اخوانى الكرام اصحاب الخبرات

من خلال متابعتى لشرحكم عن الدوائر الالكترونية للمبتدئين الاحظ انكم تمرون مرور الكرام على جزء بعتبره اهم جزء فى فهم الالكترونات وهو المذبذب حتى انى الاحظ ان بعض الاخوة اصحاب الخبرات وليس المبتدئين فقط لايستطيعون التمييز بين عمل الترانزستور كمذبذب او كمكبر
فلماذا لاتهتمون بهذا الموضوع لانه اهم باب فى الدخول الى عالم الالكترونات وفهم الدوائر
وياريت يكون الشرح بالتفصيل حتى يستطيع اى مبتدئ مثلى ان يفهم
وجزاكم الله خير

تابع السلسلة التى اكتبها
http://www.qariya.com/vb/showthread.php?t=59960

بسم الله الرحمن الرحيم

أخي أحمد تظلمناش
وعاوزك تعرف أن كل من يشرح موضوع فهو يشرحه من خلال خبراته وإهتماماته
وشخص مميز مثلك من الطبيعي أن يبحث عن شيء يشبع طموحه
دعاك أخي ماجد لمتابعة موضوعاته وهو يهتم بجانب ما
ثم إني أدعوك لمشاهدة موضوعي هنا
http://www.qariya.com/vb/showpost.ph...&postcount=131
وأذكر من وضعوا الدائرة على شكل فلاش
وعلى ما أظن هنالك من اتخذوا الموضوع حسابات رياضية
والعديد العديد شرحوا مواضيعهم بطرق مختلفة
لو بحثت ستجد الكثير

تابع السلسلة التى اكتبها

شكرا لمرورك اخى الكريم ماجد
بس السلسلة بتاعك مش عارف بحس ان اللى بيشرح عالم فى الالكترونيات
بصراحة وانا بقرا لك بحس ان بيننا هوة كبيرة جدا ياراجل انت بتشرح كان امامك خبراء
والشئ العجيب عندك قدرتك على الاهتمام بالناس وصبرك عليهم
ربنا يديك الصحة ويجعله فى ميزان حسناتك
وياريت تبسط شرحك شوية

بسم الله الرحمن الرحيم

شكرا اخى اسامة على اهتمامك
شفت شرحك للملتى فيبريتور
وكان جميل خصوصا حتة شرح عملية شحن المكثف والجهود بتكون عليه ازاى
بس طبعا ده جزء اعتقد من عشر اجزاء او اكتر اامذبذبات المشهورة واعتقد اسهلهم لان فكرة الشحن والتفريغ للمكثف وتاثيرها على انحياز القاعدة سهلة الفهم
المشكلة لما تيجى دايرة متعرفش منين ابتدى الاهتزاز او التذبذب زى النوعية الاولى التى اسمها المذبذبات مذبذبات خطية وكنت قريت انا شوية صغيرين وكتبت عليهم من غير ماعرف طريقة عملهم وهم

حيث oscillator بينقسم الى نوعين linear oscillator , relaxation oscillator linear oscillator: ومعناه مذبذب خطى او هاومونيك نفس المعنى وعشان نعرف معنى خطى من تعريف الدائرة الخطية حيث تعرف على انها دائرة الكترونية التى عندما يكون جهد دخلها على شكل منحنى جيبى عند تردد معين تجد ان تيار وجهد الخرج ايضا على شكل منحنى جيبى وكمان من تعريف الدائرة الخطية هى التى مكوناتها لاتتغير بتغير التيار او الجهد يعنى مقاومتها ووممانعتها ومعاوقتها وكسبها لايتغير بتغير الجهد او التيار والتكوين الاساسى للمذبذب الخطى بيكون عبارة عن مكبر الكترونى الخرج له متصل بفلتر الكترونى والخرج للفلتر متصل بالدخل عن طريق فرع تغذية عكسية ومبدا عمل هذا النوع من المذبذبا يعتمد على ان بداية تشغيله واهتزازه تعتمد على بيكون هناك كمية صغيرة من التشويش مع الدخل ( noise) (معنى تشويش يعنى تعرجات صغيرة مع التيار المستمر وكان التيار المستمر غير كامل التقويم او حدث اى شئ فى الدائرة انتج هذا التشويش) هذا التشويش يصل الى الخرج مكبر فيدخل الى فرع التغذية العكسية فيحدث له فلتره يعنى ينقى من التيار المستمر ثم يذهب الى القاعدة حيث يدخل الترانزستور ويكبر من جديد وهكذا وهناك انواع كثيرة من المذبذب الخطى حيث تصنف تلك اللانواع على حسب نوع التكبير ونوع الفلترة (التصفية) وامثلة على انواعها : ,colpitts oscillator, delay line oscillator ,phase- shift oscillator ,amstrong oscillator , hartely oscillator وغيرهم اما النوع الثانى وهو : relaxation oscillator فهو ينتح موجة غير جيبية مثل الموجات المربعة وسن المنشار ويحتوى هذا النوع من المذبذبات على عناصر غير خطية مثل الترانزستور الذى يحوى عناصر مثل المكثف والملف التى تعمل بمنوال الشحن والتفريغ للجهد والتيار مما يؤثر على اشارة الخرج وتحدث بها تغيير مفاجئ وتفقدها الخطية او التماثل ويستخدم هذا النوع من المذبذبات فى العدادات والمؤقتتات والاسلوسكوب والتليفزيون ومن انواع هذه المذبذبات: multivibrator . ring oscillator , delay line oscillator ,rotray traveling oscillator يعنى ملخص القول ان الملتى فيبراتور نوع من ضمن انواع المذبذبات ينتج موجة مربعة او سن المنشار ولايستخدم استخدامات عامة مثل باقى المذبذبات يعنى محدود والاهم من ذلك انه بيعتمد فى تذبذبه على نظرية الشحن والتفريغ للمكثف الذى يوقف ويعيد تشغيل الترانزستور بالتاثير على انحياز القاعدة بينما النوع الخطى لايعتمد على نظرية الشحن والتفريغ وانما على التشغيل الذاتى او التذبذب الذاتى بتكبير noise

