شاشة Benq17 LCD بتعمل ريستارت باوور لنفسها باستمرار

amr_eldawody · 28-10-2009, 02:02 PM

السلام عليكم ورحمة الله وبركاته

الاخوة الافاضل
عندى مشكلة فى الشاشة ومش عارف اعمل فيها ايه

عندى شاشة LCD نوعها Benq 17 اللى حصل إنها بتفصل باوور وترجع تانى لوحدها (بتعمل ريستارت لنفسها )باستمرار كل ثانيتين تقريبا وساعات المدة بتطول يعنى ممكن على دقيقتين وممكن كل 10 دقائق وساعات بتتظبط وتشتغل كويس لمدة كذا يوم وترجع تانى الموضوع ده حصل من حوالى شهرين وبعدين بقت كويسة لفترة كبيرة بس لوحدها برضه .
فى الوقت الحالى بتعمل ريستارت تقريبا كل ثانية باستمرار
مافيش اى تغير فى الالوان مافيش مشاكل فى أى حاجة غير أنها بتفصل باوور وترجع تانى
طبعا انا جربت كذا كابل باوور وغيرت مكان مصدر التيار لأتأكد أن المشكلة من الشاشة نفسها
مافيش مشكلة الحمد لله فى الجزء بتاع الداتا.

نرجو منكم المساعدة وفقكم الله

mshal · 28-10-2009, 05:31 PM

تففد مكثفات البور او اي فصل فى اللحامات مشكلتك حسب كلامك فى البور

الباسم.حسن يوسف · 29-10-2009, 01:55 AM

بسم الله الرحمن الرحيم

أخى

من شرحك للمشكله لن تتعدى لحامات غير جيده ولكن تحتاج الى

عدسه جيده ومراجعه للحامات بتركيز وتأنى وبعد ذلك التنظيف ببخاخ سائل جاف وتجربة الشاشه وبأذن الله تنتهى المشكله والله الموفق، هذا الرد كان لى ويخص عيب مماثل وكانت الشاشه LG والحمد لله أنتهت المشكله
__________________

amr_eldawody · 29-10-2009, 11:21 AM

جزاكم الله كل خير أخوانى الأعزاء
انا هحاول أجرب كده وأرد
لأن عمرى مافتحت شاشة LCD من قبل
يارب تكون المشكلة بسيطة

amr_eldawody · 18-11-2009, 04:33 PM

الشاشة اتصلحت لوحدها مرة تانية من غير ما أفتحها حتى..
يارب ماعادت تعطل.
نفسى الاقى تفسير للى بيحصل

مهندس عمر · 18-11-2009, 09:50 PM

اقتباس المشاركة الأصلية كتبت بواسطة الباسم.حسن يوسف

بسم الله الرحمن الرحيم

أخى

من شرحك للمشكله لن تتعدى لحامات غير جيده ولكن تحتاج الى

عدسه جيده ومراجعه للحامات بتركيز وتأنى وبعد ذلك التنظيف ببخاخ سائل جاف وتجربة الشاشه وبأذن الله تنتهى المشكله والله الموفق، هذا الرد كان لى ويخص عيب مماثل وكانت الشاشه LG والحمد لله أنتهت المشكله
__________________

اقتباس المشاركة الأصلية كتبت بواسطة amr_eldawody

الشاشة اتصلحت لوحدها مرة تانية من غير ما أفتحها حتى..
يارب ماعادت تعطل.
نفسى الاقى تفسير للى بيحصل

فية بعد دة حل مشكور مشرفنا الغالى

amr_eldawody · 08:40 AM

الأخوة الأفاضل

عادت المشكلة من جديد
الشاشة تتصلح شهر أو إتنين وبعد كده المشكلة ترجع تاني
وأثناء رجوع المشكلة حدث شئ غريب حيث قمت بفصل كابل الباوور نهائيا عن الشاشة فوجدتها قد أضاءت كما لو كانت متصلة بالكهرباء لمدة ثانية وفصلت تاني

أنا بخمن ممكن تكون المشكلة مشكلة مكثف لأن اللى حصل ده كأن فيه شحنة كهرباء كانت موجودة داخل الشاشة واتفرغت فاشتغلت لمدة ثانية وهي مفصولة وبعدين فصلت تاني

أرجو منكم الإفادة ولو كانت مشكلة مكثف رقمه ايه ومكانه فين وتتصلح إزاي؟؟
على فكرة موديل الشاشة BenQ FP72E

amr_eldawody · 06-12-2010, 12:01 PM

الاخوة الأفاضل

أرجو المساعدة