- الدايرة دى جهد خاص بالاخ الكريم الاستاذ ماجد عباس له منى جزيل الشكر
انا فقط جهزتها للطباعة على برنامج Sprint-Layout 6.0

- وهى عباره عن دايرة بتبدل بين موتورين مياه مع كل اشارة كونتاكت بتيجى من الاوتوماتيك المتركب مع عوامة الموتور فمع كل كوونتاكت جاى من الاوتوماتيك هيشتغل موتور مختلف علشان المواتير ما تسخنش خاصة فى الصيف

- الدايرة بتاخد الاشارة من الاوتوماتيك الى بيبقى متركب مع العوامه بتاعة الموتور و الاوتوماتيك عبارة عن مفتاخ بيشتغل عن طريق ضغط المياه كل ما الاوتوماتيك يشتغل هيشغل موتور مختلف

- انا عندى فى العمارة الى ساكن فيها مركب 2 موتور كل موتور 3 حصان و الموتورين متشاركين فى اوتوماتيك و عوامه واحدة و كنت ببدل بينهم يدوى عن طريق سكينة كهربا عادية افصل واحد و اشغل التانى ففكرت فى الدايرة و ساعدنى فيها و هو صاحب الفضل اخى ماجد عباس له كل التقدير و الشكر

- الدايرة فيها 2 ريليه 12 فولت كل ريليه خاص بموتور ممكن نركب فى تلامسات الريليه تيار 220 فولت و نوصله بالموتورين على شرط الامبير بتاع الريليه يكون مناسب للريليه

- ممكن فى تلامسات الريليه نوصل 12 او 24 فولت مستمر بدلا من تيار 220 فولت - و بالتالى نوصل كل ريليه بكونتاكتور - و اكل كونتاكتور بموتور علشان المواتير ذات القدره العالية 3 حصان مثلا لا اظن ان الرليه هيستحملهم


- باكرر شكرى للمشرف الغالى ماجد عباس علشان تعب معايا


و اخير رجاءا لو اى حد من اساتذتنا خاصة الاستاذ ماجد و الاستاذ نعيم البديرى و كل الاحباب هنا لو ليه اى ملحوظه يتحفنا بيها و يا ريت الاستاذ ماجد يعتمد لنا الدايرة و يراجعها لنا قبل التنفيذ لان ممكن يكون فيه خطأ ما انا ارتكبته او تعديل ما للتحسين

لكم منى جميعا كل التقدير و الشكر

اخوكم ...

الدايرة







تحميل ملف Pcb
https://docs.google.com/uc?authuser=...xport=download

بالتوفيق إن شاء الله

جزاك الله خيرا مشرفنا الغالي

جميل / اخ عماد / راجعت الدائرة مع بوردة الطبع / وبالتوفيق ان شاء الله

جزاك الله خيرا استاذ نعيم و شكرا لمروركم الكريم ربنا يتقبل منك و ياجرك الخير كله

على فكرة انا بحثت فى المنتديات العربية علىت مثل هذه الدايره فلم اجد

اكرر شكرى لاخى ماجد عباس فهو صاحب الفضل

ملحوظة
---------
هناك ملحوظة واحدة فقط هو وضع اطراف الريليه ذات ال5 ارجل انا لقيت الى عندنا فى مصر وضع اطراف التلامس مختلفين عن الموجود فى الدايره
و لذاك اعدت رسم الجزء الخاص بالريليه وفق وضعية اطراف التلامس للريليه المتوفر لدينا

من السهل التعديل على الدايرة عن طريق برنامج Sprint-Layout 6.0 او حتى بالفوتوشوب

دى وضعية ارجل الريليه الى لقيته متوفر ب5 ارجل




دى الدايرة بعد تعديل الريليه




ده الرابط بعد التعديل
https://docs.google.com/uc?id=0B2DDW...xport=download

الاخ عماد / عندي فقط ملاحظة صغيرة وان كانت غير مهمة ولكن ربما ليها اهمية فيما بعد وهي : لنفترض ان الدائرة تعمل على الكهرباء وانقطعت الكهرباء ثم عادت هذا يعني اول ايعاز للمرجاح (4013) عندما تنخفض العوامة طبعا سيكون هو الخرج Q وهو الطرف 1 من الاي سي وسيعمل الرلي المقابل له ( القصد ربما ليس له الدور اصلا وكان يعمل في الواجب الماضي (المناوبة السابقة ) وكلما تنطفيء الكهرباء وتعود تترست الدائرة لتبدا من Q ثمQ- / الاقتراح وضع بطارية للدائرة 12V مع شاحن بسيط لكي نحافظ على التسلسل للمناوبة بين المضختين ... هو مجرد اقتراح ويمكنك تجربته مع امنياتي لك بدخول السنة الجديدة بعد نصف ساعة من هذه المشاركة بالسعادة والتوفيق .

جزاك الله خيرا استاذ نعيم و كل عام و انت بكل خير و سعادة انت و اسرتك الكريمه و احبابك جميعا و ربنا يجعله عام كله خير و سعادة على الامه العربية و الاسلامية

هى فكرة الدايرة بالنسبة لى قد لا تحتاج الى مثل هذا الاجراء لان فى حالة تركيب 2 موتور و يكون الهدف التبديل بينهم فبيبقى الاستخدام المتواصل فى اقصى تقدير نصف ساعه الى ساعه و هذا لالا يعتبر حمل او خطر على اى طلمبة مياه و فى حالة انقطاع التيار و لو للحظات حتى لو رجع نفس الموتور فمش هيكون فيه مشكلة لاننا كنا بنشغل الموتور يوم كامل و بنبدل اما كل 12 ساعة او كل 24 ساعه

ممكن من الاخوة يكون عنده حالة معينه بيحتاج فيها المحافظة على التسلسل فاكيد هيستفيد من ملحوظة حضرتك

و ان كنانت بصراحة ملحوظة دقيقة ما خطرتش فى بالى خالص


لك منى جزيل الشكر ز الامتنان فلقد تعلمنا منكم الكثير

لك منى جزيل الشكر

لو اجى الامر واشتغل الموتور والامر لساه موجود وسخن الموتور واحترق قبل التبديل شو الحل
لو ركبنا افرلود..او حساس حراري عالمتور لما يسخن يبدل ما بكون عملي اكتر
مجرد مشورى وراي بس