 |
|
|
|
|||||
هندسة عكسية (اعادة بناء الدوائر) 1
بسم الله الرحمن الرحيم نبدأ المنتج الأول كشاف طواريء بلد المشأ : (الصين الشعبية) مصنع العالم ثاني أكبر اقتصاد عالمي (بحجم قوة عاملة حوالي 807.7 ملايين نسمة ) الصين الي مريحانا بمنتجتها العملية و الرخيصة وفي نفس الوقت تعبتنا من صعوبة المنافسة و قفلتلنا معظم مصانعنا مثل صيني مفيد لا تعطيني سمكة ولكن علمني كيف اصطاد (والحمد لله بعد ما اتعلمت لمت السمك كله ههههه) (عقبال بلادنا يارب)  مبدا تجاري بيع اكتر تكسب اكتر (استخدام التصنيع الكمي المضاعف مع تنويع الموارد لتقليل التكلفة علي الزبون ) ..... يلا يا زباين  ولا تعتقد ان الصين تفعل ذلك لوجه الله والانسانية وان أسعارمنتجاتها ستظل زهيدة فهي كسائر الدول او قل الامبراطوريات الحديثة لها خططها الخاصة فعلي المدي البعيد بعد ان تعتمد معظم الدول عليها و تقوم بغلق مصانعها ستكون الصين المتحكم الاوحد بالسعر وتنتقل من مرحلة المارد الاقتصادي الي المارد العسكري  و القوة الاولي بدون خسائر او حروب طاحنة . ما علينا...... كشاف الطواريء (1)  النهاردة انشاء الله هنضحي بالكشاف الغلبان الي في الصورة ده وهنقطعه حتة حته لحد ما يبنلو صحاب ونفهم كل حتة فيه و نعمل كمان واحد زيه واحسن منه الشرح بسيط و بالصور خطوة خطوة ومش لاذم تكون متخصص اهم شيء انك تتعلم الطريقة و تعتمد بعد كده علي نفسك اما اخواننا المتخصصين فنرجو منهم الدعم و الأضافة والا يبخلوا بوقتهم علينا بعد فك الضحية سنجد الاتي المجسم الخارجي مزود بقاعدة لمبة حلزونية ومتصل من الداخل بالدائرة الأساسية بسلكيين (لنقل ال220 فولت) نقوم بفصل السلكين بالبنسة لتحرير الدائرة هتلاقي  1 – البطارية 4volt/700mAh 2 – جسم عاكس مثبت به عدد من الليدات 3- مفتاح 3 اوضاع (مكون من 6 ارجل) 4- لمبة بيان (دليل علي الشحن) 5- الدائرة الاساسية 6- بنسة (مليكش دعوة بيها)   -----------------------------------------------------------------------
1 – البطارية 4volt/700mAh  يعني فرق الجهد 4 فولت بين قطبيها السالب و الموجب وقادرة علي تغذية حمل يستهلك تيار 700 ملي أمبير لمدة ساعة كاملة وممكن تقول برده تغذية حمل يستهلك350 ملي أمبير لمدة ساعتين و هكذا يعني ايه 700mAh ؟ يعني شدة التيار الي ممكن توفرها البطارية (700/1000) أمبير ومعني h لمدة ساعة لان البطارية مصدر كهربي محدود ميقدرش يوفر طاقة علي طول زى شبكة الكهرباء لان المواد الكيميائية إلي فيه بتكون نضبت او محتاج لشحن يعني ايه برده ...... يعني بباسطة ممكن تفرض انك عندك خزان مياه علي سطح بيتك فيه 700 لتر مياه (البطارية) , الخزان ده ماسورته (السلك) قطرها 4 بوصة وأخرها برده حنفية( اللمبه ) 4 بوصة لو فتحت الحنفية علي الأخر وشغلت ستوب وتش هتلقي إن الخزان فضي ال700 لتر في ساعة و لو كررت نفس التجربة و خليت الحنفية مفتوحة النص تلاقي إن الخزان فضي ال700 لتر في ساعتين. صورة للايضاح  |
| اعلانات |
|
|||||
|
| اعلانات اضافية ( قم بتسجيل الدخول لاخفائها ) | |
|
|
|
|||||
|
تابع
