بسم الله الرحمن الرحيم
اتكلم كتير من اعضاء المنتدي عن طريقة نقل الحبر لطباعة البورد عن طريق طابعه ليزر و انا لقيت الفكرة موجوده علي مواقع اجنبية كتير و شوفتها فيديو علي موقع يو تيوب و لما جربتها لقيت انها بتدي نتايج مش مقبوله بدرجه كبيرة لان الورق يا اما بيشرب الحبر يا اما بيكون مصقول لدرجة انه بيعمل فجوات في الحبر نفسه و ده بيكون نتيجته انه بعد استخدام الحمض بنلاقي البورده النحاس بتاع التراكات مخرم
و انا جربت اوراق كتير جدا علشان اوصل لنتيجه و برضه مانفعش
جربت ورق الكلك و الورق العادي و ورق الصور المط و اللميع المستخدم في معامل التصوير هوه كان بيديني نتيجه جميله بس المشكله انه محمي بطبقه بلاستيك كانت بتسيح علي لوح الحبر تحت تأثير حرارة المكواه
لكن و بالصدفه و انا بجرب ورق عادي سخان الطابعه عندي فصل و طلعت الورقه عليها الحبر مرسوم طبيعي بس طبعا لو مسحته بايدي هيتمسح لان السخان الموجود بالطابعه وظيفته انه بيسيح الحبر يثبته في الورقه انا بقي جبت شفافيات حرارية من المستخدمة في البروجيكتور و بتستحمل درجة حرارة عالية و شيلت السخان خالص من الطابعه و بقيت بطبع علي الشفافية و بعدين اطلعها من الطابعه بهدوء جدا علشان ما المسش الحبر و اقلبها علي اللوح و اسخب درجة حرارة بسيطه بالمكواه و النتيجه مذهله
كأنك طابع علي البورد بالطابعه مباشرة و بتطلع الشفافية عادية كأن مش عليها حبر خالص اغسلها ببنزين و اسيبها تنشف و استعملها تاني
جربوها بس بهدوء علشان ماتسببش اي اضرار للطابعه الليزر و انتوا بتفصلوا السخان بتاعها
و شكرا
م- سامح ليله
اكتشاف طريقة جميله لطباعة البورد بالصدفه
