طبع انا حاولت يا جماعة احول شاشة كومباك كانت الوانها رووعة جدا الي تلفزيون

اللي حصل بان انا جبت ترانس تعديل مقاومة اليوك وبعد كده شاسيه التكنوسات بس مش اللي علبته زرقاء

وكانت الصوره عندي مقوسة

نصحني البعض بالتعديل من القائمة السرية
ولكن ما كان هذا حلا لان العرض بيفرد بس بشكل شبه منحرف

المهم انا اشتغلت بالترانسات دية علي 15و17وكانت ماشيه معي تمام منذ مدة قرييبة لاني مش قديم في التحويل ده بالذات

وقال لي البعض بان الترانسات لا تنفع مع الشاشات الكبييرة لذا لا مفر من تعديل اليوك

انا برضه حاولت شراء يوك الشاسيه الصيني من التحرير وخصوص عند حسام عبد الشافي واشرف شرف في كونكورد وراديو طلعت وما وجدت يوك الشاسيه الصيني يباع

رغم ان جميع من اعرفهم نصحوني بالتوجه الي عبد الشافي لانه بيبيع اليوكات دية ولكن هو مش عنده

لا مفر من تعديل اليوك بتاعها


لذا
قرات فعلا مواضيع تعديل اليوك

ولكن لدي استفسارات

**هل المقصود بتفريغ اليوك اي ان انا ازيل الكارته بتاعته منه

وعلي فكرة الكارتة فيها بوطات يعني مقاومات متغيره

**هل معني كلمة المخدة اي عدد الاطراف التي يحويها كل سلك
وبكده عندنا في اليوك مخدتين افقي ومخدتين راسي

وايضا المخدات تحتوي علي شعيرات اي اسلاك صغيره

والمهم فنقوم بتقسيم شعيرات كل سلك الي طرفين في الافقي ونجدلهم ونلحمهم وبالتالي يكون لدينا 4اطراف افقي ويتم توصيلهم علي التوالي

بحيث ان في السلك الواحد شعيرات عديدة منها ما يكون متصل ويعطي صفارة علي الاافو والاخر لا يعطي صفارة ويكون بمثابة ارضي

يعني عندنا الاربع اطراف
2طرف عادي
2الارضي بتاعهم

اما التوصيلات فقد كانت صورها موضحة بالموضوع لكن كالعادة ضاعت كل الصور


برجاء اعادة الرفع او الايضاح علي الاقل

5مشاهدات ولا رد

انه السؤال الذي اعجز الجميع

اين انت يا بشمهندس محمد فتحي

ليس لي الان الا انت

السلام عليكم
أخى العزيز كن مطمئنا ليس لنا إلا الله هو الذى يهدى القلوب ويعطى العلم

تعالى نحللوا مشكلتك
أول شئ كل الذى قمت به تمام تمام ولاكن المشكله فى الشاسيه
إنت جبت الشاسيه التكنو سات الخاص بالتوشيبا حتى مكتوب علي العلبه توشيبا ولاكنه لا يصلح لتعديل الشاشات
لماذا لانه ليس به إمكانيات فى تنقل الطرف الاحمر لليوك
به 4 أطراف 2 رأسى و2 أفقي فقط يعنى ييفرد الويدز أو لايفرد سواء بيوك عادى
او تعديل بتاع الشاشه وبالشوبر يعنى دريفر التعديل
حقولك حل لانك ذكرت أنك لسه بادئ فى تعديل الشاشات
ممكن تركب يوك فليبس
والحل التانى تلف شوبر على يدك ودى بتحتاج شوية تركيز وهى دى الطريقه
التى حلت معى المشكله فى هذا الشاسيه
الخلاصه علشان تستريح لو لم تحصل على يوك فليبس وإن حصلت وهناك بعض الويدز مثلا ولم تستطيع صنع شوبر فعليك تغيير الشاسيه بدون تردد
هى دى الحلول إن شاء الله حتى لو بالتغيير
وربنا يوفقق
نحن جميعا يدا واحده
والله المستعان
أخيك محمد فتحى

بالنسبه لتعديل اليوك أنا بأترك الشريحه التى يعتمد عليها الرأسى كما هى
وبعدل الافقى فقط أنا شغال بالفكره دى دائما ولم تحدث أى مشكله حتى ألآن
ولاكن قد ذكر مهندسنا أحمدفرغلى طريقه بتعديل الرأسى لكى يتلاشى الحراره كله صحيح إن شاء الله ولا تقلك من الحراره طالما تعديلك صح
ونحن معك إن شاء الله

اولا
اليوك الفيليبس يا بشمهندس لا يمكن الاعتماد عليه في الشغل بالنسبة اليه خصوصا ان الفنيين اللي جانبي يحتكروه باسعار عالية تعدي ال50جنيه لغزارة الطلب عليه

