 |
|
|
|
|||||
|
تحكم فى جهازك من اى مكان فى العالم
حبايبى الاعزاء اعضاء المنتدى بعد التحيه والسلامات نخش فى الموضوع لنفترض ان انت شغال فى مكتب ووقت الشغل انتهى وانت عايز تروح بس انت لسه مخلصتش شغلك على جهاز الكمبيوتر اللى فى المكتب ,, الحل انك تعقد نفسك وتقعد فى المكتب لغاية لما تخلص ؟ ولنفترض انك بتعمل على النت فى جهازك اللى فى البيت وعايز تنزل مع اصحابك تهيصو فى سيبر او تتفسحو .. بس عايز تتابع الافشخنات اللى انت بتعملها على جهازك ؟؟؟؟؟؟ كتير منكم هيقول ايه الحل ؟ القولكم انا الحل بسيط وسهل جداً : هو انك تتحكم فى جهازك من على النت من اى مكان ,, كل اللى انت محتاجه جهاز عليه نت ومتصفح عادى جداً نخش فى الشرح امشى معايه وحده وحده علشان تترجم الحوار فى دماغك اولاً ادخل على الموقع علشان تشترك هنــــــــــــا اول حاجه هتعملها انك تحدف بعينك يمين الصحه وتدوس على الكلمه ديه  طبعا بعد لما تدخل فيها هدور على الاشتراك ابو بلاش هههههههههه  الصوره اللى جيه ديه مش محتاجه شرح طبعاً  بس هشرحها المربع الاول كتب ايميلك بس يكون ايميل صحيح علشان لو اتبعتلك رسالة تنشيط والمربع التانى التأكيد على الأيميل والمربع التالت الباسورد والمربع الرابع التأكبد على كلمة المرور المهم انك الحمدلله عملت الاشتراك سواء جتلك رسالة تنشيط او اشتغل على طول تعالى نعرف مع بعض ازاى ممكن تضيف جهاز فى حسابك علشان تشتغل عليه من اى حته فى العالم  بعد لما تدوس على add computer هتلاقى صفحه بالشكل ده هتكون بتحمل او ممكن يجبلك مربع فيه كلمة run مش هتفرق علشان احنا هنفض للصفحه ديه  هتدوس على click here اللى فى الصوره علشان تنزل البرنامج على الجهاز اضمنلك  فى الصفحه اللى هتجيلك دوس على كلمة download now اللى مرسومه بالاخضر ( معلش انا ممل شويه فى الشرح , اسحملونى) بس خلى بالك متقفلش الصفحه لاننا هنحتاجها  طبعاً مش هقولك تعمل ايه  ثانياً تسطيب البرنامج هايف ومش محتاج شرح واللى مش عارف ممكن يمشى ورا الصور اللى جايه         فيه بقى اوبشن بسيط شويه بعد لما تخلص تسطيب الاوبشن ده بتاع كلمه السر اللى بتعها للجهاز هتعرف بعد كده بنستخدمها فى ايه بس المفروض تحطها امشى ورا الصور   بعد لما انتهينا من التسطيب انا كنت قولتلك متقفلش الصفحه اللى انت عملت منها دونلود علشان هنحتجها ,, دلوقتى هنستخدمها امشى ورا الصور وسيبك من الاكل وخليك معايا  طبعاً اكيد فهمت معنى الصوره اللى فاتت المهم بعد كده بتلاقى الصفحه حولتك على صفحه فيها اسم الجهاز اللى انت ضيفته على حسابك فى الموقع زى منتا شايف فى الصوره ديه طبعاً 
التعديل الأخير تم بواسطة : hariedy بتاريخ 21-10-2007 الساعة 06:38 AM |
|
|||||
|
هتيجى تقولى انا مش مقتنع بكلامك وعايز اجرب رد عليك واقولك جرب فى جهازك اللى انت شغال عليه دلوقتى كل اللى عليك تعلمه انك تدوس على اسم الجهاز اللى انت ضايفه عندك واستنه شويه لغاية لما تظهرلك الصفحه ديه  وبعد شويه هتلاقى الصفحه اتغيرت واصبحت على الشكل التالى  هتيجى تقولى اجيب الباسورد منين هقولك الباسورد اللى انتا حاطيته فى البرنامج بعد لما سطبته وبعد كده استنا شويه  هتلاقيه صفحه ظهرتلك فيها شوية عك بالانجليزى وانت كده مش فاهم حاجه ,ه ودوس على كلمة remot control هتلاقيها على الشمال بص على الصوره اللى معاك  بعد كده هتظهرلك الصوره ديه بس خلى بالك الصوره ديه مش هتظهرلك على طول هيه بتظهر لو انت بتشغل على نفس الجهاز اللى انت عليه ( تجربه يعنى )  هتستنى شويه على التحميل اللى هيكون ظاهر بالشكل ده  وبعد كده هتلاقى نفسك شايف جهازك بالشكل التالى علشان هو نفس الجهاز اللى انت عليه (متخفش يعنى) وطالما انت فهمت الفكره على جهازك هتشغلها من اى حته فى العالم عن طريق النت  يارب اشوف ردود جميله التعديل الأخير تم بواسطة : hariedy بتاريخ 21-10-2007 الساعة 06:43 AM |
| اعلانات اضافية ( قم بتسجيل الدخول لاخفائها ) | |
|
|
|
||||||
|
|
|||||
|
|
|
|||||
|
|
|
|||||
|
|
|
|||||
|
|
|
|||||
|
