السلام عليكم ورحمة الله
انا عايز بعد اذنكم اعرف ابتدي ازاي اتعلم صيانة التليفزيون والريسيفر
انا بقالي كتير اشوف الموضوعات اللي في المنتدي عن صيانة التليفزيون والريسيفر
بس حاسس اني مش فاهم حاجة هل لو انا بدات اخد دورات او كورسات عن صيانة التليفزيون هبقي فاهم الموضوع لان انا بفكر ان ده يبقي مشروعي من خلال مركز صيانة تليفزيون وريسيفر
عاوز رأيكم please

انت قلت الحل انك تذهب الى اى معهد لتتعلم اولا التلفزيون لانه بتأخد فى الكرس بتاعة مقدمة عن الالكترونيات وبعد ما ينتهى الكرس تحاول تنزل اى مركز خدمة تتعلم جيدا الجانب العملى لو انت ساكن فى القاهرة كان فيه معهد محمد وجيه فى عمارة استراند فى باب اللوق وكمان معهد اللاسلكىامام مجلس الشعب بالتحرير وربنا يوفقق

طيب سؤال لو سمحت بعد ما أخد دورات في أي معهد انت بتقول التحق بمركز خدمة علشان الجانب العملي هل ده موجود فعلا ويمكن ان انا اشتغل في مركز خدمة لاكتساب الخبرة العملية وهل ده بيكون فيه مقابل مادي لمركز الخدمة
وهقولهم ايه مثلا شغلني عندك علشان اتعلم وتعتقد انهم هيوافقوا

ارجو سرعة الرد please

السلام عليكم

اخي العزيز انا لست في مصر لكي استطيع ان افيدك في موضوع مركز الخدمة , ولكن استطيع ان اقول لك بعد ان تكون قد انهيت دراسة المبادئ والاسس في الالكترونيات , ابدء بنفسك تصليح امور بسيطة مثل الراديو الصغير مثلا او لعبة الكترونية يعني بعضا من هذه الامور ... اخي العزيز مشوار الاحتراف يبداء بخطوة وعليك ان تكون جريئ وقوي قلبك واتكل على الله . ورمضان كريم

السلام عليكم ممكن نعرف ساكن فى اى محافظة فى مصر حتى يسهل للزملاء ارسالك الى عنوان مركز تعلم صيانة يكون قريب من احدهم والله الموفق .

ردا على سؤالك بخصوص مركز الخدمه انت الاول مابتخدش فلوس يعنى تتعلم بس وبالنسبة لصاحب المركز ممكن مايخدش منك فلوس لو عرفته انك تساعده دون ان تأخذ اجر وده لرده يرجع لصاحب المركز وممكن لمل تلتحق بمعهد تتعرف على اى حد من مهندسى المعهد يكون عنده مركز خدمه تتعلم عنده ولكن فى الحالة ديه اعتقد انه ممكن يأخذ منك فلوس وممكن كمان عن طريق احد معارفك يكون يعرف صاحب مركز خدمة صغير يتوسطلك تشتغل عنده دون اجر وربنا يوفققك

انا من محافظة الشرقية من مدينة بلبيس