طبعا لما نيجي نحول شاشة لتلفزيون في غالب الامر اننا نستعين بعلبة الشاشة ولا نشتري العلبة المخصصة لذلك لان تمنها 120لل17بوصة مع صعوبة توافر ال19وال21فما بالك بال28

والواحد بيستخسر يجب اليوك الفيليبس ابو 50جنيه ويعدل اليوك اللي معاه يقوم يشتري علبة ب120جنيه

لذا نلجا لحلول لا ترضينا وبرضه لا ترضي العميل زي انا احنا نكسر اماكن ولاحتي نسيحها بكاوية بايظة خشب علشان نعرف نتطلع مكان للاوديو فيديو وبرضه علشان الريموت واي اوبشن تاني في الشاسيه

ولكن الشكل النهائي مهما حاولت تعدل وتنضف البادي بيكون غير مرضي وبيحسس الزبون اللي اشتري انه فعلا زبون درجة تانية وانه اكرم له يشتري الجهاز الاصلي

فهل بشمهندسينا الاعزاء لديهم حلول اكتر عملية في احداث الفتحات بجسم الشاشة بشكل راقي دونما تشوهات ام ان التشوهات دي امر لابد منه

فين البشمهندسين من الموضوع ده

والموضوع محتاج محترف التحويل الكبير البشمهندس

محمد فتحي ...فلنرحب به وباعضائنا الكرام من زوار الموضوع

• السلام عليكم
• حبيبى الغالى محمد على
• كنت فعلا حعمل موضوع يخص كلامك
• ولاكن مش ححرقه وعلشان خطرك حقولك الخلاصه مبدئيا
• عند عمل الفتحات الخاصه بالسونسر وووووووو
• تعمل بروفه فى أوسع مكان ناحية سوكت السونسر لكى يكون كبله طويل
• وتنقل السوكت الموضوع على الشريحه بتاعة السونسر إلى أعلى لعدم الإعاقه سيتبقى السونسر والليد فى واجهة شريحة السونسر وطبعا قولت تعمل بروفه وتعلم بالكاويه أولا على مكان السونسر ولابد من كاويه لها سن مدبب ليس منحنى ثم بعد ذالك
• تقوم بغرسه على العلامه إلى أن يظهر فقط فى واجهة الشاشه ثم تقوم بإحضار مقص وتدخل
• شفره واحده من المقص وتقوم بلفه إلى أن تصنع فتحه مستديره على
• حجم السونسر
• هذه الطريقه هى التى أستخدمها ويكون الشكل أجمل من الطبيعى
• ولايؤزى رؤية العميل والبالشكل ده تقوم بتنفيذ باقى الفتحات بدون تشويه
• مع أرق تحياتى

اضاف لكلام المهندس محمد فتحى ممكن بالنسبة لفتحات av لوعندك شنيور وبنطة 8 او 10 وتجيب مبرد خشابى يكون بدون يد خشبية فلة يد مربعة ومسلوبة من الخلف تدخل فى فتحة البنطة وتبدأ فى لف المبرد وتقيس على جاكات av يعمل فتحة مضبوطة جدا

بسم الله والصلاه والسلام على رسول الله
أخى الفاضل :-
مابيحصل مشاكل وبيكون الشكل عادى كما هو
تركيب السنسور من الأمام كما قال أخينا
بعمل ثقبين بسن الكاويه وتوسيعهم قليلا بمبرد ديل الفار
ولزقهم بمسدس الشمع وكذلك جاكات a/v من الخلف
ضع الجاكات على الظهر من الخلف وعلم بسن الكاويه
ثم المبرد أو البنز أبو بوز طويل رفيع للتوسيع
وكذلك السماعات واحده أو2 فى سقف الظهر بمسمارين بصاموله
والمفاتيح لوعايز تشغاها بالجانب ضع اللوحه من الخارج وعلم
بسن الكاويه ثم توسيع قليلا ولصق بالشمع من الداخل
ولو البرسات قصيره ممكن تركب برسات أطول قليلا
وثقوب البرسات شريط استيكر من المكتبه جميع الأشكال
25قرش تلزقه على البرسات من خارج العلبه لجمال الشكل
بصراحه هو أول شاشه كان شكلها الثقوب واسعه شويه
ودائما بأحاول اركب الشاسيهعلى القاعد المعدنيه لشاسيه الشاشه
لإحكام التثبيت وحتى يبقى سهل فى الصيانه وبقدر الإمكان للخارج
حتى يخرج زور التيونر من الظهر بوضع نقطه بويه على الزور
وإحكام الظهر للقفل فتعلم البويه على مكان زور التيونر فى ظهر العلبه
ثقب يسن الكاويه ثم اللتوسيع بالبنز أبوبوزطويل والشاسيه مثبت بمسامير
على الإطار الأساسى للشاشه حتى لايتحرك عند وضع سلك الإريال
ودائما بأحاول تشغيل مفتاح الباور الأساسى للشاشه شغل دماغك
لو على البرده نقصه بسلاح المنشار الرفيع ولزقه بالشمع لو لم نتمكن
مفتاح باور الشاسيه نلزفه بالشمع أمام الضاغط ووضع شىء تحته ليتوازى

جميل اوي يا بشمهندسين
خلاصة الموضوع اننا نستعمل كاوية بسن مدبب ونشيل الاطراف والخوارج باحد فرد المقص ....بشمهندس محمد فتحي

او شنيور كما قال المهندس سينو او منشار اركت يا تري هل فهمت قصد معاليك وده بس علشان فيه شوية كلام مش فاهموا
زي البنطة فانا لا اعرف معني المصطلح
مبرد خشبي ...هل تقصد الفارة التي يستعملها النجارون لمساوزة الخشب وازالة تشوهاته

واقد ذكر البشمهندس مصطفي البحري نفس طريقة البشمهندس سينو مع اضافة موفقة وهي تثبيت كل ده بمسدس شمع وتثبيت الشاسيه من تحت او رفعه بحيث المداخل ما توهش

شكرا لكم اعزائي علي التفاعل مع الموضوع

مع تحياتي