انا هاوى فى الاليكترونيات وبحاول ادرسها مع نفسى من كتب ومحاضرات على اليوتيوب وهنا من القريه

انا عندى استفسار صغير

سؤالى ببساطه خاص بالتوصيل على التوالى والتوازى بالنسبه للبطاريات

فى حاله توصيل البطاريات على التوالى بيزيد الجهد دا كلام سليم مفهوش نقاش
اللى انا مش فاهمه ان ليه الفولت بيزيد ايه اللى بيحصل جوه البطاريه كميائيا او فزيائيا علشان الفولت يزيد .....؟

معلوماتى عن البطاريه انها عباره عن لوحين او قطبين وبينهم محلول او عجينه كميائيه
وبيحصل تفاعلات كميائيه اكسده واختزال فى المحلول او العجينه وبيترتب على التفاعل دا ان الايونات الموجبه بتترسب على لوح والاليكترونات السالبه على اللوح التانى
وعند غلق الدائره بسلك تسير الاليكترونات فى اتجاه الايونات الموجبه ويحصل اختزال
وعلى الكلام دا لما بوصل توالى بدى الطرف الموجب للسالب معنى كدا ان الاليكترونات السالبه هتروح للايونات الموجبه وتصبح المحصله الجهد عند الطرفين المتلامسين تساوى صفر
والطرفين التانيين اللى بنوصلهم للدائره ممكن نعتبرهم بطاريه 1.5 فولت لكن عمليا لاء الفولت بيزيد بيبقى 3 فولت

هى دى النقطه اللى مش فاهمها ارجو من حضراتكو التوضيح

واسف على الاطاله

اقتباس المشاركة الأصلية كتبت بواسطة محمد البنا. انا هاوى فى الاليكترونيات وبحاول ادرسها مع نفسى من كتب ومحاضرات على اليوتيوب وهنا من القريه انا عندى استفسار صغير سؤالى ببساطه خاص بالتوصيل على التوالى والتوازى بالنسبه للبطاريات فى حاله توصيل البطاريات على التوالى بيزيد الجهد دا كلام سليم مفهوش نقاش اللى انا مش فاهمه ان ليه الفولت بيزيد ايه اللى بيحصل جوه البطاريه كميائيا او فزيائيا علشان الفولت يزيد .....؟

اولا التعريف عندك غير دقيق كما هو لدى الكثير
كلمة بطارية تعنى مجموعة من الأشياء المتماثلة تعمل معا لذلك يقال بطارية مدفعية الخ كما يقال بطارية كهربية وهى من عدة خلاايا كل خلية هى التى تحدثت انت عنها أنها لوحين بينهما مادة الخ
لذلك ما يحدث هو خارج البطارية و ليس داخلها ولا شيئ يحدث داخل الخلاايا ولا البطارية ككل كما بالصورة
حركة الإلكترونات هذه خارج الخلية و ليس داخلها فيما يسمى بالحمل أما داخلها فالأيونات هى التى تقوم بتكملة الدورة
الإلكترونات السالبة لخلية تذهب للموجب لخلية أخرى و ليس ذاتها و تبقى كل خلية بكامل فولتها و قيمتها لا تتغير
ارجع للرسم