشك في الشاشة نفسها يكون حصل فيها حاجة ...بس ممكن ده يكون عيب شاشة ؟؟ !!
مع العلم ان الشاشة جديدة جدا ...وهي 31 بوصة .. وهي شاشة تليفونكن .. ويكفي اني اقول ان ثمن هذه الشاشة هو 2500... يعني شاشة مواصفتها عالية جدا...

مش عارف ايه الحل ...ياريت يكون في ردود جديدة

اخى الفاضل الباسم حسن يوسف واستاذنا الله يزيدك من علمه كمان وكمان ومشكور على ردودك واخى العزيز صاحب الموضوع اتبع الخطوات التى قالها استاذنا الكبير الباسم حسن يوسف واقترح عليك ايضا ان تقوم بقياس الفولتات على كاثودات الالوان هل هى متساويه ام يوجد للاحمر اعلى من باقى الالوان ومعك للمتابعه

السلام عليكم
تحياتي لجميع الزملاء
عذرا هذا العطل صعب لعدم تحديد منطقه العمل فيه
هناك احتمال ارضي الشاشه غير مركب في مكانه الصحيح لان الشاسيهات الصينى
لها مكان مخصص لتركيب الارضى في بنز خاص علي كعب الشاشه وليس ارضى الجهاز
ارجوا مراجعه هذا ونتابع

اولا ..شكرا للأخ الباسم بخصوص التوضيح فيما يتعلق بردود الاخوة الاعضاء ...
المشكلة اتصلحت بالصدفة ...بس ارجو التفسير لأني متوقع حدوثها مرة اخرى

اللي حصل بالظبط اني كنت سوف اقوم بمراجعة الفولتات على سوكت زور الشاشة كما تفضل احد الاخوة الاعضاء بالاقتراح ...
حطيت ارضي الافو على جسم التيونر .....ومش فاكر كنت عامل الافو على بظر(جرس) ولا قياس فولت .... وقلت اقيس على طرف السلك الأحمر اللي طالع من اللاين وملحوم على بردة سوكت زور الشاشة (على رجل من رجول السوكت) ...
اول ما عملت كدة سمعت صوت زنة سريعة في الشاشة ....لفيت ابص على الشاشة ..لقيت الالوان رجعت زي ماكانت .... يعني الاحمر رجع قليل ... وده خلاني اخش على منيو السرفس واظبط الاحمر على 80 زي ماكان ...بعد ما كنت خليته صفر من كتر ما كان اللون الاحمر طاغي.....
انا مش فاهم تفسير للي حصل !!!! ..الموضوع حصل معايا بالصدفة
انتو طبعا عارفين ..اللاين طالع منه 3 اطراف ...سلك احمر تخين ..وده اللي بيروح لجسم الشاشة وبيغذي الجهد العالي .وده مش موضعنا دلوقتي..
وسلك ابيض رايح على سوكت الزور ..... وسلك احمر رايح برده على سوكت الزور ...على رجل 7 او 6 مش فاكر ....اللي انا بتكلم عليه دلوقتي هو السلك الاحمر اللي رايح على رجل من الرجول ده..وواصل عنده على بوردة الزور مكثف ازرق (2Kv1000) (تقريبا Volt arrestor ) ورقمه على الدايرة C939 .(مرفق مخطط الدايرة)...هو ده اللي كنت بقيس عنده ..وطرف الافو التاني على جسم التيونر
مش عارف ايه تفسير اللي حصل !!! ارجو التفسير من حضراتكم ....
عموما بعد اللي حصل ده عيدت على لحمات اللاين من تحت .... بس السلك الاحمر ده اللي بيغذي سوكت الزور ملهوش علاقة باطراف اللاين من تحت (ده طالع من جسم اللاين نفسه) ..بس انا عيدت على اللحامات وخلاص ...
عموما انا بجرب التلفزيون دلوقتي ...وحشوف اذا كان حيعمل التشريز ده تاني ولا لأ ..واذا كانت الالوان حتقلب محمرة او اي لون تاني أكتر ولا لأ ....بس اهم حاجة يكون في تفسير للي حصل علشان لو العيب حصل تاني نبقى نكون عرفنا مكان العيب وكمان يستفاد منه الاخرون ...
بالنسبة للأخ الباسم ...انا لم افكر بتاتا في عملية تنظيف للشاشه بواسطة جهاز تنظيف الكاثودات والفتيله ( جهاز الشحن والتنشيط) لسبب اني كما قلت لحضرتك ان الشاشة جديدة جدا ما شتغلتش 6 شهور على بعض...وغالية جدا جدا (من المانيا )وهي خاصة بتلفزيون تيليفونكن بس حصلت فيه مشكلة عويصة في الشاسيه بتاعه ..وده اللي خلاني الجأ للشاسيه الصيني حتى استفاد من الشاشة ... وعلى وفق معلوماتي المتواضعة ان اجراء تنشيط او تنظيف للكاثودات يؤدي الى التأثير على عمر الشاشة الافتراضي ..صح ولا انا غلطان ؟ ..بس طبعا حضرتك مشكور على محاولة افادتي ...واكيد انا مش حاجي حاجة جنب خبرة حضرتك خصوصا اني مش محترف اوي في موضوع تصليح التلفزيون ...على ادي يعني

بالنسبة للاخ khamis54
شكرا على اقتراح حضرتك ..بس برده لم الجأ للتفكير فيه لسبب بسيط ..ان التلفزيون كان شغال زي الفل لمدة 6 شهور ..يعني كان من المستحيل انه يبقى شغال طول الفترة دي وارضي الشاشة مش في مكانه ...بس طبعا متشكر جدا لحضرتك محاولة افادتي ...لأن اكيد كل واحد ممكن يكون بيفكر في حاجة تايهة عن بال صاحب المشكلة ..وممكن يكون هو الحل بكل بساطة ......عموما جاري التجربة حتى الان .... وفي انتظار الردود بأذن الله

http://www.4shared.com/file/84017499...GRAM_2020.html