شكرااااااا جدا لشرح

مجهود جبار وجزاك الله خيرا

جزاكم الله خير يااخوة وانا فى الخدمة

انا جربت دائرة على برنامج محاكاة , وانا اللى مخترع الارقام من دماغى , وحليتها بطريقتك يااستاذ احمد , بس مش عارف طلعت غلط ليه ( قراءة الاميتر مختلفة), شوف الدائرة انا لاحظت فيها حاجة مختلفة وهو اتجاه تيار الدائرة اليسرى من السالب الى الموجب (السهم خارج من سالب البطارية) مش عارف ليه. ممكن تفهمنى ايه الغلط؟

قراءة الاميتر مختلفة بسيط جدا يمكن عشان وجود الاميتر

المهم سؤالك عن ليه اتجاه التيار الخارج من البطارية اليسرى معكوس

ارجع للشرح هتلاقى اننا عندما نطبق قانون كيرشوف الاول افترضت انا ان
I3 = I1 + I2

وهذا ليس صحيحا فى كل الاحوال فاختلاف قيمة البطاريات واختلاف قيمة المقاومات بيغير من قيمة التيار ومن اتجاهه

كيف تعرف انك اخترت الاتجاه الصحيح ؟

عندما تعوض فى المعادلات الثلاثة وطرحت المعادلة الثالثة من الثانية لكى تخرج قيمة I1 فوجدتها 0.103 بالموجب يبقى افتراضك صحيح لاتجاه التيار I 1
لو طرحت المعادلتين من بعض وكان خارج الطرح ان قيمة I1 بالسالب اى = -0.103
اذن افتراضك لاتجاه التيار غير صحيح وقم بعكسه

وهكذا تفعل لو بدات ب I2
وهذا ماسوف يحدث مع تمرينك هذا ستجد ان تيار البطارية 6 فولت طلع بالسالب ومعنى ذلك ان اتجاهه الحقيقى غير الاتجاه الذى فرضته انت على الرسم

طيب انا عاوز اعرف احنا ليه بنفرض اتجاه التيار؟
مش اتجاه التيار فى الدائرة من الموجب الى السالب؟
ولا الكلام ده فى حالة الدوائر البسيطة الموجود فيها بطارية واحدة , اما الدائرة دى معقدة فيها اكثر من مصدر للطاقة فالتيار هيكون ليه وضع اخر؟
وانا تعبتك معلش ياأستاذ احمد بس انا عاوز افهم

انا لقيت موقع بيعلم قانون كيرشوف الاول لأنى واضح انى لسه متدربتش عليه كويس

http://www.wisc-online.com/objects/V...spx?ID=DCE5203

المهم بدأت احل المسائل ووصلت للمسألة الخامسة ومش عارف احلها ازاى, مع العلم ان الموقع بيكتب الحل وطريقة الحل بس مش عارف ازاى فكر كده

والمسألة اهى

كلامك صحيح فى حالة الدوائر ببطارية واحدة لايكون هناك غير اتجاه واحد للتيار من موجب البطارية لسالبها
اما فى حالة وجود اكثر من بطارية فنحن نفترض اتجاهات من عندنا ونعدلها بعد حل المعادلات

بالنسبة للمسألة الخامسة هشوفها واقولك الحل

وبالنسبة لتعبى انا اصلا بكون سعيد جدا لما اكون عارف اجابة سؤال لانى عانيت كثير من سوء شرح الدكاترة فى الكلية زمان وعارف اد ايه الطالب بيعانى عشان يفهم شيئ من وراهم فلا تحمل هم تعبى بس انت شد حيلك