بسم الله الرحمن الرحيم
السلام عليكم ورحمة الله وبركاته
اولا احب اشكر المنتدي و القائمين عليه لان استفدت منه حاجات كتير
ثانيا الموضوع
الموضوع هو اني كنت بدور بقالي فترة على حاجة تتحكم فى قوة تسخين سلك التسخين زي الموجود فى الهوت جن او الهوت اير بس كل الى لقيته هو التحكم فى درجة الحرارة و الدواير الى بتعتمد على lm 35 وانا طبعا عايز حاجة تانية خالص انا عايز اتحكم فى ارتفاع و انخفاض او تدريج المهم ملقيتش حاجة يمكن انا مش عارف ابحث صح الله اعلم
المهم قولت اتصرف انا عندي هوت جن فكيته و قولت انقل الدايرة الى فيه و المهم حاولت واظن اني الحمد لله نقلتها وحبيت اعمم الفايدة علشان محدش يتعب زي منا تعبت
انا ارفقت صورتين واحدة بالمكونات و الثانية للدايرة فقط وللعلم الصور دي انا اخدها بكاميرة موبايل ف انا اسف على الجودة مش عالية وغير جاهزة للطباعة






حاجة مهمة جدا تغذية الموتور بتاع المروحة بيعتمد على مقاومة سلك التسخين الصغير سمكه الحقيقة مش عارف اقدره لكن هو اسمك من شعرة الراس بشوية وملفوف على عازل حوالي 2ميلي بشكل حلزوني و العازل ملفوف 3 لفات على قطر 2.5 سم
اما السلك الكبير ملفوف 9 لفات بس سلك سميك بس ممكن نصف ميلي او 0.4 مش عارف



انا اسف جدا على الرسم الوحش و اذا كنت نسيت حاجة او فيه حاجة غلط بس انا لسة مبتدئ بس بحاول

ودي صورة من العناصر على البوردة و على فكرة انا لسة منفذتهاش انا نزلتها على الموقع على طول بس ان شاء الله هشتري العناصر دي و انفذها قريب

السلام عليكم ورحمة الله تعالى وبركاته
شكرا علي هذا الدائرة بس لدي سؤال ماهو دور U1

اولا: شكرا على الدائرة وموضوعك الرائع .
ثانيا : لدي هوت اير فيها عطلات ودخت على صيانة لها لايوجد حتى بحثت في النت وجدت اعطال عادية .
الاعطال :القبضة الكبيرة فقط حرارة بدون هواء عند الاشتغال وعند الاطفاء يخرج الهواء استبدلت قبضة جديدة ونفس المشكلة .بحثت عن عطل في البوردة لم اصل لشيء .
العطل الثاني الكاوية الصغيرة لاتعمل مع العلم الكاوية جديدة .فياريت تساعدني في ايجاد حل لها وشكرا .

Dual Operational Amplifier

http://pdf1.alldatasheet.com/datashe...I/HA17358.html

والله يا باشا انا مبتدء فى موضوع الالكترونيات ده بس انا هقولك على تجربتي مع الهوت اير كادا 852 يمكن تستفيد
كانت فاصلة هوا خالص فيه جواها رلاي مسؤل عن تشغيل موتور الهوا و مكنش الرلاي ده بيشتغل خالص و لما غيرت المقاومة الحرارية الكبيرة اشتغل تمام

انا اسف على جودة الصورة
لو ملقيتش نفس قيمة المقاومة هات اتنين مع بعض و توصلهم على التوالي وعلى فكرة موجودة عند بتوع التليفزيونات كتير

اما الكاوية على ما اتذكر بتشتغل بمحول هتلاقيه فى الهوت اير قيسه على الافو على وضع AC وشوف الفولت عليه كام وكمان المقاومة المتغيرة الي بتتحكم فى الحرارة ممكن تكون فصلت

معليش انا اسف انا فهمت سؤالك غلط انا فهمت انك عايز تعرف ايه هو العنصر ومخدتش بالي من كلمة دور


بالنسبة لدور المكبر التحكم فى بوابة الترياك عن طريق المقاومة المتغيرة على اد فهمي للدايرة
ان المكبر ده بيشغل بوابة الترياك Q1 المتوصل عليه الطرف الثاني لملف التسخين الثاني او الكبير H1
ده فهمي لو في حاجة غلط يا ريت يصححها المهندسين