وفي الغالب لا تجده وبذلك اليوك الفيليبس مش مضمون وخصوصا في الشغل الكميات اللي ممكن ييجي في اي وقت

ثانيا
انا عاوز حتي اتعلم علي الشاسيه التكنو سات ده رغم صعوبته بس عوائق الفهم في الموضوع ده تتمثل في ان كل شئ كان واضح في موضوع اليوك ده مش هينفع ورسومات واخر حلاوة واللي عايز يفهم هايفهم اما الان فكل الرسومات ضاعت

ولم يبقي الا كلام

وحضرتك ايضا ذكرت بان عيب التكنوسات يتمثل في انه لا يتيح التنقل
تقصد حضرتك
ان الشاسيه ده لا يتيح اعادة التوصيل من توالي الي توازي مثلا

ثالثا
حضرتك قولت ان انا اقوم بلف شوبر
يعني ايه
يعني مثلا اجيب ترانس وسلك رفيع طوله قد ايه مثلا والف علي ايه بالضبط

وهل كثرة اللف تقل من مقاومة اليوك بتاع الشاشة


ياريت يا بشمهندس ان تذكر لي الحلول المحترفة بتفصيل اكتر
لان انا مش عايز اسلط طريق الهزيمة وكل حاجة تبوظ اغيرها ولا كان الواحد فني صيانة اصلا

أخى المغامر
من فهمى لكلامك إنت عايز خريطه تمشى عليها بإستمرار تصلح معك لأى كميه
لو كنت فهمت كلامى بوضوح كنت عرفت إن الحلول دى خاصه بالشاسيه ده بالذات
ولاكن بعد كده حتستخدم شاسيه زى العريبى أو الرغدان بيكون فيه أماكن زياده زى مكان
فيشه الرأسى وألأفقى وبتكون بجوار اللين مباشرتا
ومع هذه الشاسيهات مش حيكون فى مشكله صعبه حتقابلك وبالنسبه ليوك الفليبس
إحنا عايزين نحل المشكله بأى طريقه أصل الموضوع مش متكرر
وبالنسبه للشوبر الاصلى مفهوش أدنى مشكله وسعره 15 ج
نهاية الموضوع للإحتراف وأكل العيش والسرعه بدون عقبات
تجيب شاسيه متعدد المخارج للأفقى
التعديل الصحيح للدفلكشن وإن كان هناك داعى للشوبر فهو موجود
أن عايزك تجيب مشاكل أصعب يا مغامر زى سوكت فى شاشه IBM 21 به ثلاث مخارج للفوكس
حتحلها إزى وعلى فكره أهم حاجه الكفائه مش تشتغل وخلاص
وكمان مشكله لو جاتلك شاشه 17 شاسيه من الداخل مثلث يعنى الشاشه دوران من الخلف
وعمرالشاسيه محيركب من الاخر ملهوش مكان أصلا هى دى المشاكل
ولو حبيت تعرف أنا حليت المشاكل دى إزاى أولا بفضل الله إن شاء الله فى وقت تانى لأن
العصر سيأذن ولسه مبدأتش شغل فدعواتك

لابد من قراءة المشاركة جيدا عزيزي البشمهندس
فرغم ان مشاركاتك مفيدة لي وتعلمني الجديد الا انها لا تجيب علي السؤال الذي اطرحه من اول مشاركة

انا والحمد لله اجيد تركيب بوردة الوان الشاسيه علي اي شاشة فتعديل الاطراف ليس بمشكلة طالما عرفت اطراف الشاشة
يعني نجيب سلك ونلحم كل دبوس بمكانه في بوردة الالوان

تعال الي السؤال اصلا
تعديل اليوك نفسه ...ونتناقش كالتالي
**يعني ايه تفريغ اليوك
هل هي ازالة الكارته بتاعته

**ما هو الرسم المتبع لتوصيل الاطراف الافقي والراسي
انا بوصلهم علي شكل اكس ومرة تنجح وعشرة لا

**حضرتك بتشوف ان التكنوسات مشكلة لعدم توافر مكان افقي
رغم ان المكان اللي ادامي فيه اربع اطراف 2افقي و2راسي

وانا مش متخيل شاسيه ادامي يكون فيه مثلا
1افقي
و2راسي

وبعدين هم لو فعلا 3اطراف
ايه اللي يخلينا نقول ان فيه واحد افقي و2راسي وليه ميكونش العكس


***بالنسبة للشوبر حضرتك فهمت مني خطا باني اواجه مشكلة في توفيره
هو موجود يا بشمهندس في التحرير
والمشكلة هي في اليوك الفيليبس او يوك الشاسيه الصيني
واللي انا مش لاقي مكان بيتباع فيه

**بالنسبة للف الشوبر
يعني الترانس متقفل وفيه اسلاكه ملصوق وحضرتك بتقول نلف الشوبر فكيف يكون هذا الكلام


مع تحياتي ودعواتي