فياريت لو فيه موضوع عنهم فى المنتدى تنزله واكون ممنون لك
وجزاك الله خير انت واخونا المجتهد ماجد

مادام شرحى بالعربى غير مفهوم و الشرح فى المواقع الإنجليزى مفهوم قدم الشرح اللى تشوفه مناسب

السلام عليكم
صاحب اي موضوع يحاول بشتى الطرق الاحاطة بكل جوانبه.. لكن انتظارات المتطلعين له قد تكون متعددة ومتباينة. لذلك افضل طريقة هي ان نقرأ الموضوع ونقف عند كل فقرة تبدو لنا غير واضحة ونسال عنها ونبحث فيها .. تماما كما فعلت يا أستاذ أحمد مع موضوع الترانزيستورات ..وبذلك تحولت في وقت وجيز من مبتدئ الى خبير ..
وهذا فضل من الله .. وجازى الله خيرا كل من تعلم وعلم .

اقتباس المشاركة الأصلية كتبت بواسطة ماجد عباس محمد مادام شرحى بالعربى غير مفهوم و الشرح فى المواقع الإنجليزى مفهوم قدم الشرح اللى تشوفه مناسب

مش حكاية مش مفهوم ..لكن بحس انه دسم زى الاكلة الدسمة اللى محتاجة وقت عشان تنهضم ..حتى ان حضرتك بتطرق لحاجات مش بنلقاها فى شروحات تانية مثلا زى حكاية مقاومة الموحد 0.25 والمقاومة 0.032 للوصلة الترانزستور قاعدة مشع
قصدى ان اسلوبك يفهمه بسرعة ناس فى مستوى معين متقدم عن المبتدئين
وبلاحظ انكم بتختصروا كتير عشان توصلوا لدوائر الارسال والاستقبال
وماتنساش ان حضرتك استاذى واتعلمت كتير على ايدك ..بس فى نقطة مهمة كنتم زعلتم منها وهى المناقشة اثناء الشرح افيد الف مرة من انى اقرا السلسلة كلها بدون مناقشة لان المفروض ان حضرتك بتحاضر فى كلية مثلا وانا قاعد فى المدرج اناقشك فى نقطة مافهمتها لان هيترتب على عدم فهمى ان الباقى مش هفهمه
عشان كده اقترحت على الاخ اسامة النقاش اثناء المحاضرة وليس فى موضوع جانبى كما فعل لان النقاش بيعطى روح للمادة العلمية ومش مهم التعطيل لان مش المفروض اننا هنا بنزل كتب وبس ولكن احنا هنا عشان نتناقش ونفهم حتى لو فضلنا نتناقش فى نقطة واحدة اسبوع هنطلع بنتيجة هيستفاد منها القارئ

السلام عليكم صاحب اي موضوع يحاول بشتى الطرق الاحاطة بكل جوانبه.. لكن انتظارات المتطلعين له قد تكون متعددة ومتباينة. لذلك افضل طريقة هي ان نقرأ الموضوع ونقف عند كل فقرة تبدو لنا غير واضحة ونسال عنها ونبحث فيها .. تماما كما فعلت يا أستاذ أحمد مع موضوع الترانزيستورات ..وبذلك تحولت في وقت وجيز من مبتدئ الى خبير .. وهذا فضل من الله .. وجازى الله خيرا كل من تعلم وعلم .

صحيح ..ولكن لو تفتحوا باب للحوار ومناقشة المحاضر يكون احسن

ونقف عند كل فقرة تبدو لنا غير واضحة ونسال عنها ونبحث فيها

فيه اساتذة بالها مش طويل وبتزهق بسرعة وانا عاذرهم

تماما كما فعلت يا أستاذ أحمد مع موضوع الترانزيستورات ..وبذلك تحولت في وقت وجيز من مبتدئ الى خبير ..

حضرتك فاكر لما دخلت هنا وكتبت اول موضوع ليا عدة اسالة محيرانى
عشان تقدر تحكم اد ايه المناقشة مفيدة وجميلة حتى لو كانت الاسئلة غبية فى بعض الاحيان..فعلا اول مادخلت هنا كنت ماحى خالص والله ماكنت اعرف الترانزستور ده بيشتغل ازاى ولذلك حاولت افهم من الاساتذة هنا والحمد لله احسن بكتير من الاول ولكن لسه فى البداية لان كلمة خبير دى صعبة اوى
الذى يشغلنى الان هو المذبذب ونفس احساسى بمعرفتى عن الترانزستور الاول هى دلوقتى موجوده مع المذبذب عاوز مجهود جامد وان شاء الله ساحاول افهمه من خلال المناقشة مع الاخوة هنا

شكرا لاهتمامكم بالمبتدئين وربنا يزيدكم علما

بالنسبة للمناقشات داخل الموضوع لا بأس بها ولكن بحدود لا تخرج الموضوع عن مساره
فالموضوع المذكور
كان أحد الأطراف أقرب للصحيح من الثاني وأنا الثالث كان لرأي آخر
تخيل ذلك في موضوع متسلسل صدقني سيشك القارئ في المحتوى