انا عندي مكيف اسبليت واحد ونض حصان

عشان الكهربا ؤبشغله عشر دقايق واطفيه نص ساعة

هل دا يسبب مشكله للتنكييف وهل كده ابقى بوفر في الكهربا

لاني اعرف ان التكييف بيسحب كمية كبيرة من الكهربا عند بداية تشغيله

بصراحة من ساعة ما الفواتير غليت وبقت نااااار وانا مرعوب تيجي الفاتور عالية

مش لازم تتطفيه وتشغله لكن ممكن تتحكم فى درجة الحرارة يعنى مثلا بدل ما تضبطه على 20 اضبطه على 25 وبكده هايشتغل وقت أقل .
بس عايز اقولك ان فترة عمل الجهاز ايضا مرتبطة بدرجة حرارة الغرفة (الاحمال الحرارية داخل الغرفة) يعنى لما تكون فى الطابق الاخير من المبنى غير لما تكون فى الطابق الاول وغير ذلك اذا كان بالغرفة وجهة زجاجية او ان المبنى وجهه قبلى غير بحرى او عدد الاشخاص الموجودين بالغرفة او معدل فتح وقفل ابواب الغرفة .
كل هذه اسباب تؤدى الى التحكم بفترة تشغيل الجهاز .