السلام عليكم و رحمة الله و بركاته
طبعا السؤال باين من العنوان انا عندى غساله ايديال زانوسى اكواتك 20 برنامج بتتأخر اول ما اشغلها فى سحب الميه وجبت فنى شافها و قالى اللوك بتاع الباب عايز يتغير و قالى لو دوست على الباب هتسحب مايه على طول وفعلا جربت لقيتها بتسحب مايه فأنا اشتريت مفتاح اللوك وحابب اركبه بنفسى فياريت حد يقولى الخطوات اللى هعملها علشان اغير المفتاح بتاع اللوك بالتفصيل
ودى اول مشاركه ليه فى المنتدى الجميل ده و جزاكم الله خير على الخدمات اللى بتقدموها للناس هنا

ايه يا جماعه هو السؤال صعب قوى كده على الفنيين اللى فى المنتدى

خطوات تغيير لوك الباب
1- افصل الكهرباء عن الغسالة ثم افتح باب الغسالة
2- فك الطوق البلاستيك الذى يحيط بجوان الحلة
3- ثنى الجوان الى داخل الغسالة
4- فك عدد 2 مسمار تثبيت لوك الباب
5- خلع اطراف الاسلاك من اللوك القديم وتركيبها بنفس الترتيب باللوك الجديد
6- اعادة تثبيت اللوك الجديد
7- سحب الجوان مرة اخرى الى الخارج وتثبيته على الجسم الخارجى للغسالة
8- تركيب الطوق البلاستيك باحكام
بالتوفيق

جزاك الله خيرا يا ابو يوسف و ادهم وان شاء الله همشى على الخطوات اللى حضرتك قولتها وان شاء الله خير