السلام عليكم اخوانى وحبايبى المهندسين

ادخل ف الموضوع ع طول عشان وقتكم احسن انا رغاى =D

انا عندى 3 شاشات ال سى دى كمبيوتر 17 بوصه سامسونج 740 nوفيهم مشكلة ملف الانفيرتر

وكنت عملت موضوع من فتره وتبين بعد تغيير ال 3مكثفات والفيوز الاخضر الى جنبهم ان ملفين الانفيرتر كمان تالفين

وطبعا لفيت عليهم وما وجدتهم فى باب اللوق

ووصلت لمحل ف البستان قالى عندى بديل للملفين

واشتريته منه وحبيت اعرضه عليكم يمكن حد يستفيد

المشكله انى اتفقت معاه اتصل بيه يقولى كيفية تركيبها وكل ما اتصل بيه تليفونه مقفول

عامة دى صوره للبورده بديلة الانفيرتر

السلام عليكم

اخي الكريم : هذه البورد جديدة سعرها ليس مرتفع ومقبول جدا هذا بالنسبة لنا في لبنان لا اعرف في مصر ماهو الوضع ..

السلام عليكم...المهندس/كريم....هذه البورده متوفره فى الاسكندريه من أكثر من عام وقمت بتركيبها عدة مرات على شاشات كمبيوتر وأجهزة تليفزيون 24 بوصه على أن يكون الانفرتر الأصلى يعمل على4 لمبات ..المهم يكون مدون على البورده بالقرب من السوكيت ذات الأربع اطراف رموز تفهم منها وظيفة كل طرف والموجب والسالب ستجدهم متصلين بموجب وسالب المكثفين الكيميائيين الكبارفى البورده وطرف للتحكم فى الاضاءه وطرف ينقل اشارة ON/OFF وبالنسبه للطرف الأخير اذا لم يعمل الجهاز بعد اتمام التوصيل والضغط على برس التشغيل فربما يكون الجهاز يعمل بنبضه سالبه عندها نقوم بعمل دائره بسيطه لعكس النبضه مكونه من ترانزستورين وبعض المقاومات لتقوم بهذه المهمه...والله ولى التوفيق

المهندس ابو جعفر

اخبارك ايه
ان شاء الله تكون بخير
هى سعرها 40 جنيه ولو كنت اشتريت كمية يعنى 5 مثلا كان هينزل ف سعرها ممكن 35 ج

شكرا لمشاركتك باشمهندس محمد حافظ وتعليقك ع الموضوع

هى فعلا ع اطراف السوكيت مكتوب طرف الارضى
وطرف adj
وطرف on/of
وطرف vcc

اخى الفاضل هذه الدائره موجود منذ فترة وتعمل جيد h

وبيانات الاطراف هى

الاحمر =12+ فولت

الا سمر =ارضى gnd

الاصفر = نبضه on/off

شكرا ليك مهندس ايمن على الافاده

لكن فيه سؤال معلش

البورده الى مشتريها (بديل ملف الانفيرتر ) فيه طرفين اصفر واحد مكتوب عليه on-of
والتانى مكتوب عليه adj

فهل ال adj دا هيتوصل مع طرف ال on/of

ولا دا بيتوصل بحاجه تانيه لانى قيست الطرفين الاصفر لقيت انهم مش شورت مع بعض

وحاجه تانيه عاوز اسئل عنها
هو البورده بيتوصل اطرافها عند اطراف السوكيت كده وخلاص مع وجود ملف الانفيرتر راكب ف البورده الاصليه ولا بننزع الملف ين من البورده
وهل فيه خطوط (تراكات ) ف البورده بنقطعها ولا كل حاجه زى ماهى والبورده الخارجيه بتتوصل اطرافها بس ونشغل ع كده

-

واسف لقلة خبرتى وقلة معلوماتى

السلام عليكم
ضع صور للبورد الاصلي