السلام عليكم
عندى تليفزيون قار يونس 28 بوصه ابو زر احمر خرب كذا مره و فى كل مره كان بيجيب خط مضىء لامع فى وسط الشاشه بالعرض مع وجود الصوت و كنت بغير له المتكامله TDA 3654 و كان بيشتغل تانى و كله تمام..
المره دى العطل عباره عن هاله مضيئه فوق و تحت الخط المضىء اللامع اللى فى وسط الشاشه و مع الوقت بتنحسر و تقل لحد ما تندمج على الخط و تختفى فيه و لما غيرت له المتكامله TDA 3654 لم يحدث اى شىء و ما زال العطل موجود..
ممكن تساعدونى و تؤولولى ايه الحل ؟؟ و جزاكم الله خيرا...

السلام عليكم

تحياتي لك مهندسنا الغالي

أولآ : غير مكثفات الأتية :

C 317, C 301, C 313 , C 307, C 314, C 316

ثانيآ : بعد تغيرك المكثفات لزمآ تكون متأكد جيدآ من نوعية الأيسي : TDA 3654 لأن في منها مضروب و جديدة .

ثالثآ : ممكن يكون الأيسي ال TDA2579A لأن بها عمليات تزامن الفيرتكال و الهورزينتال بس خاليها في الأخر خالص بعد ما تكمل الخطوتين السابقتين .

مع خالص تحياتي لك .

الاخ العزيز adilm
اشكرك كثيرا على الرد السريع و الاهتمام بمشكلتى و جارى التغيير و سوف اوافيك بالنتيجه ...

الاخ العزيز adilm
انا نفذت تعليمات حضرتك وغيرت المكثفات C 317, C 301, C 313 , C 307, C314, C 316
لكن العيب ما زال موجود و ان كان قد اصبح اقل قليلا عن الاول بحيث ان الهاله اللى فوق و تحت الخط اللى فى نصف الشاشه اختفت و التليفزيون لما بيفتح بيجيب خط و بس و عليه غيرت كمان الاى سى tda 3654 لكن من غير فايده..

طلبى دلوأتى هو هل ممكن تدلنى على طريق قياس الاى سى tda 3654 و ما هى معايير القياس على الافو ميتر الديجيتال ؟؟؟ عشان اقيسه قبل شرائه عشان اللى اشتريته منه قال لى ان مع الاسف البضاعه اللى موجوده فى السوق مضروبه او صينى ردىء الجوده
و شكرا

السلام عليكم

تحياتي لك مهندسنا الغالي

الحمد لله ان في تحسن ملحوظ بعد تغيرك المكثفات و هذا للأفضل حتي يسني لك معرفة العطل في أي مكان و كمان أذا ركبت اي ايسي يبقي مطمن علية من مشكلة تنعيم المكثفات ..

طبعآ لزمآ التأكد من فولتيات ارجل الايسي وليس بالقياس بالأوم المهم دي الفولتيات علي ارجل الأيسي التسعة :

1 - 2.1V
2 - 0V
3 - 1.6V
4 - 0V
5 - 13V
6 - 25V
7 - 0V
8 - 8V
9 - 25V

*- والأختلاف بيكون من -2 الي +2 فولت من القيم السابقة ....

اما أذا لحظت ان الفولتيات متقاربه يبقي الأيسي يعمل بكفائة و ممكن الأيسي رقم : TDA2579A لأن بها عمليات تزامن الفيرتكال و الهورزينتال تكون عمله لك المشكلة دي وذلك بأختبار بسيط علي ايسي التزمن TDA2579A تبل أصبعك و تتضعة علي طرف الأيسي رقم 1 و 2 او 3 و 4 . أذا فردت الصورة معك يبقي الأيسي tda 3654 بريء و يعمل كويس و العطل بالأيسي التزامن TDA2579A اما اذا لم تفرد الصورة فما عليك غير تغير الأيسي tda 3654 بواحد أخر و في مكن تشوفة مستعمل افضل و هو بيركب في الشاسياهات الخاصة بفبليبس OCU ابو كارتين علي الشمال و اقفيين وفي منه موديل قار يونس بردة ودي صورة الجهاز الفيلبيس اللي ممكن تلاقي فيها الأيسي :tda 3654 .



مع خالص تحياتي لك يا غالي .

السلام عليكم...
الحمد لله كل حاجه جت تمام و اكتشفت ان الاى سى الجديد اللى اما مركبه كان تالف اساسا _ نعمل ايه بأه فى البضاعه الصينى - على فكره انا من خبرتى مع ال tda 3654 فإن اللى مكتوب عليه بالبنى الباهت taiwan و علامة الفيليبس بنفس اللون بيشتغل فتره اطول من اللى مكتوب عليه بالابيض .. كده تمام و انا اطمئنيت ان المكثفات سليمه بردو و الحمد لله...

مش بس كده..ده انا كمان عملت اضافه لتقليل السخونه الشديده بداخل الجهاز بإنى ركبت مروحتين واحده صغيره خلف المبرد بتاع ال tda 3654 مباشرة و التانية بغطاء الجهاز من الخلف على ترنس 12 فولت - توازى و كله تمام ..
انا شاكر جدا على اهتمامكم بحالتى...و كمان شاكر جدا لمصطفى باشا بحرى على ملف TDA 3654 &TDA 2579 ....

فاضل حاجه صغيره مش ملحوظه اوى لكن اولت اعرفكم بيها بردو و استفيد من خبراتكم... فيه اعلى الشاشه سته خطوط عرضيه بيضاء رفيعه و نوعا ما مائله من اليمين لليسار ولأسفل و ما بتظهرش غير لما تكون القناه اضائتها عاليه فى اعلى الشاشه..سببه ايه ده ؟