أنا عندي سخان يونيفرسال 6 لتر مش بيتكتك خالص و انا مشغله على ادابتور و كان شغال كويس لمدة سنين. غيرت الادابتور لكن برضه مش بيتكتك. لما بفتح الميكرو سويتش بايدي برضه مش بيتكتك.
للعلم. لمبة البيان بتنور اخضر و كويل فتح الغاز بيلقط و بيفتح الغاز.
هل دي مشكلة في لوحة التحكم؟
مع جزيل الشكر

ما دام بتفتح ميكرو سويتش مش بيتكك
حاجة من الاتنين
لما الحجر عايز يتغير
لاما مجموعة الكترونية باظت

افادكم الله. تمام كده فعلا كانت المجموعة الالكترونية هي اللي بايظة و دوخت عليها ملاقيتهاش خالص و في الاخر جبت واحدة تانية و عدلت الفيش بتاعتها و فعلا اشتغل السخان بس بقى يشتغل لمدة ثواني و يفضل يتكتك و هو شغال و بعدين يطفي و يفضل يتكتك برضه.
هل ممكن يكون السولينويد بايظ؟ علشان كده مش بيفصل تكتكة؟
لكم جزيل الشكر

اول شئ فى غاز بيطلع لما يتكتك ؟
لان انت حضرتك قولت عملت تعديل
والى اعرفة مجموعة الى حضرتك جبتها بتكون فى سلكة فى موبينا الى بتدخل غاز بتقلب عشان يقدر يفتح

ايوه الكويل بيفتح و الغاز بيطلع و الشعلات بتولع بس لمدة ثواني و يرجع يطفي تاني و كل ده وهو بيتكتك

يبقى الحساس فية مشكلة لاما قاطع او قريب اوى من نار او حضرتك مركبتش كابل الارضى الى بيركب فى جسم سخان من عند مجموعة الغاز او حساس قاطع خالص

شكرا جزيلا لردود حضرتك السريعة.
الأرضي راكب كويس بالترملة بتاعته. و جربت ابدل كل اسلاك الكويل في الفيشة الجديدة.
اي حساس؟؟؟ بتاع الشعلة الصغيرة ولا بتاع الشرارة؟؟؟

على فكرة هو ده السخان اللي عندي