بعد التحية لكل اعضاء القرية المحترمين
اظن ان احنا كلنا بنواجة اعطال وفية ناس خبرتها قليلة مثلى مبيعرفوش يتعاملوا مع العطل فبيعرض مشكلتةفى مشاركة يمكن يلاقيلها حل فى هذا الصرح العظيم-
وكل واحد لية طريقة لعرض المشكلة ,وممكن يحط عنوان مميز او كلمة غريبة ,يعنى شئ من هذا القبيل
فيلاقى ان مشاركتة عرضة للاستهزاء ,وانها اصبحت نوادر ونكت
ويلاقى ان عضو اخر يعمل عليها موضوع ,وعنوانة (من نوادر المشاركات ادخل واضحك)وكانها للتسلية وللضحك

يا اخى العزيز, انت ضحكت من المشاركة او سخرت منها, فلا داعى للاهانه بانك تعمل مشاااااااااااااااااااااااااااااااركة طويلة عريضة تهين بيها صاحب الموضوع
هذا يسمى اهانه ,وانا لم ارى فى مشاركتى مايدعو للضحك والسخرية
وان كان لما تكلمت

ارجو ان اكون قد وضحت الصورة للاخوة الاعضاءالمحترمين

يا اخى صلى على النبى دا احنا كلنا اخوات وكلنا وانا اولهم بنتعلم وازيد على هذا ان كل من فى المنتدى من اول المدير العام او رئيس مجلس الاداره :العضو الجديد المشترك اليوم اخوات ومحدش بيقصر فى الرد وان كان اخوك هزر معاك شويه متزعلش رب ضره نافعه مما يجعلك تتحمس ازيد فى كتابه مشاركات جديده ايأ كان حجمها وانا كنت كده وبعدين شويه شويه بقيت احسن وكل عام وانتم جميعا بخير على فكره انا معرفش مشاركتك كان فيها ايه ولا اعرف ماذا كتب الاخ التانى واداره المنتدى حذفتلك المشاركه ياعم واوعه تزعل اسف للاطاله عليك والسلام عليكم ورحمه الله وبركاتهاخوك الفقير المفتقر الى علم الله مجدى ابو عطا المركز الفنى بابو قرقاص لصيانه التليفزيون والرسيفر محافظه المنيا علمنا الله ما ينفعنا ونفعنا بما نعلم

إيه ياميدو خلى بالك طويل نفسى أعرف إنت زعلان من إيه
حقولك حاجه إفتح مشاركتك وشوف الفكاهه والضحك مش عليك
ده عليا أنا تخيل لوكنت قرأت بهدوء كنت عرفت
مهندسنا أحمد الزقازيقى كتب سبب وهو AFC ماشى
شوف ردى وإستغرابى من رد أخى أحمد لأننى شوفت AFC شفتها ABL
تخيل وأعطيت سبب مشاكلها
فرد امهندس أحمد فورا وقال
لها علاقه يا سيدى
نظرت سريعا وفضلت أضحك لما لقيته كاتب AFC مش ABLلأن السراحه كان فيه موضوع لواحد صحبى
زى أخى مخلينى مش شايف
فحبيت أضحكوا شويه على الذى حدث يعنى مواقف وطرائف
أنت فهمت غلط حتى قمت بأسف لمهندسنا أحمد وإفتح موضوعك تانى

على فكره أناكده اللى زعلان لأنك إتهمتنى وعلشان خاطر العيد داخل
أنامسامحك
أخيك محمد فتحى
بيحب كل الناس وعمرى فى حياتى مبحب أسخر من حد لأن من عايب إبتلى
وطبعا كلكم عارفين الآيه الكريمه
بسم الله الرحمن الرحيم
لا يسخر قوم من قوم عسى أن يكونوا خيرا منهم
صدق الله العظيم
وكل سنه وأنت طيب

السلام عليكم كل عام وانتم بخير انت اكيد فهمت الموضوع غلط ولا تتردد فى الكتابة ولو زعلان حئك على والحقيقة كلنا اسرة واحدة

حصل خير ..
تم غلق الموضوع ..