كشاف شحن بلمبتين نيون ماركة مونديال بعد شحنه يوم كامل وعند انقطاع الكهرباء يضئ المبتين لمدة خمسة دقائق ثم تنطفئ فقمت بقياس البطارية اعطيت 6.7فولت بالافوميتر فهل هناك مشكلة في دائرة ومرفق رسالتي بصورة من الدائرة المستخدمة في الكشاف وهناك مكونين لم اعرف ما هما وعلمت عليهم باللون الاخضر للتمييز

المكونات الى انت معلم عليهم دول ملفات ونادرا انهم بيعطلو والعطل الى عندك دا عيب بطاريه بس غيرها ودا رقمى لو احتجت حاجه استشاره فى الصيانه 01288838878 ومكن تضفنى من خلل الرقم عندك على الفس بوك

شكرا علي سرعة الرد.. ولكن عند قياس البطارية وهي بتتشحن علي الكهرباء بتعطي 7 فولت ولما اقوم بفصل الكهرباء وتشغيل الكشاف واشغلها علي لمبتين اجد ان الوقت التي تستغرقه حوالي خمس دقائق ويطفي وبعد ما يطفي اقوم بقياس البطارية بالافو يعطيني 6.25 فولت... فهل يوجد سبب اخر في تلف المقاومات هي المسبب في سرعة انطفاء اللمبتين حيث عند غلق الكشاف من مفاتيحه وقياس مقاومات الموجودين في الدائرة فوجد احدي المقاومات من خلال الرسم بتاعها بيعطي 100kM اما عند قياس تعطي 23KM

[IMG][/IMG]وبعد خلع البطارية من مكانها وفصل الكهرباء وعند القياس المقاومات سجلتها في جدول كما هو ظاهر في الصورة ومعلم عليها باللون الاصفر لاختلاف الكبير بين ما هو ظاهر في الالوان المقاومة وبين ما تم قياسه بالافوميتر

استاذ /remonso2010

تحية طيبة

1- العيب عندك بطارية فعلا

واالمهندس/ وائل احمد قال لك كده انت ليه مش مصدق

2- قيمة المقاومة تقاس وهى غير موصلة بالدائرة - يعنى ترفع طرف من

طرفيها وبعدين تقيس بالأفوميتر غير كده القياس هايكون قياس للمقومة +

مكونات أخرى موصلة معها فى البوردة

لازم تفرق بين إن يكون عندى 6فولت وزيادة فى البطارية وماتقضيش شغل

اللمبتين خمس دقائق - وبين إن بطارية تانية سليمة هايكون فيها نفس

الفولت مع اختلاف بسيط بس ممكن تشغل اللمبتين حوالى نصف ساعة مثلا

وللتوضيح أكثر : الفرق بين بطارية ريموت كونترول السيارة ( 12 ) فولت

وبطارية السيارة نفسها ( 12 فولت أيضا ) إن يطارية الريموت تستطيع إمداد 12

فوت بتيار أقصى شدة له حوالى600 مللى أمبير مثلا

- أما بطارية السيارة تستطيع إمداد 12 فولت ولكن بتيار شدته عالية جدا ( بضع

عشرات الأمبير



3- انا شايف إنك بتجرب كتير وبتعرف تعمل جداول ودا جميل جدا عشان

المقارنة وعشان وانت بتشتغل تبقى كل حاجة مكتوبة وماتنساش حاجة

بس برده ماتعتمدش على المعلومات اللى انت مدونها فقط لازم تدرب نفسك

إنك تكون فاكر كل تفاصيل أى جهاز تكون اشتغلت فيه وشوية شوية ها تلافى

نفسك عندك قاعدة معلومات وتلاقى نفسك بفكر فى العطل اللى قدامك

بطريقة صحيحة


4- إذا كنت عايز تعرف إزاى تقيس العناصر الإليكنرونية و بطريقة سليمة توجد

مواضيع فى هذا المنتدى الرائع يلبى كل المستويات

مثلا راجع مقلات المهندس / ماجد عباس محمد

هايبدأ لك من أول يعنى إيه مقومة ومكثف ودايود .............................. حتى

مستوى تصميم الدوائر

وهناك مقالات كثيرة تعليمية فى القرية بأيدى مهندسين أفاضل لايتأخرون عن

تقديم أى معلومة




ربنا يوفقك وينولك ماتتمنى