السلام عليكم ورحمة الله وبركاته

أخوكم مبتدىء في كاسيتات السيارات الوجه (Face ) بصراحه أنا مش عارف بيطلق عليها ايه بالمسمى التجاري بالعربي ، وحاولت على جوجل أني أوصل لأي شيء يخص اعطال الانواع دي بس اصلا لازم اكتب المسمى الدارج صحيحا ليعطيني نتيجه
والمشكله ان كاسيت السياره من نوعيه صيني واسمها matsobishi والموديل زي ما ذكرت فوق MC7343 وطبعا لم أجد له اي أثر على النت ولا حتى صور

المشكله اللي في الكاسيت غريبه شويه وهي ان زراير الوجه بتعمل بصوره عشوائيه بمجرد ما يشتغل الكاسيت

يعني فجأه تجد الشاشه بتكتب انك بتعلي الصوت الى ان يقف عند النهايه وهي رقم 40 ويظل واقف عليها ( يعني كاني مازلت اقوم بتعلية الصوت ) وزر الباند لا يعمل اطلاقا والزر الوخيد الذي يعمل جيدا هو زر الساعه والذي يغير ما على الشاشه ويبدله بالساعه

بصراحه انا مش عارف دي مشكله ايه بالضبط

هو فيه اي سي بوجه الكاسيت الذي يتم فكه ومش عارف هل هو المشكله ام ان المشكله باحد الايسيهين الرئيسيين بالكاسيت نفسه

وخصوصا اني تتبعت مسارات مفتاح الفوليوم فوجدته مباشر على احد الايسيهين الرئيسيين

وجربت نزع زر الفوليوم ولكن نفس المشكله في عدم وجوده

وبصراحه انا مش عارف زر الفوليوم اللي بيلف على طول ده ازاي اقدر اتأكد من انه سليم أو تالف

معلش انا طولت عليكم وانا كمان بأتكلم بالعاميه عشان أوصل استفساري حرفيا

وجزاكم الله كل خير

السلام عليكم

هو أنا طلبت شيء صعب أوي على اساتذتنا المحترمين

يا اساتذه انا عارف انكم اكبر بكتير من طلبي الصغير ده

ياريت حد يعبرنا ويرد

وجزاكم الله كل خير

لا حياة لمن تنادي

واضح أني لوحدي خالص

جزاك الله كل خير يا باشمهندس ممدوح على الرد على استفساري بعد أن كان قد تملكني اليأس

ولكن للأسف الشديد فإني قمت بفك الفوليوم من البورده وتشغيل الجهاز وايضا وفي عدم وجود الفوليوم وجدت على الشاشه يظهر زياده سريعه في الصوت حتى يبلغ اقصاه وطبعا لا يستجيب اي زرار آخر

هل من الممكن أن يكون اي سي خاص بالتحكم بهذه اللوحه بما فيها من ازرار هو سبب العطل

مره أخرى جزاك الله كل خير على اهتمامك

سامر المليجي