طلب .اريد ان اعمل حضانةل لكتاكيت بدرجة حرارة نظبطها بالترموستات ووضع مراوح

فلتكون طولها 2.5 متر عرض فى 4 طول
ارجو الرد لانى اريد ضرورى جدا ان اعملها ولكم جزيل الشكر

جيث ان تغير درجة الحرارة فى الجو قد أثر عليا وموت لى كتاكيت كتير
ارجو من لديه الخبرة ان يوضح ليا اين اعمل فتحات تهوية واين اضع مراوح وكل شئ
ولكم جزيل الشكر وبارك الله فيكم جميعا ان شاءالله

ارجو الرد لا احد يعلم
اظن الذى يقدر على عمل فقاسة يدر على عمل حضانة للكتاكيت

مشكلتى كلها نا مات من عندى كتاكيت كتير بس تغير المفاجئ فى درحة الحرارة
ارجو من لديه الخبرة ان يعطينى مقاسات بس تكون كبيرة
ويقولى مكان فتحات التهوية والترموستات والمراوح
اعتقد ان فكرة الحضانة نفس فكرة الفاسة ولكن من غير تقليب ارجو الرد من فضلكم

انت نفذ القياسات الى قلت عليها و هتحتاج لمبتين 100 وات تقريبا
بس المراوح فى الفقاسات محطوطة لتقليب الهواء انما فى حالتك هتكون لازقة فى الجدار لشفط الهواء و دفعه خارج الحضانة و اكيد فتحة النهوية هتكون خلف المروحة ممكن فى حالتك تستخدم شفاط مطابخ و يكون الفتحة على قد الشفاط مش فتحة صغيرة عشان لو العدد كبير مش هتكفيهم فتحات تهوية
نفذ الجسم فى الاول و بعدين نحدد الشفاط و المصابيح بالظبط

شكرا على الرد
يا استاذ احمد
ولكن لست افهم
هواء جوة الحضانة هيجى منين اساسا
لما هيكون هى لشفط هوا طب ايه اللى هيدخل خوا وانت بتقولى مفيش فتحات تهوية ولا اى حاجة

هتستخدم شفاط على جدار الحضانة
يعنى هتجيب شفاط و تحطه على الجدار و تعلم مقاسه و تخرمها عشان الشفاط يشفط الهواء من الداخل للخارج او العكس

اخى بالنسبه للمقاسات الافضل تجعلها 4 متر عرض والارتفاع 2 متر
وتكون على شكل ارفف بين الرف والرف 50 سم ( نص متر )
وبالنسبه للتدفئه ممكن تستغنى عن الترموستات والمراوح وتكتفى بمصابيح للتدفئه وهناك طريقه ممتازه يتبعها كثير من المربيين لمعرفه درجة الحراره المفضله عند الكتكوت وايضا لضبط درجة الحراره وهى كالاتى

1:إذا انتشرت الكتاكيت فى الحضانه انتشارا طبيعيا اى فى جميع مناطق الرف فان الحرارة تكون مضبوطه ( بمعنى اصح متفرقين وبيتحركو فى كل منطقه )

2:إذا تجمعت الكتاكيت أسفل المصابيح او بجوار المصابيح ( بمعنى اصح كل مجموعه متجمعه او متكومه جنب مصباح اضاءه ) فأنها تكون بحاجة إلى زيادة الحرارة

3:إذا ابتعدت الكتاكيت عن مصدر الحرارة فان الحرارة تكون مرتفعة

وعليك فى الحالتين الاخيرتين اما زياده المصابيح فى حالة انخفاض درجة الحراره واحده او اتنين حسب احتياجك
او انقاص المصابيح فى حالة زيادة درجة الحراره
ــــــــــــــــــــــــــــــــــــــــــــــــــ ـــــــــــــ
اما اذا كنت مصمم على الترموستات والمراوح فتصميمها كتصميم الفقاسه
اعمل حامل للمصابيح والمراوح وامام كل مروحه مصباح ومن امامهم حساس الترموستات واعمل فتحات تهويه من الامام والخلف لكل رف واجعل فتحات التهويه منتشره وليست مجتمعه فى مكان واحد ولا تقم باغلاق فتحات التهويه
وبالنسبه لتظبيط الترموستات قوم بوضع ترمومتر فى الرف الوسط واظبط الترموستات على درجة 32 مئويه فى الترمومتر ولاحظ انتشار الكتاكيت فى جميع ارفف الحضانه اذا كانو منتشرين انتشار طبيعى كما قلت سابقا فتوكل على الله وثبت الترموستات على كدا مع المتابعه ايضا اما اذا كانو متجمعين عند المصابيح قوم بتزويد الترموستات درجه فى درجه الى ان تتفرق الكتاكيت وتنتشر
ولو كانت الكتاكيت تبتعد عن المصابيح فخفض الترموستات درجه فى درجه الى ان تنتشر الكتاكيت وثبت على كدا
ارجو انى اكون وضحت الفكره
وبالنسبه لتغيير الهواء داخل الحضانه لا تحتاج شفاط كل ما عليك ان تقوم بفتح باب الحضانه كل فتره وخلاص
وايضا لا تحتاج لاناء ماء للرطوبه كما الفقاسه لان الكتاكيت لا تحتاج رطوبه كالبيض واذا احتاجت فسقايات الماء للكتاكيت داخل الحضانه ستقوم بالمهمه

السلام عليكم
اخي الكريم اولا والمهم لم تقل لنا كم هي حرارة الغرفة التي تضع بها الصيصان
ثانيا كما قال صديقنا المهندس dak عن طريقته فهي فعالة وعندنا بلبنان يستعملونها وحتى في القرى الباردة ايضا
عندنا يصنعون قفص عادي تكون اضلاعه من الخشب وتكون جدرانه من الشبك وليس ضروري ان يكون مغلق كليا بالخشب ويكون حجمه حسب احتياجك له . ويضعون على سقفه عدة لمبات بقوة 100 وات موزعة على كافة سطح القفص وتكون موصولة على ثرموستات لضبط الحرارة

اول ايام الحضن تضبط الحرارة على درجة 31 وبعد كل اسبوع تخفض الحرارة درجتين

طبعا انت ستضع الصيصان وتراقب كما قال الاستاذ dak قبلي فاذا رايتهم يتجمعون تحت الضوء فعندها عليك بزيادة عدد المصابيح واذا وجدتهم يهربون من المصباح فعندها عليك تخفيف قوة المصباح او تقليل عددهم واذا وجدتهم لا يتجمعون بل يسيرون بشكل عادي فعندها يكون كله تمام .
طبعا بعد التجربة ومع الوقت سوف تكسب الخبرة والمعرفة

اما المسافة بين المصابيح فهو مصباحين 100 وات لكل متر مربع

اتكلم عن مزرعة صغيرة لاشخاص مبتدئيين فيها حوالي الفين طير سمان او اقل بقليل )