|
:: عضو ::
تاريخ التسجيل: Feb 2010
الدولة: مصر /المنصورة
المشاركات: 2,073
|
|
نشاط [ ahmed115 ]
قوة السمعة:
|
|
04-05-2010, 07:01 PM
المشاركة 2
|
|
السلام عليكم يااخوة
سؤال بسيط
ليه فى دوائر الرنين كما تحبون تسميتها المكثف بيوصل على التوازى مع الملف وليس التوالى؟
اليس من المفروض اننا نضع المكثف لتقليل ممانعة الملف حتى لايضعف الاشارة القادة من الهوائى الى الملف؟
فى دائرة التوازى للملف والمكثف بتكون الممانعة الكلية اكبر مايمكن عند تردد الرنين مع ان المفروض منطقيا اننا نقلل ممانعة الدئرة ونستخدم دائرة الملف والمكثف على التوالى لان الممانعة الكلية عند الرنين تقريبا صفر
ولا الحكاية لها علاقة بشيئ تانى؟
وايه هيحصل لو استخدما مثلا الملف بدون المكثف والملف مقسم لعدة نقط يمكن اختيار التردد منها؟
|
قريت انا النهاردة شوية فى موقع اجنبى وهجاوب على اد فهمى طالما الاخوة هنا مشغولين الله يعينهم
عند ربط المكثف مع الملف على التوازى بتزيد المحصلة الكلية للممانعة للاتنين عن مايكون الملف لوحده او المكثف لوحده وبتكون الممانعة الكلية دى اكبر مايمكن عند تردد الرنين بعكس توصيل الملف والمكثف على التوالى بتقل الممانعة الكلية عن قيمة ممانعة كل واحد لوحده وبتوصل صفر عند تردد الرنين لان عند تردد الرنين بتتساوى الممانعتين
وحيث ان المحصلة للممانعتني على التوالى = Xl -Xc
فعند الرنين هنلاقيها صفر
لكن عند التوازى بيكون القيمة محصلة الممانعتين كسرية وبيكون Xl -Xc
فى القيمة السفلى للكسر فعليه عندما تتساوى القيمتين يكون الناتج مقسوم على صفر يعنى = مالانهاية
المهم ندخل فى موضوعنا الذى ملخصه ان محصلة الممانعة على التوازى بتكون كبيرة جدا وعلى التوالى بتكون صفر
طيب ليه بنستخدم التوازى فى دوائر الراديو ولانستخدم التوالى ؟
لان فى دائرة التيونر احنا محتاجين جهد الاشارة يكون عالى عشان يمر من الموحد الجيرمانيوم وده اللى بيحصل فى دائرة الرنين توازى حيث عند تردد الرنين بتكون الممانعة اكبر مايمكن يعنى الجهد اعلى شيئ وكان الدائرة مفتوحة هذا الجهد هو الذى يؤثر على قاعدة الموحد فتمر الاشارة التى تحمل تردد الرنين وتحجز باقى الاشارات
اما لو كانت دائرة رنين توالى فعند الرنين بيكون الممانعة صفر والتيار اعلى مايمكن والجهد تقريبا صفر وكان هناك شورت على دائرة الرنين مما يترتب عليه ان جهد الاشارة الخارجة عند الرنين هيكون صفر وبهذا لن تستطيع المرور من الموحد بهذا الجهد
باقى السؤال لسه هذاكره ويمكن حد يمر من هنا ويشاور نفسه ويرد علينا
|