نقاط مهمة للاخوة الهواة -وحدة شدة التيار هي الأمبير(Ampere) جهاز القياس يسمي أميتر (Ammeter) -وحدة فرق الجهد هي الفولت (Volt) جهاز القياس يسمي فولتميتر (voltmeter) - وحدة المقاومة هي الأوم(OHM) جهاز القياس يسمي اوميتر (ohmmeter) وبتجميع اول حرف من كل وحدة او جهاز تحصل علي AVO و الافوميتر هو جهاز القياس المستخدم لقياس كل هذه العناصر - الملي يعني (1/1000 ) واحد من الألف ,100 ملي يعني (100/1000) مائة من الألف - لماذا دائما نري قيم شدة التيار بالدوائر مقاسة بالملي أمبير و ليست أمبير فقط اليس الامبير هو الوحدة الاساسية ؟ نعم لكن في الدوائر الالكترونية يعتبر الامبير قيمة ضخمة جدا كوحدة حيث انا معظم المكونات الالكترونية تستهلك أجزاء بسيطة جدا من الامبير لكي تقوم بوظيفتها لذلك قمنا بتعذيب الأمبير وقسمناه الي 1000 جزء وسار التعامل بمسمي الملي امبير في المكونات البسيطة و بالامبير ومضاعفاته في المواتير و السخانات ...الخ تماما كالعملة لديك 1 جنيه به 100 قرش او 1000 مليم سوف تجد ان التعامل التجاري للبالغين يتم في نطاق 1 جنيه و مضاعفته و التعملات التجارية الصغيرة للاطفال يتم في أجزاء من الجنيه وهكذا ------------------------------------------------------------------------------------------- 2 – جسم عاكس مثبت به عدد من الليدات (لمبات) جسم عاكس اسفله 5 شرائح بها 19 ليد موصلة جميعا علي التوازي (جميع أقطاب اليدات السالبة موحدة و الموجبة ايضا موحدة)  طيب لو حد لسه فاكر قوانين كهرباء ممكن حد يقولي لو بدلنا ال 19 لمبة علي التوازي بمقاومات مقاومة الواحدة مثلا 400 اوم يبقي المقاومة الكلية كام؟ المقاومة الكلية (في حالة التوازي) = (قيمة المقاومة الواحدة) / (عدد المقاومات) =21.05 اوم (في حالة جميع المقاومات توازي و قيمة واحدة) طيب معانا مقاومة كلية 21.05 اوم و فرق جهد عليهم 4 فولت من البطارية يبقي التيار المار كام ؟ شدة التيار = فرق الجهد / المقاومة = 0.19 امبير= 190 ملي امبير يعني المقاومة الواحدة بتسحبتيار = التيار الكلي المسحوب / عدد المقومات=0.01 امبير =10 ملي أمبير طيب الباور الكلية كام الباورالكلية = شدة التيار * نفسه * فرق الجهد = 0.19* 0.19 * 4 = 0.1444 وات =144.4 ملي وات ---------------------------------------------------------------------------- 3- مفتاح 3 اوضاع (مكون من6 ارجل) مفتاح وصل مسارين بمسارين (زوجي) له 3 اوضاع (تيار مستمر)Ac-off-dc (تيار متردد) ما اعتقد انه فيه شيء محتاج لشرح ........مفتاح يا جماعة J ما علينا للمش فاهم  |
|
|||||
|
- الدائرة الاساسية
ودي اهم حاجة في الفيلم الهندي ده  صلوا علي النبي الدائرة تافهة جدا و مشروحة كتير ياريت حد يتعب نفسه و يبص علي موضوع لاخي ومعلمي المحترم وليد الفرا والله الراجل المحترم ده حببني اني احاول اتعام و اعلم http://www.qariya.com/vb/showthread.php?t=13959 وهي منبع القدرة بدون محول Transformerless power supply ولكن الي عاوزكم تعرفوه هو انك ازاي تنقل العناصر بطريقة سهلة وسريعة عشان يبقي عندك تصميمها 1- صور الدائرة من وضع رأسي كما بالصورة 2- اقلب الدائرة من اليمين لليسار 3- صور الدائرة من وضع رأسي كما بالصورة 4- شغل برنامج الرسام بتاع w7 او اي برنامج رسم نضيف 5- دخل الصورتين بالتوازي وقم بعكس صورة التوصيلات  و بكده نكون عملنا تحاليل و أشعة للضحية (الكشاف)  تابع معاي مراحل فك التصميم و الوصول للتصميم النهائي بعد كده نشرح ونقلد مش هنسيب حاجة حتي المجسم البلاستيك و اهم شيء انك تكون مبتكر وتستخدم الجوهرة الي ربنا مديهالك ربنا كويس و متتعبش ولا تيأس خطوة خطوة اتعلم و علم الي حوليك و افتكر ان الله لا يضيع اجر من احسن عملا اعزروني لو اتاخرت الصور والكلام طازة وبحاول اتاكد ان مفيش اي خطأ |
|
|||||
|
|
|
||||||
دائره لمبه الشحن
 huj هذه هي دائره لمبه الشحن التي تتحدث عنها
|
|
|||||
|
|
|
|||||
|
|
