طبعا كلنا عارفين اللمبات الموفرة وازاى نشغل لمبة 120 سم على دائرة لمبة موفرة فكرة ممتازة لولا مشكلة واحدة!
الاضائة بتبقى اضعف من المحول العادى "الملف الخانق"
شخصيا عايز اوصل لاضائة اعلى من الاضائة العادية كمان ، صحيح السحب هايعلى وعمر اللمبة هايقصر بس هاتمتع باضائة محترمة
طبعا علشان الواحد يوصل لاضائة معقولة محتاج دائرة لمبة موفرة 60 واط ودى غير متوفرة وغالية المتوفر هوة ال 30 واط الشائعة
انا قومت بشوية محاولات علشان ازود الاضائة نفعت فى بعض الدوائر والبعض لا
هاكتبها فى الموضوع واى حد عندة اى افكار مرحبا بيه لطرحها فى الموضوع
بالنسبة لزيادة القدرة ، بنلاحظ انة الدائرة بتستعمل 2 ترانزيستور BJT 13003 أو فى بعض الانواع النضيفة 13005 ، واول حاجة هانعملها هانغير الترانزيستورات دى بترانزيستورات تتحمل الواط اللى احنا محتاجينة حوالى 100 واط ، بنركب 2 ترانزيستور 13009
بعد كدة فى بعض الدوائر بيبقى فيه مقاومات 1 اوم على الدخل او الطرف E بتاع الترانزيستورات "الايميتر" ، الغيهم
اوقات تغيير الملف الموجود فى الدائرة بملف ذو هنرى اعلى وأمبير أعلى الاضائة بتزيد ولكن خد بالك من درجة حرارة الترانزيستورات علشان ماتتحرقش
ياريت اى حد عندة فكرة لزيادة الاضائة يكتبها
فكرة : زيادة قدرة اللمبات الموفرة
